Morgunblaðið - 22.04.2016, Blaðsíða 38

38 MENNING
MORGUNBLAÐIÐ FÖSTUDAGUR 22. APRÍL 2016
Bjarni Steinar Ottósson
bso@mbl.is
Við deyjum á Mars nefnist nýtt leik-
rit eftir Jónas Reyni Gunnarsson í
leikstjórn Stefáns Jónssonar, sem út-
skriftarhópur
Listaháskóla Ís-
lands í leiklist
frumsýnir í kvöld,
föstudag, kl. 20 í
Smiðjunni að
Sölvhólsgötu, en
gengið er inn
Skúlagötu-megin.
Leikrit Jónasar
Reynis varð hlut-
skarpast í
leikritunar-
samkeppni sviðslistadeildar LHÍ í
fyrra. Hugmyndin að leikritinu
kviknaði þegar Jónas var sjálfur að
útskrifast úr MA-námi í ritlist við Há-
skóla Íslands. „Ég var að reyna að
finna hugmyndir fyrir þennan leik-
hóp. Þetta kviknaði út frá því hvað
hentaði þeim en forsendurnar voru að
þetta væri nemendaleikhúsið og níu
leikarar. Það var byrjunarreiturinn.
Ég tengdi þetta við þrána til þess að
verða eitthvað, sem einkennir oft
raunveruleikaþætti. Þetta er svaka-
legt ætlunarverk að ætla að ferðast út
í geim og á nýja plánetu og það varð
byrjunarreiturinn.“
Í grunninn snýst leikritið um níu
manneskjur sem sendar eru til Mars
með tvöfalt verkefni: Að koma á lagg-
irnar nýju samfélagi manna á plán-
etunni rauðu og skemmta í leiðinni
áhorfendum heima á jörðinni sem
fylgjast með för þeirra í nokkurs kon-
ar raunveruleikaþætti.
Umgjörðin eykur því enn á þrýst-
inginn í aðstæðum sem þegar eru
nánast á suðupunkti en flóttinn frá
raunveruleikanum var Jónasi einnig
hugleikinn. „Þegar ég fór að grafa
dýpra í þetta fór ég að tengja verkið
betur við flóttann frá aðstæðunum og
erfiðleikunum við að tengjast öðrum
manneskjum. Það er erfitt í lífinu að
ætla að gera allt í einu: Ná frama,
tengjast manneskjum og búa til gott
samfélag. Þetta verður svo allt tor-
veldara þegar allur heimur þinn er
smækkaður niður í bara níu mann-
eskjur. Það er nógu erfitt með sjö
milljörðunum hér.“
Líður eins og kartöflumömmu
Jónas segir tilfinninguna við að sjá
verkið taka á sig mynd á sviðinu mjög
sérstaka, þó á jákvæðan hátt. Hann
rifjar upp orð Sigurðar Pálssonar
skálds um leikritshöfunda sem hann
líkti við kartöflumömmur sem gefa af
sér mikið líf en verða svo óþarfar þeg-
ar kemur að uppskeru.
„Það er mjög skemmtilegt að sjá
hæfileikaríkt fólk taka einhverja hug-
mynd sem maður kom með og gera
hana að einhverju. Mér líður eins og
þetta sé verk okkar allra,“ segir Jón-
as um samstarfið við leikstjóra og
leikara sem hann var í reglulegu sam-
bandi við meðan á ritun stóð en verk-
ið hefur tekið miklum breytingum frá
því sem upphaflega var lagt af stað
með.
„Þetta var líka góður skóli fyrir
mig. Ég hef lítið skrifað fyrir leikhús,
hef meira unnið við kvikmynda-
handrit, ljóð, smásögur og mynd-
skreytta texta. Ég stillti mér því hálf-
partinn upp við vegg með þetta en ég
lærði mikið á því að pæla talsvert í
karakterum og mannlegri hegðun og
samskiptum.“
Leikarar sýningarinnar eru Aldís
Alda Hamilton, Alexander Erlends-
son, Birna Rún Eiríksdóttir, Hjalti
Rúnar Jónsson, Íris Tanja Ívars Fly-
genring, María Dögg Nelson, María
Thelma Smáradóttir, Sigurbjartur
Sturla Atlason og Snæfríður Ingv-
arsdóttir.
Þess má að lokum geta að sýnt
verður á hverju kvöldi á tímabilinu
frá 22. apríl til og með 3. maí kl. 20 öll
kvöld. Tekið er við miðapöntunum á
netfanginu: midisvidlist@lhi.is.
Til Mars í beinni útsendingu
 Útskriftarhóp-
ur LHÍ í leiklist
frumsýnir nýtt
leikrit í kvöld
Svakalegt „Þetta er svakalegt ætlunarverk að ætla að ferðast út í geim og á nýja plánetu og það varð byrjunarreiturinn,“ segir Jónas Reynir um leikrit sitt.
Jónas Reynir
Gunnarsson
Sýning á ljóðum Snorra Hjartar-
sonar verður opnuð í dag kl. 16 í
Þjóðarbókhlöðunni og ber hún tit-
ilinn Inn á græna skóga. Um leið
verður fagnað 3. útgáfu Forlagsins á
kvæðasafni skáldsins og við opn-
unina mun Páll Valsson bókmennta-
fræðingur afhenda Landsbókasafni
Íslands – Háskólabókasafni gögn úr
fórum Snorra Hjartarsonar. Kór
Neskirkju mun flytja „Hvíld“, lag
Huga Guðmundssonar við ljóð
skáldsins, undir stjórn Steingríms
Þórhallssonar og Guðrún Dalía Sal-
ómonsdóttir píanóleikari og Hallveig
Rúnarsdóttir sópran frumflytja lag
eftir Þorvald Gylfason við ljóð
Snorra, „Vor“. Vigdís Finnboga-
dóttir, fyrrverandi forseti Íslands,
flytur einnig ávarp og opnar sýn-
inguna ásamt vef með ljóðum
Snorra. Á sýningunni er haldið á loft
ljóðaperlum Snorra og kvæðin mæta
gestum Þjóðarbókhlöðu á göngum
safnsins og þeir geta einnig látið
fara vel um sig með spjaldtölvu á
sýningarsvæðinu og hlýtt á ljóðin í
upplestri Gunnars Þorsteinssonar,
þýðanda og þular, að því er fram
kemur í tilkynningu.
Skáldið Snorri Hjartarson virðir fyrir sér höfuðkúpu.
Ljóð Snorra á sýningu
ÍSLANDSMÓTIÐ
PEPSÍ-DEILD KARLA Í KNATTSPYRNU 2016
PÖNTUN AUGLÝSINGA:
Fyrir kl. 16, mánud. 25. apríl.
NÁNARI UPPLÝSINGAR: Katrín Theódórsdóttir
kata@mbl.is | Sími: 569-1105
SÉRBLAÐ
–– Meira fyrir lesendur
29. apríl gefurMorgunblaðið út glæsilegt sérblað um
Íslandsmótið í Pepsí-deild karla í knattspyrnu sumarið 2016.