Morgunblaðið - 11.07.2016, Blaðsíða 15

FRÉTTIR 15Erlent
MORGUNBLAÐIÐ MÁNUDAGUR 11. JÚLÍ 2016
... um sterkar konur,
æsileg ráðabrugg
og ástarævintýri.
„Mjög vel skrifuð,
blæbrigðarík
og flott saga,
krydduð krassandi
erótík og ástarþrá.“
Litteraturmagazinet
„LESIÐ! LESIÐ! LESIÐ!“
Cosmopolitan
Suður-Súdan er „aftur komið í stríð“, sagði tals-
maður varaforseta landsins og leiðtoga uppreisnar-
manna, Riek Machar, eftir að mikil átök brutust aftur
út í Juba, höfuðborg Suður-Súdan, í gær en hermenn
ríkisstjórnarinnar og uppreisnarmenn skiptast á
skotum. Á föstudag varð skotbardagi milli stríðandi
afla 150 manns að bana. Engar nákvæmar tölur hafa
borist af mannfalli í átökunum í gær en talsmaður
uppreisnarmanna sagði í samtali við BBC að „hundr-
uð“ hermanna Machar hefðu látist í átökunum í gær.
Upplýsingaráðherra landsins, Michael Makuei Lu-
eth, sagði hins vegar fregnir af stríði vera „ósannar“.
Herlið ríkisstjórnarinnar hefði aðeins verið að bregð-
ast við áhlaupi uppreisnarmanna. „Staðan er eðlileg
og við höfum fulla stjórn,“ bætti hann við.
Skothríðin hefur dunið í nágrenni við höfuðstöðvar
Sameinuðu þjóðanna í Juba en samkvæmt skrifstof-
unni flúðu borgarbúar vettvang í þann mund sem
skotið var af sprengjuvörpum en fjöldi fólks hefur
leitað skjóls í búðum Sameinuðu þjóðanna í borginni.
Öryggisráð Sameinuðu þjóðanna sagði átökin sýna
„skort á raunverulegri skuldbindingu“ Salva Kiir,
forseta landsins, Machar og fylgismanna þeirra við
friðarsamkomulagið frá árinu 2015. Öryggisráðið
áætlaði að koma saman í gær til að ræða stöðuna í
Suður-Súdan. Þá fordæmdi Ban Ki-moon, fram-
kvæmdastjóri Sameinuðu þjóðanna, hið „tilgangs-
lausa ofbeldi“.
Ákall um frið fór út um þúfur
Ofbeldið hófst daginn eftir að Suður-Súdan, yngsta
ríki heims, fagnaði sjálfstæði sínu í fimmta sinn.
Landsmenn Suður-Súdan hafa séð meiri átök en frið
frá því landið öðlaðist sjálfstæði árið 2011 en borg-
arastríð braust út árið 2013 í kjölfar þess að Kiir sak-
aði Machar um að skipuleggja valdarán. Þá hittust
þeir í forsetahöllinni á föstudag og kölluðu eftir ró í
ríkinu sem fór svo út um þúfur í gær. Lýstu þeir
átökunum sem „óheppilegum“.
Sendiráð Bandaríkjanna í Júba leiðbeindi ríkis-
borgurum sínum að halda sig innandyra. „Aðstæð-
urnar í Juba hafa versnað til muna. Það eru alvarleg
átök milli ríkisstjórnarinnar og uppreisnarmanna í
nágrenni við flugvöllinn, UNMISS-svæði, Jebel og
aðra staði í Juba,“ sagði í yfirlýsingu frá sendiráðinu
eins og fram kemur í frétt AFP.
Stríðandi öfl í Suður-Súdan
skiptast á skotum
 150 manns biðu bana á föstudag og eru átök hafin á ný
AFP
Átök Forseti Suður-Súdan, Salva Kiir, yfirgefur blaða-
mannafund á föstudag en skotárásir hófust sama dag.
„Þegar þeir sem hafa áhyggjur af
sanngirni í réttarkerfinu ráðast á
lögreglumenn eru þeir að gera
málstaðnum grikk,“ sagði Barack
Obama, forseti Bandaríkjanna, í
gær vegna áframhaldandi mót-
mæla fjölda Bandaríkjamanna í
kjölfar dauðsfalla svartra manna
af völdum lögreglu.
Micah Johnson, árásarmað-
urinn sem skaut fimm lög-
reglumenn til bana á föstudag á
miðri mótmælasamkomu, er
sagður hafa
áætlað fleiri
árásir en
sprengiefni
fundust við leit
á heimili hans.
Þá reynir lög-
reglan í Dallas
að ráða í skila-
boðin „RB“ sem
hann skrifaði með blóði stuttu
áður en hann lést í aðgerðum lög-
reglu.
Geri málstaðnum grikk
ÁRÁSARMAÐUR SKILDI EFTIR SKILABOÐ
Micah Johnson
Laufey Rún Ketilsdóttir
laufey@mbl.is
„Þetta er fimmta kvöldið í röð þar
sem mótmælt er í Baton Rouge en
maður finnur ekki bara fyrir reiði
heldur bræði,“ sagði Laura Bicker,
fréttamaður hjá BBC, í frásögn sinni
af ástandinu í borginni Baton Rouge
í Louisiana-ríki í Bandaríkjunum í
gær þar sem dauðsföllum svartra af
hendi lögreglu var mótmælt.
Tveir svartir menn, Alton Sterling
og Philando Castile, létust af völdum
lögreglunnar í Minnesota og Loui-
siana í síðustu viku og spruttu upp
hörð mótmæli við framgangi lög-
reglu gegn svörtu fólki í Bandaríkj-
unum. Að minnsta kosti 123 svartir
einstaklingar hafa verið skotnir það
sem af er ári í Bandaríkjunum af lög-
reglu, segir í gögnum frá Wash-
ington Post.
Á fjölmennri mótmælasamkomu í
borginni Dallas á föstudag voru svo
fimm lögreglumenn skotnir til bana
af svörtum manni að nafni Micah
Johnson sem lést svo í aðgerðum lög-
reglu þegar hún reyndi að stöðva
hann. Sjö aðrir særðust í skotrárás-
inni. Nöfn lögreglumannanna fimm
hafa verið birt en þeir voru Brent
Thompson, 43 ára, Patrick Zamar-
ripa, 32 ára, Michael Krol, 40 ára,
Michael Smith, 55 ára, og Lorne
Ahrens, 48 ára. „Við erum í sárum.
Starfsgrein okkar er í sárum. Lög-
regluþjónar Dallas eru í sárum. Við
erum miður okkar,“ sagði David
Brown, lögreglustjórinn í Dallas í
kjölfar árásarinnar.
„Hvít þögn kostar líf“
Mótmælin héldu áfram um
helgina og voru flestar samkomurn-
ar friðsamlegar og margir sem
syrgðu dauðsföll lögreglumannanna
fimm. Því var þó ekki fyrir að fara
alls staðar en vopnaðir meðlimir
Nýju svörtu pardusanna (e. New
Black Panthers) fóru gegn lögregl-
unni í Louisiana ásamt því að umferð
var stöðvuð og flugeldum, sprengj-
um, flöskum og grjóti kastað að lög-
reglunni í borginni St. Paul í Minne-
sota.
Lögreglan beitti reyksprengjum
og piparúða til að dreifa mannfjöld-
anum en fimm lögreglumenn særð-
ust í átökunum. Óljóst er enn hve
margir voru handteknir en að sögn
heimildarmanns AFP innan fangels-
is þar í borg voru það 60-80 manns.
Hreyfingin „Svört líf skipta máli“
hefur leitt mótmælin en einn forystu
manna hennar, DeRay Mckesson,
var handtekinn í gær.
„Þetta ásækir mig, ég er mjög leið
og bara reið að lík svartra manna
haldi áfram að hlaðast upp,“ sagði
Lorena Ambrosio mótmælandi við
fréttamiðilinn Reuters. Mótmælt var
í San Francisco, Fresno, West Palm
Beach, Fort Lauderdale, Miami,
Philadelphia, Nashville, Indianapol-
is, Washington DC og í New York í
gær en þar voru tuttugu manns
handteknir. Þetta kemur fram í frétt
BBC. Þá komu nokkur hundruð
manna saman í London í Bretlandi á
laugardag til að styðja málstað
hreyfingarinnar Svört líf skipta máli.
Bar fólkið skilti með slagorðunum
„Hættið að drepa okkur“ og „Hvít
þögn kostar líf“.
Ræðir eftirlit með skotvopnum
„Ég trúi því staðfastlega að
Bandaríkin séu ekki eins klofin og
sumir hafa látið í veðri vaka,“ sagði
Barack Obama, forseti Bandaríkj-
anna, á blaðamannafundi í Varsjá á
laugardag. Lýsti hann árásamannin-
um sem myrti fimm lögreglumenn í
Dallas fyrir helgi sem geðveikum og
að hann væri ekki dæmigerður fyrir
blökkumenn í Bandaríkjunum frek-
ar en morðinginn sem drap blökku-
menn í kirkju í Charleston í Suður-
Karolínu í fyrra væri dæmigerður
fyrir hvítt fólk.
„Það er sorg, það er reiði, það er
uppnám en það er eining. Þetta er
ekki það sem við viljum vera sem
Bandaríkjamenn,“ sagði forsetinn
jafnframt hét því að halda áfram að
ræða um kynþáttamál og eftirlit með
skotvopnum þrátt fyrir miklar deilur
sem málefnin sköpuðu. Forsetinn
stytti för sína um Evrópu og mun
heimsækja Dallas á þriðjudag.
Fylkja eigi liði gegn mismunun
„Sem Bandaríkjamenn þá erum
við öll særð eftir öll þessi dauðsföll,“
sagði Joe Biden, varaforseti Banda-
ríkjanna, í útvarpsávarpi á laugar-
dag en hann lofaði jafnframt lög-
reglumennina sem létust í
skotárásinni og hvatti Bandaríkja-
menn til að fylkja liði gegn mismun-
un í bandaríska réttarkerfinu.
„Á meðan á okkur reynir, þá meg-
um við ekki sundrast. Við erum
Bandaríkin, með órjúfanleg tengsl
okkar á milli. Við þraukum, við látum
ekki deigan síga, við sigrumst á hlut-
unum, við stöndum saman.“
Eining í uppnámi Bandaríkjamanna
 Mótmæli geisa enn víða um Bandaríkin  Fjöldi handtekinn  Nöfn látinna lögreglumanna gerð
opinber  „Bandaríkin ekki eins klofin og sumir hafa látið í veðri vaka“ Biden hvetur til samstöðu
AFP
Óeirðir Í borginni Baton Rouge í Bandaríkjunum mótmælti fólk annað kvöldið í röð á laugardag en lögreglan brást
við með því að klæðast óeirðabúnaði og handtók einnig fjölda fólks. Mótmælt var í fleiri borgum um helgina.
Sameh Shoukry, utanríkisráðherra
Egyptalands, fór í sögulega heim-
sókn til Ísraels til að bjóða fram
aðstoð Egyptalands við að endur-
lífga friðarviðræður við Palest-
ínumenn. Er hann fyrsti utanrík-
isráðherrann í níu ár til að
heimsækja Ísrael. Sagði hann nú-
verandi ástand hvorki vera „stöð-
ugt né varanlegt“. Þá kallaði hann
eftir tveggja ríkja lausn en sagði
að möguleiki þess að ná sam-
komulagi færi minnkandi.
Heimsóknin varpar ljósi á sterk-
ara samband landanna tveggja
sem deila miklum áhyggjum af
óróanum sem geisar á svæðinu.
Forsætisráðherra Ísraels, Ben-
jamin Netanyahu, sagðist fagna
viðleitni Egypta.
Ástandið hvorki stöðugt né varanlegt
EGYPTALAND