Morgunblaðið - 28.06.2016, Qupperneq 21

MINNINGAR 21
MORGUNBLAÐIÐ ÞRIÐJUDAGUR 28. JÚNÍ 2016
✝ Guðborg BjörkSigtryggsdótt-
ir fæddist í Gils-
árteigi í Eiða-
þinghá 28. júlí
1931. Hún lést á
Sjúkrahúsi Seyðis-
fjarðar 19. júní
2016.
Foreldrar henn-
ar voru Páll Sig-
tryggur Björnsson
frá Gilsárteigi í
Eiðaþinghá, f. 1902, d. 1991, og
María Ólafsdóttir frá Hvassa-
felli í Borgarfirði, f. 1905, d.
1979. Systkini Guðborgar eru
Klemens Baldvin, f. 1935, d.
2012, Björn Jón, f. 1937, d. 2014,
drengur andvana fæddur 1942,
Kristinn Reynir, f. 1943, Arndís
Sveinlaug, f. 1945, Sigurbjörn, f.
1948, d. 2010.
Þann 7. júní 1953 giftist Guð-
borg Gísla Sigurðssyni, d. 1991.
ir þeirra eru þrír og eitt barna-
barn.
Fyrstu fjögur árin bjó Guð-
borg, eða Dúlla eins og hún var
kölluð, ásamt foreldrum sínum í
Gilsárteigi, en þau fluttu síðan
til Seyðisfjarðar. Þar hefur hún
búið alla tíð síðan, nema þegar
þau Gísli bjuggu fyrstu hjúskap-
arárin í Hafnarfirði. Dúlla var í
Barnaskóla Seyðisfjarðar og tók
svo einn vetur í gagnfræðaskóla
í Reykjavík. Eftir það vann hún
hjá sýslumanninum á Seyðisfirði
þangað til hún fór að sjá um
uppeldi barna sinna og heimilis-
störf. Hún vann við þrif í Tón-
listarskóla Seyðisfjarðar í nokk-
ur ár og á Sjúkrahúsi Seyðis-
fjarðar. Síðustu árin vann hún í
þvottahúsi sömu stofnunar.
Dúlla hafði gaman af alls konar
tónlist, en kórsöngur og óperur
voru í miklu uppáhaldi. Hún
söng í Samkórnum Bjarma og
Kirkjukór Seyðisfjarðar og
veitti það henni mikla ánægju.
Dúlla var stofnfélagi í
Slysavarnadeildinni Rán.
Guðborg verður jarðsungin
frá Seyðisfjarðarkirkju í dag,
28. júní 2016, klukkan 14.
Börn þeirra eru: 1)
Ingibjörg, f. 9. maí
1952, sem á eina
dóttur og tvö
barnabörn, 2) Sig-
urður Kristinn, f.
14. júní 1955, giftur
Mörthu Finnsdótt-
ur og eiga þau einn
son, 3) Sigtryggur,
f. 8. ágúst 1956,
giftur Önnu G.
Kristjánsdóttur og
eiga þau sex börn og sex barna-
börn, 4) Ólafía María, f. 9. febr-
úar 1958, gift Guðjóni Egilssyni,
þau eiga sex börn og fimm
barnabörn, 5) Ragnheiður, f. 2.
október 1965, sambýlismaður
Sigurður Víðisson, börn þeirra
eru þrjú og barnabörnin tvö, 6)
Guðrún, f. 22. maí 1971, gift
Klas Hjære Poulsen, synir
þeirra eru þrír, 7) Sigurveig f.
13. maí 1973, gift Vilhjálmi, syn-
Mamma mín, mamma mín, mikill var
þinn kærleikur til mín.
Þótt býsna oft ég ætíð brygðist þín,
baðst þú þó fyrir mér.
Elsku mamma mín.
Mig langar að minnast þín í
svo mörgum orðum og leyfa öll-
um að heyra af öllum þínum góðu
kostum og gildum sem ég vona að
þér hafi tekist að innræta eitt-
hvað í mig. Lítil grein í Morg-
unblaðið nær hins vegar ekki að
fanga þessar fögru lýsingar mín-
ar um þig og því ákvað ég að nýta
plássið fyrir kveðjuorð frá mér til
þín af því ég efast ekki um að þú
kíkir aðeins á minningargrein-
arnar eins og alla aðra daga.
Fyrstu nætur lífs míns áttum
við saman á gamla sjúkrahúsinu
hér á Seyðisfirði og síðustu næt-
ur lífs þíns áttum við saman í
„nýja“ sjúkrahúsinu sem er trú-
lega lífsins gangur. Ég vona að ég
hafi náð að gefa þér sömu ást, ör-
yggi og umvafið þig á sama um-
hyggjusama hátt þessar nætur
sem við áttum saman eins og þú
veittir mér fyrstu nætur lífs míns
og ætíð síðan. Mér fannst það for-
réttindi að fá að hvíla höfuð mitt á
kodda við hlið þér þessar nætur
en hefði svo sannarlega viljað að
það væru ekki síðustu stundir
okkar saman.
Ástin og þakklætið sem þú
sýndir mér alla tíð fær mig til að
efast um að ég hafi gefið þér nóg
til baka en ég vona samt að þú
hafir vitað hversu mikill kærleik-
ur minn var líka til þín. Ég er
þakklát, sérstaklega fyrir kveðj-
ur okkar á kvöldin sem voru alltaf
innilegar og það er mér dýrmætt
að hafa fengið að finna svo mikið
hlýju þína og þakklæti. Lang-
samlega þakklátust er ég fyrir að
þú skyldir fá að kynnast honum
Albert Inga mínum og fá að fylgj-
ast með hvað þið áttuð einstakt
samband þessi fyrstu tæp tvö ár
af hans ævi. Að sjá hvernig andlit
hans ljómaði að sjá þig og sjá það
speglast í þínu andliti gaf mér
meira en orð geta lýst. Þakklát
fyrir að hann skyldi kalla þig
„mömmömmu“ síðustu daga þína
og senda þér fingurkossa að
skilnaði sem gladdi þig svo mikið.
Við áttum svo margar stundir
saman í sorg og gleði, í amstri
hversdagsins sem og á hátíðar-
stundu og allar eignast þær nú
sérstakar minningarvistarverur.
Tómarúmið sem verður eftir þig
verður aldrei fyllt, það verður
aldrei önnur mamma en ég mun
reyna að lifa í þeim gildum sem
þú hefur kennt mér og meta allt
það góða sem lífið færir mér og
reyna að opna hjarta mitt á sama
hátt og þú gerðir.
Ég er eilíflega þakklát sam-
starfsfólki mínu hjá HSA á Seyð-
isfirði fyrir þá einstöku vináttu,
hlýju og ástúð sem þau sýndu þér
síðustu æviár þín og hvernig ung-
liðadeildin, krakkarnir þínir þar,
opnuðu hjarta sitt fyrir þér og þú
fékkst að vera áfram mamman
eða amman á þessu stóra heimili
eins og lífsstarf þitt var alla tíð.
Ástarþakkir til ykkar allra.
Ég trúi því að pabbi hafi tekið
á móti þér og það verður huggun
mín að vita að á afmælisdögum
ykkar þetta árið þá dansið þið
loksins saman rétt eins og fyrsta
kvöldið ykkar í Oddfellowhúsinu.
Minning þín er svo sannarlega
ljós sem lifir hjá okkur um aldur
og ævi,
vertu sæl elsku mamma og
takk fyrir allt.
Litlan þín,
Sigurveig.
Elsku amma, mikið er ég þér
þakklát fyrir allar þær góðu
minningar sem að þú hefur gefið
mér. Þakklát fyrir að eiga ömmu
eins og þig. Þú varst svo
hjartahlý, góð og lífsglöð kona.
Síðustu daga hef ég verið að
fletta í albúmum minninganna.
Ég man eftir mér lítilli skottu að
leik á Leirubakkanum við frænk-
ur mínar, dætur þínar, allar á
svipuðu reki. Það var mikið brall-
að og leikið. Þú með brosið þitt
blíða alltaf í eldhúsinu að útbúa
eitthvað gott handa okkur í öll
mál. Hugsa um okkur öll. Þú
varst með stórt heimili, áttir sjö
börn sem að þú elskaðir út af líf-
inu. Sagðir það undir það síðasta,
en ekki í fyrsta skiptið, hvað þú
værir nú rík að eiga öll þessi ynd-
islegu og fallegu börn, barnabörn
og barnabarnabörn.
Eftir að ég flutti burt frá
Seyðisfirði var ég svo lánsöm að
fá að koma til ykkar afa Gísla á
sumrin og vera hjá ykkur í ein-
hvern tíma. Þegar ég steig inn
um dyrnar tókst þú svo vel á móti
mér með kossunum þínum öllum
og faðmi. Ég hugsaði síðar, eftir
að hafa kynnst franskri menn-
ingu, að þú hlytir að hafa verið
frönsk í fyrra lífi. Þú varst alltaf
svo áhugasöm um allt sem á mína
daga hafði drifið og aldrei
gleymdir þú afmælisdeginum
mínum, hringdir alltaf í mig. Við
ræddum oft um góðar bækur
saman, höfðum sama smekk á
þeim og vorum oft að lesa það
sama. Þú hafðir gaman af lestri
og ekki síður fannst þér gott eftir
amstur dagsins að setjast niður
og horfa á góða mynd eða þætti.
Þú hafðir mikla ánægju af falleg-
um fötum og fórst ekki út fyrir
hússins dyr án varalitar. Leist
alltaf vel út, elsku amma. Þú
hafðir einnig mjög gaman af því
að ferðast. Ferðaðist víða um æv-
ina, bæði innanlands og erlendis.
Þú varst svo dugleg að koma suð-
ur og dvelja í einhvern tíma. Það
er aðdáunarvert hve mikinn lífs-
vilja og lífsgleði þú hafðir, alltaf
að ferðast og koma og hitta vini
og ættingja. Vera með í boðum
fram á rauða nótt og njóta þess
að vera innan um fólk. Lífið var
þér ekki alltaf auðvelt en þú tókst
á erfiðleikunum af miklu hug-
rekki, æðruleysi og fallega bros-
inu þínu. Elsku amma mín, takk
fyrir allt sem þú varst mér og
minni fjölskyldu. Þú varst ein-
stök kona og minning þín mun
lifa í hjarta mínu til æviloka.
Þú varst okkur amma svo undur góð
og eftirlést okkur dýran sjóð,
með bænum og blessun þinni.
Í barnsins hjarta var sæði sáð,
er síðan blómgast af Drottins náð,
sá ávöxtur geymist inni.
Við allt viljum þakka, amma mín,
indælu og blíðu faðmlög þín,
þú vafðir oss vina armi.
Hjá vanga þínum var frið að fá
þá féllu tárin af votri brá,
við brostum hjá þínum barmi.
Við kveðjum þig, elsku amma mín,
í upphæðum blessuð sólin skín,
þar englar þér vaka yfir.
Með kærleika ert þú kvödd í dag,
því komið er undir sólarlag,
en minninga ljós þitt lifir.
Leiddu svo ömmu, góði guð
í gleðinnar sælu lífsfögnuð,
við minningu munum geyma.
Sofðu svo amma sætt og rótt,
við segjum af hjarta góða nótt.
Það harma þig allir heima.
(Halldór Jónsson frá Gili).
Telma Sigtryggsdóttir.
Nú er hún elsku Dúlla mín lát-
in. Þessi elskulega kona var mjög
tengd fjölskyldu minni. Hún var
gift Gísla, móðurbróður mínum,
og þegar þau komu í bæinn frá
Seyðisfirði þá gistu þau alltaf hjá
okkur. Íbúðin okkar var mjög lítil
og því mikil þrengsli, en alltaf leið
okkur vel saman. Mamma og
Dúlla voru ekki bara mágkonur, á
milli þeirra var einlægur og kær
vinskapur alla tíð. Þær elskuðu
báðar bækur og gátu talað enda-
laust um þær, höfðu álíkan húm-
or og þær voru trúnaðarvinir.
Þegar ég fæddist, sem var áður
en þau Gísli kynntust, þá var ég
svo heppin að Gísli frændi tók
ástfóstri við mig, litlu stelpuna
hennar Millu, og hann hélt því
alla tíð, þó hann eignaðist síðar
sjö börn. Það var eins og ég ætti
alltaf hólf í hjarta hans. Þannig
var það líka með hana Dúllu, eftir
að hún kom inn í fjölskylduna.
Þegar ég fermdist fékk ég í ferm-
ingargjöf flugferð til Seyðisfjarð-
ar og sumardvöl hjá þeim hjá
hjónum. Þetta var mikið ævintýri
fyrir mig, 13 ára stelpuna, að fara
í flugvél, fara í rútuferðalag frá
Egilsstöðum til Seyðisfjarðar og
ég sem hafði lítið sem ekkert
ferðast. Ferðin til Seyðisfjarðar
var því mikil ævintýraferð. Þar
sem ég var að fara frá foreldrum
mínum í fyrsta sinn í svo langan
tíma var ég mjög spennt, en líka
smá kvíðin, en um leið og ég var
komin á leiðarenda var ég tekin
inn í Gísla- og Dúllu-hópinn eins
og ég væri ein af þeim og þannig
hefur mér liðið alla tíð síðan.
Dúlla var einstaklega barngóð
kona og var í raun aldurslaus.
Hún náði ótrúlega sterkum teng-
ingum við börn sem og við full-
orðið fólk, aldur skipti hana ekki
máli, hún átti einhvern veginn
svo auðvelt með að komast á
sömu bylgjulengd og aðrir. Hún
elskaði fjörðinn sinn fallega,
börnin sín og afkomendur og
helst hefði hún óskað að hafa allt
fólkið sitt í kringum sig alltaf, en
þar sem það var ekki hægt, þá
naut hún þess algjörlega í botn í
hvert sinn sem einhver kom í
heimsókn í bæinn og ljómaði öll
og brosti sínu fallega og yndis-
lega brosi. Það hefur verið fallegt
að fylgjast með, þó í fjarlægð sé,
hvernig börnin hennar hafa hlúð
að henni og hvatt hana hvert á
sinn hátt af svo mikilli ástúð.
Ég, mamma, Rúnar og Björt
þökkum elsku Dúllu fyrir dásam-
legar stundir og sendum hinum
stóra og glæsilega afkomenda-
hópi hennar okkar innilegustu
samúðarkveðjur.
Brynja Guttormsdóttir.
Ég kynntist Dúllu og hennar
fjölskyldu haustið 1982 og þau
kynni entust vel og lengi. Dúlla
og Gísli tóku mér svo vel að ég á
fá orð yfir það en þakklæti mitt
er innilegt. Á heimili þeirra var
gestkvæmt því þau hjónin voru
með eindæmum gestristin og
þægileg heim að sækja. Dúlla var
sérstaklega barngóð og natin við
sína nánustu. Hún var ósérhlífin,
dugleg og áreiðanleg. Ekki man
ég eftir mörgu sem við vorum
ósammála um ef undan er skilin
pólitík! Þar unnum við þó hvort
öðru sinnar skoðunar eins og
vera ber.
Ég þakka Dúllu að leiðarlok-
um góð kynni sem spanna meira
en 30 ár. Sendi börnum, barna-
börnum og aðstandendum þeirra
innilegar samúðarkveðjur. Minn-
ing um góða kona lifir.
Jónas Andrés Þór Jónsson.
Þegar samferðafólk okkar á
ævivegi kveður hinzta sinni verð-
ur mörg minningin skýrari í
muna, þó langt sé um liðið. Þá
rifjast upp orð og atvik sem mað-
ur hélt að væru týnd og töpuð,
enda langt um liðið frá því ég var
í þjónustu við hið ágæta fólk
eystra sem veitti mér trúnað
sinn. Hugarhlý er minninga-
myndin um hana Guðborgu,
þessa einlægu hugsjónakonu,
þessa ljómandi greindu og dug-
miklu konu sem var svo gott að
vita af í hópi stuðningsfólksins
eystra, þar sem atfylgið aldrei
brást. Guðborg var af því góða
fólki komin sem átti drauminn
um réttlátt samfélag og þann
draum átti hún einnig í ríkum
mæli. Hlýtt var handtakið, gef-
andi voru bros hennar og viðmót
allt, hógvær og einörð um leið.
Hún Guðborg var svo vel að sér
um svo margt, greind kona og
gjörhugul. Hún gaf góð ráð á sinn
hlýja hátt og gott á að hlýða
hversu henni þótti vel ráðið um
gjörðir mínar og ekki var síðra að
heyra hana segja frá því sem bet-
ur hefði mátt fara. Kaffispjall að
loknum fundum með þeim Gísla
var sannarlega gefandi, þar lögðu
þau hjón margt til mála sem
reyndist hið bezta umhugsunar-
efni á heimleiðinni. Þau hjónin
voru sósíalistar af trúrri sann-
færingu og eðlislægri og í for-
ystusveit á sínum heimastað.
Þetta skulu aðeins nokkur fá-
tækleg þakkarorð fyrir sam-
fylgdina kæru og gjöfulu, það var
mannbætandi að eiga fund með
henni Guðborgu.
Hlýjar skulu samúðarkveðjur
til barna hennar og þeirra fólks.
Minningin um Guðborgu yljar
sannarlega öldnu hjarta. Ljós og
kær er sú minning í muna.
Helgi Seljan.
Guðborg Björk
Sigtryggsdóttir
Innilegar þakkir fyrir samúð og hlýhug við
andlát og útför ástkærs eiginmanns míns,
ÁSGEIRS EINARS FLORENTSSONAR,
sem lést 29. maí á heimili sínu, Dona Pepa,
á Spáni.
.
Sigurrós B. Eðvarðsdóttir.
Móðir okkar, tengdamóðir, amma,
langamma og langalangamma,
GUNNÞÓRA SIGURBJÖRG
KRISTMUNDSDÓTTIR,
sem lést 10. júní 2016 á hjúkrunarheimilinu
Ísafold, verður jarðsungin frá
Langholtskirkju í Reykjavík fimmtudaginn 30. júní klukkan 15.
.
Þorkell Helgason, Henrietta Griebel,
Þorsteinn Helgason,
Þorlákur Helgi Helgason, Kristjana Sigmundsdóttir,
Þorvaldur Karl Helgason, Þóra Kristinsdóttir,
Þorgeir S. Helgason, Laufey Tryggvadóttir,
Þóra Elín Helgadóttir, Einar Bragi Indriðason
og fjölskyldur.
Elskulegur eiginmaður minn og faðir,
AXEL ÞORBERG INGVARSSON,
Heiðarholti 7, Reykjanesbæ,
lést á Landspítalanum 24. júní 2016.
Jarðarförin verður auglýst síðar.
Fyrir hönd aðstandenda,
.
Elsa Björk Kjaransdóttir,
Þorgeir Axelsson, Guðjón Magnús Axelsson,
Soffía Inga Axelsdóttir.
Ástkær eiginmaður minn, faðir okkar,
tengdafaðir og afi,
KRISTJÁN M. BALDURSSON,
landfræðingur og leiðsögumaður,
Kúrlandi 27, Reykjavík,
varð bráðkvaddur föstudaginn 24. júní.
Útför hans fer fram frá Bústaðakirkju föstudaginn 1. júlí
klukkan 13.
.
Elín Ýrr Halldórsdóttir,
Anna Rut Kristjánsdóttir,
Ásta Ýrr Kristjánsdóttir, Kári Logason,
Herdís Kristjánsdóttir, Pétur Andri Dam,
Halldór Kristjánsson, Ásdís Nína Magnúsdóttir
og barnabörn.
Innilegar þakkir til þeirra sem sýndu okkur
samúð og hlýhug við andlát og útför
eiginmanns míns, föður okkar, tengdaföður
og afa,
SUMARLIÐA KRISTMUNDSSONAR,
Hábrekku 8, Ólafsvík.
Sérstakar þakkir til starfsfólks
krabbameinsdeildar Landspítalans.
.
Kristín G. Jóhannsdóttir,
Kristmundur Sumarliðason, Hermína Lárusdóttir,
Ingibjörg Sumarliðadóttir, Einar Hjörleifsson,
Þorkatla K. Sumarliðadóttir, Baldur Á. Sigþórsson
og barnabörn.
Ástkær eiginkona mín, móðir okkar,
tengdamóðir og amma,
HAFDÍS GUÐMUNDSDÓTTIR,
Klukkuholti 22, Álftanesi,
lést á Landspítalanum v/ Hringbraut 24.
júní. Útförin fer fram frá Grafarvogskirkju
miðvikudaginn 6. júlí klukkan 13.
.
Þorsteinn Svörfuður Kjartansson,
Kristinn Þorsteinsson, Sigríður Olga Magnúsdóttir,
Gestur Örn Ákason, Eyrún Valþórsdóttir,
Andri Þorsteinsson, Mary Joy Repato,
Klara Lind Þorsteinsdóttir, Arnar Gísli Hinriksson
og barnabörn.