Ægir - 01.03.2016, Qupperneq 27

27
flæðir í gegnum og afstaða
þeirra ræður því hvernig hler-
inn liggur í sjónum þegar hann
er dreginn. Þrír vængir eru á efri
hluta hlerans og þrír á neðri
hlutanum. Búnaðurinn gerir ráð
fyrir að hægt sé að breyta hverj-
um væng sjálfstætt og þannig
færast hlerarnir fjær hvorir öðr-
um þegar bilið er minnkað milli
vængjanna en færast saman ef
sjóflæðið er aukið í gegnum
vængina. Með því að breyta efri
hluta hlerans óháð neðri hluta
hans, þá er hægt að bregðast
við miklum hliðarstraumi, hægt
er að stýra hlerunum í mismun-
andi hæð í sjónum og svo
mætti áfram telja,“ segir Atli.
Lausn fundin á þráðlausu
tækninni
Prófanir hafa verið gerðar með
hlerum í hafrannsóknaskipinu
Árna Friðrikssyni, þ.e. hlerum
þar sem fyrirfram var búið að
forrita breytingar á vængjum
hleranna og þær gengu vel. Atli
Már segir að aðal áherslan síð-
ustu misseri hafi verið á að
finna búnað og samstarfsaðila
sem flytur þráðlausar skipanir
milli skips og toghlera. Þessum
áfanga náði kanadískt sam-
starfsfyrirtæki fyrir skömmu og
þar með er ekkert að vanbún-
aði að hefja prófanir við raun-
verulegar aðstæður um borð í
fiskiskipi. Togarinn Vestmanna-
ey VE verður fyrsta skipið sem
reynir þessa tækni á togveiðar-
færum nú í lok mánaðarins.
„Við höfum að undanförnu
unnið að því að finna lausn á
samskiptum milli skips og tog-
hleranna og ég tel okkur nú
hafa lokið þeim áfanga. Gangi
prófanir á hlerunum á næstu
vikum að óskum geri ég ráð fyr-
ir að við smíðum stærri hlera og
reynum þá á uppsjávarveiðum í
sumar og haust. Í framhaldinu
vænti ég þess að við bjóðum
þessa lausn í öllum stærðum
toghlera frá okkur,“ segir Atli
Már.
Veiðarfærinu stýrt í fiskitorfurnar
Atli Már segir víða fylgst með
þróun fyrirtækisins á þessum
búnaði, ekki aðeins hér á landi
heldur um allan heim.
„Ekki hvað síst er mikill
áhugi fyrir þessu í uppsjávar-
veiðunum en einnig hjá þeim
sem stunda botnfiskveiðar. Sú
tækni sem er í fiskiskipum nú-
tímans gerir skipstjórnendum
kleift að sjá fisktorfur langt fyrir
framan skipin og jafnvel greina
stærð á fiskinum. Með því að
geta stýrt toghlerunum á upp-
sjávarveiðum geta þeir þannig
staðsett veiðarfærið á nákvæm-
lega þann stað í sjónum þar
sem fiskitorfan er. Það er útaf
fyrir sig nokkuð byltingarkennt
en augljóslega tækni sem stuðl-
ar að betri veiðiárangri, sparn-
aði í orkunotkun og margt ann-
að mætti nefna.
Fyrir botnvörpuveiðarnar er
tæknin ekki síður áhugaverð
því hægt er að stýra hlerunum
þannig að veiðarfærið dragist
rétt yfir botninum, valdi þannig
minni áhrifum á botninn auk
þess sem slit á veiðarfærum
verður minna, léttara verður að
draga veiðarfærið og svo fram-
vegis. Ég er ekki í vafa um að
ávinningur af þessari tækni-
lausn verður verulegur fyrir út-
gerðirnar,“ segir Atli Már.
FÆRAVINDUR
TRAUST
HAGKVÆMNI
AFKÖST
ENDING
Prófun á stýranlegum hlera um borð í hafrannasóknaskipinu Árna Frið-
rikssyni. Nú verða hlerarnir prófaðir í fiskiskipi í fyrsta sinn.