Ægir - 01.02.2016, Blaðsíða 27

27
unum sem felast í tæknibúnaði
líkt og FleXicut og að fenginni
þeirri reynslu sem komin er á
vélina koma fram hugmyndir
og kröfur, hvort heldur er í
snyrtingu flaka fyrir bitaskurð
eða afurðum og pökkun eftir
bitaskurðinn. Við höfum núna
ýmsar hugmyndir um tækifæri
sem hafa kviknað út frá reynsl-
unni sem komin er á skurðar-
vélina, tækifæri sem við sáum
ekki fyrir í upphafi,“ segir Krist-
ján.
Tækninni beint að
ormahreinsuninni
Fyrir fáum árum þótti ekki lík-
legt að sú tækni væri í sjónmáli
sem gæti leyst mannshöndina
af hólmi og skorið beingarð úr
fiskflaki með þeim kröfum sem
gerðar eru til þess. Sú er engu
að síður raunin. Kristján segir
fiskiðnaðinn áhugasaman um
tæknilega lausn á öðru þekktu
vandamáli í fiskiðnaði – hring-
orminum.
„Þetta er stórmál fyrir bæði
íslenska og norska fiskiðnaðinn
þó vandamálið sé misstórt hjá
vinnsluaðilum. Íslendingar hafa
fjárfest gríðarlega í markaðs-
setningu fyrir ferskar afurðir, við
flytjum hátt hlutfall okkar fram-
leiðslu ferskt á markað og fáum
mjög há verð fyrir. Fyrir vikið er
þetta líka mjög viðkvæmur og
kröfuharður markaður. Eftir því
sem verð eru hærri - þeim mun
meiri kröfur um gæði þarf að
uppfylla. Við höfum ekkert
nema mannshöndina til að
greina og hreinsa orma úr fisk-
inum og krafan um að finna
tæknilega lausn verður æ há-
værari. Afleiðingar geta verið
miklar á mörkuðum ef ormar
komast í gegnum allt vinnslu-
ferlið í fersku afurðunum og því
er til mjög mikils að vinna að
tryggja með öllum ráðum að
það gerist ekki. Ég sé því fyrir
mér að þetta verkefni verði eitt
af þeim sem við hjá Marel mun-
um beina kastljósinu að á
næstu misserum, þ.e. að þróa
búnað til að skynja orma í fiski
með sjálfvirkum hætti og ef það
tekst þá er kominn grundvöllur
fyrir að þróa síðan tæknilausnir
til að fjarlægja þá vélrænt. Þetta
er eitt af mörgu sem fellur undir
gæðakröfur sem gerðar eru til
framleiðenda fiskafurða í hæsta
gæðaflokki. Þessar gæðakröfur
eiga bara eftir að aukast og
þeim verðum við að mæta. Að-
eins þannig stenst hvítfisk-
vinnslan okkar samkeppnina
við eldistegundirnar í nánustu
framtíð,“ segir Kristján.
Meiri einsleitni – aukin verðmæti
Kristján segir að bitaskurði á
ferskum fiski fylgi fleiri tækifæri
til afurðasérhæfingar. Með
FleXicut vélinni eru notendur
að skera niður bita með og án
roðs, ferskan fisk og léttsaltað-
an sem ýmist er seldur ferskur
eða frystur. Marel hefur einnig
þróað í sinni vinnslulínu kerfi til
að flokka bitana.
„Reynslan sýnir okkur að
með þessum búnaði fæst meiri
einsleitni í afurðirnar, nákvæm-
lega eins bitar í þyngd en það
sem er mikilvægast er hærra
hlutfall í hávirðisflokkana. Í
þessu liggur enn meiri ávinn-
ingur fyrir framleiðendur en við
þorðum að fullyrða fyrirfram
þegar við lögðum af stað í þetta
umbreytingarferðalag,“ segir
Kristján.
Jafnt minni fiskvinnlur sem
þær stóru hafa horft til vinnslu-
línunnar og FleXicut tækninnar
hjá Marel og telur Kristján ljóst
að fiskiðnaðurinn sé að fikra sig
með þessari tækni inn á þá
braut sem lengi hefur verið rætt
um, þ.e. að vinna fiskinn meira í
neytendapakkningar hér heima.
Þetta gerist þó á löngum tíma.
„Í því eru ákveðnar takmark-
anir vegna tollamála, t.d. hvað
varðar brauðun og slíkt en
skurðartæknin er að auka tæki-
færin til meiri bitapökkunar í
neytendapakkningar hér heima
með aukinni sjálfvirkni,“ segir
Kristján.
Kristján Hallvarðsson, framkvæmdastjóri vöruþróunar Marel.
Kristján Hallvarðsson
framkvæmdastjóri
vöruþróunar Marel
Umbreyting
hvítfisk-
vinnslunn-
ar mun
halda áfram