Ægir - 01.03.2016, Blaðsíða 28

28
„Meirihluti þess afla sem fer
um markaðinn hjá okkur hér í
Reykjavík kemur af togurum og
stærri bátum. Við höfum einnig
fjóra litla línubáta í föstum við-
skiptum, nokkrir grásleppubát-
ar leggja upp hjá okkur þessar
vikurnar og síðan handfæra-
bátar á strandveiðinni yfir sum-
artímann,“ segir Örn Smárason,
útibússtjóri Fiskmarkaðs Ís-
lands við Reykjavíkurhöfn.
Fiskmarkaður Íslands við
Reykjavíkurhöfn selur þann afla
ísfisktogara HB Granda sem
ekki fer til vinnslu hjá fyrirtæk-
inu og er það talsverður hluti
magnsins sem um markaðinn
fer árlega. Um er að ræða svo-
kallaðar aukategundir; ýsu,
steinbít, löngu, flatfisktegundir,
hrogn og lifur - svo dæmi séu
nefnd.
„Síðan er talsvert um tilfall-
andi landanir skipa sem koma
hér til hafnar af einhverjum
ástæðum. Þar getur verið um
að ræða einhverja þjónustu
sem þau þurfa að sækja hingað
eða að útgerðunum hentar
best að taka þau hingað inn til
löndunar út frá veiðisvæðunum
sem þau eru á hér fyrir vestan
landið. Gjarnan fer þá hluti
aflans hér á markað en annað
er flutt beint til vinnslu,“ segir
Örn.
Aukning milli ára
Það sem af er ári hefur orðið
um 14% aukning á magni í sölu
hjá Fiskmarkaði Íslands í Reykja-
vík. Fyrstu þrjá mánuðina seldi
markaðurinn um 1600 tonn.
Örn segir misjafnt milli markaða
hver samsetning aflans er sem
um þá fer en eins og áður segir
er talsverð blöndun hjá mark-
aðnum í Reykjavík og þorskur
þar af leiðandi ekki í meirihluta,
líkt og á mörgum öðrum fisk-
mörkuðum.
„Þessar svokölluðu aukateg-
undir eru stærri hluti magnsins
sem fer í gegn hjá okkur. Kaup-
endurnir eru þá gjarnan líka
mjög sérhæfðar fiskvinnslur fyr-
ir þessar tegundur sem bæði
eru þá að vinna fiskinn í ferskar
og frosnar afurðir. Það eru til
fyrirtæki sem eru mjög sérhæfð
í vinnslu einstakra tegunda og
jafnvel sérhæfa sig í ákveðnum
stærðum líka. Stærðarsérhæf-
ingin á reyndar meira við um
fyrirtæki í framleiðslu á þorskaf-
urðum,“ segir Örn sem segir að
í dag selji fiskmarkaðirnir að
stærstum hluta til fiskvinnslna
sem vinna ferskar afurðir til út-
flutnings.
„Það varð auðvitað sam-
dráttur á saltfiskmörkuðum um
tíma og hlutfall frystra afurða
minnkaði samhliða aukning-
unni í fersku afurðavinnslunni.
Bæði saltaðar og frystar afurðir
eru samt sem áður til staðar og
verða, þrátt fyrir þá sókn sem
hefur verið í fersku afurðunum.“
Beint úr skipi til kaupenda
Örn segir að alla jafna hafi mars
verið stærsti mánuður ársins
hjá Fiskmarkaði Íslands í Reykja-
vík. „Aðrir mánuðir ársins eru
tiltölulega jafnir. Hér erum við
ekki með flokkun á aflanum, líkt
og er á mörgum fiskmörkuðum,
heldur seljum við aflann beint
upp úr skipi. Við tökum vigtar-
og stærðarprufur en að öðru
leyti meðhöndlum við aflann
ekkert á leið hans frá skipi til
kaupanda,“ segir Örn en fyrir-
tæki í löndunarþjónustu í
Reykjavík sjá alla jafna um að
landa úr stærri skipunum.
Starfsmenn FMÍS í Reykjavík sjá
hins vegar um löndun úr minni
bátum sem geta notast við
bryggjukranana. Örn segir að
yfir vetrarmánuðina sé markað-
urinn opinn alla daga vikunnar
en virka daga á sumrin.
Verðlækkun skýrist af
aukaafurðunum
Af þróun fiskverðs á fiskmörk-
uðum má lesa hvað er að gerast
á afurðamörkuðum hverju
sinni. Þrátt fyrir að verð hafi
haldist nokkuð stöðugt í út-
flutningi á hefðbundnum flaka-
afurðum að undanförnu þá hef-
ur engu að síður orðið verð-
Örn Smárason, útibússtjóri Fiskmarkaðs Íslands við Reykjavíkurhöfn. Myndir: Þormar Gunnarsson
Fiskmarkaður Íslands við Reykjavíkurhöfn
Meiri afli seldur í ár en í fyrra
F
réttir