Morgunblaðið - 21.07.2016, Blaðsíða 34

34 ÍSLENDINGAR
MORGUNBLAÐIÐ FIMMTUDAGUR 21. JÚLÍ 2016
Árni Eiríkur Berg-steinsson hár-greiðslumeistari
er fimmtugur í dag. en
hann rekur hárgreiðslu-
stofuna Hárbeitt í Hafn-
arfirði ásamt konu sinni,
Sigurborgu Hólmgeirs-
dóttur, en þau eru búin
að vinna saman síðan
1986 og stofnuðu Hár-
beitt 1990. Dætur þeirra
eru Hanna Kristín, f.
1996, og Lína Rut, f.
2000.
Árni hefur ekki farið
varhluta af skeggtísku
undanfarinna ára í
vinnunni en hann skartar
sjálfur myndarlegu
skeggi og einnig hári og
hefur gert frá því löngu
áður en sítt skegg komst
í tísku. „Þetta virðist
ekki ætla að verða nein bóla, strákarnir virðast reyndar vera með
skeggið aðeins styttra í sumar en sumir eru enn með skeggið niður á
maga. Skeggsnyrting hefur aukist svakalega síðustu árin og þetta er
svolítið vesen. Það þarf að hugsa um það, setja í þetta alls konar olíur
svo það verði fallegt og húðin fari ekki í algjört rugl undir skegginu
og það komi skeggflasa og slíkt. Það má segja að maður snyrti skegg
á hverjum degi.“
Árni tekur virkan þátt í víkingafélaginu Rimmugýgi en það starfar
allt árið og mikið er að gera á sumrin. „Það er allt mögulegt í þessu,
eins og handverk, bardagaæfingar tvisvar í viku og bogfimiæfingar.
Ég er aðallega í því að skylmast, en það er ekki sama hvernig þú lem-
ur og þess vegna erum við með alþjóðlegar reglur í þessu og það ger-
ist aldrei neitt alvarlegt í bardögunum.“ Árni hefur komið fram í
fjölda mynda og sjónvarpsþátta í víkingagervi sínu eins og Game of
Thrones. „Síðast um daginn var ég í einhverri kínverskri mynd þann-
ig að það er oft verið að nota hárið og skeggið.“
– Hvað á að gera í tilefni dagsins? „Ég ætla að dekra við mig í dag,
taka mér frí í vinnunni, fara í sund og vera með nánustu fjölskylduna í
kvöldmat. En svo ætla ég að halda upp á afmælið í Danmörku næsta
þriðjudag á víkingahátíð í Moesgård nálægt Árósum, við köllum þetta
Mosagerði. Hátíðin verður 40 ára á næsta ári og í ár munu detta inn
yfir 1.000 víkingar og stendur hátíðin yfir í eina viku. Þar verð ég
með afmælisskrall fyrir víkingavini mína.“
Hárgreiðslumeistarinn Árni Eiríkur
Bergsteinsson.
Heldur upp á af-
mælið á víkingahátíð
Árni Eiríkur Bergsteinsson er fimmtugur
J
óhann fæddist á Bergstaða-
stræti 4 í Reykjavík 21.7.
1931, á horni Bergstaða-
strætis og Skólavörðu-
stígs: „Faðir minn rak
járnsmiðju í næsta húsi. Öll sumur
þar til ég varð 15 ára dvaldi fjöl-
skyldan í sumarbústað í landi
Keldna sem þá var í Mosfellssveit.
Þá naut ég mín best, kynntist hefð-
bundnum sveitastörfum á bæjunum
Grafarholti og Keldum, en þá var
rekinn þar hefðbundinn búskapur,
og var í sumarvinnu á Keldum tvö
seinustu sumrin.“
Jóhann var í Landakotsskóla og
Gagnfræðaskóla Reykjavíkur, hóf
leiklistarnám í fyrsta árgangi Leik-
listarskóla Þjóðleikhússins 1950-52
og nam við Kungliga Dramatiska
Teaterns Elevskola veturinn 1953-
54.
Jóhann var síðan leikari, lengst af
við Þjóðleikhúsið en einnig hjá Leik-
félagi Reykjavíkur og víðar til 1967.
Jóhann lauk hann prófi frá Loft-
skeytaskólanum 1959 og var loft-
skeytamaður á millilandaskipum í
nokkur sumur. Hann lauk stúdents-
prófi við MR 1969 og BS-prófi í líf-
fræði frá HÍ 1972, stundaði nám í
grasafræði við Háskólann í Upp-
sölum 1973-79 og var ráðinn for-
stöðumaður Lystigarðsins á Ak-
ureyri 1978.
Jóhann varð garðyrkjustjóri
Reykjavíkur 1985. Því starfi sinnti
hann til 2001 er hann hætti fyrir ald-
urs sakir: „Starf garðyrkjustjóra
var einstaklega gefandi. Fyrstu
stóru verkefnin voru uppbyggingin í
Laugardal, með m.a. Húsdýragarð-
inn, Fjölskyldugarðinn og stækkun
Grasagarðsins. Lokaverkefnið í
minni umsjá hjá Garðyrkjudeildinni
var svo gerð baðstrandarinnar í
Nauthólsvík.
Allnokkur sumur vann ég við
gróðurrannsóknir á hálendi Íslands,
einkum Hofsöræfum, Kili, Þjórs-
árverum, Sprengisandi og Tungn-
áröræfum. Á starfsferlinum hefi ég
haldið fjölda fyrirlestra og skrifað
rit og greinar um grasafræði og
garðyrkju.“
Eru áhugamálin fjölbreytileg?
Jóhann Pálsson, fyrrv. garðyrkjustjóri Reykjavíkur – 85 ára
Garðyrkjustjórinn Mynd af Jóhanni í grasgarðinum í Laugardal sem var eitt af hans verkefnum á sínum tíma.
Ætíð hugfanginn af
undrum náttúrunnar
Ræktandinn Jóhann með rós.
Þórunn Erla Erlendsdóttir, Matthildur Elín Gunnlaugsdóttir og Harpa Jónsdóttir
úr Lindahverfi í Kópavogi gengu í hús og söfnuðu 16.000 kr. fyrir Rauða krossinn.
Hlutavelta
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
Mikið úrval rafstöðva - með bensínmótor eða díeselmótor
Rafstöðvar
Ferðafélaginn
Léttar, lágværar og fyrirferðalitlar
rafstöðvar fyrir sumarbústaðinn,
ferðavagninn og húsbílinn.
Vandaðar vinnurafstöðvar.
Eins og þriggja fasa,
2,7 kW - 5,4 kW. Honda
4-gengismótorar.
Vinnufélaginn
Vandaðar vinnurafstöðvar.
Eins og þriggja fasa, 4,9
kW - 5,4 kW.
Með og án rafstarts.
Hatz díeselmótorar.
Vinnufélaginn
Getum útvegað úrval vandaðra rafstöðva í stærðum að 260 kVA frá Europower
ÞÓR FH
Akureyri:
Lónsbakka
601 Akureyri
Sími 568-1555
Opnunartími:
Opið alla virka daga
frá kl 8:00 - 18:00
Lokað um helgar
Reykjavík:
Krókháls 16
110 Reykjavík
Sími 568-1500
Vefsíða og
netverslun:
www.thor.is