Morgunblaðið - 06.09.2016, Blaðsíða 22

22 UMRÆÐAN
MORGUNBLAÐIÐ ÞRIÐJUDAGUR 6. SEPTEMBER 2016
Gríptu með úr næstu verslun
Þjóðlegt, gómsætt og gottTækni í þína þágu
hitataekni.is
Bjóðum upp á fjölbreyttan
búnað svo sem loftræsingar,
hitakerfi, kælikerfi, rakakerfi
sem og stjórnbúnað
og stýringar.
Smiðjuvegur 10, 200 Kópavogur - Sími 588 60 70 - hitataekni@hitataekni.is
Ungt fólk á Íslandi á
að geta fundið sér starf
við hæfi að loknu námi.
Það á að geta treyst því
að þurfa ekki að búa í
foreldrahúsum of lengi.
Undanfarin ár hefur
ungt fólk þurft að búa
við styttra fæðing-
arorlof, lægri greiðslur
úr fæðingarorlofssjóði
og skerðingu á barna-
bótum – enda hefur
ríkisstjórnin markvisst unnið gegn
hagsmunum ungs fólks. Þetta er
óspennandi veruleiki og fleiri Íslend-
ingar flytja frá Íslandi en flytja aftur
heim. Spá Hagstofunnar gerir ekki
ráð fyrir að þetta muni breytast. Við
verðum að taka þessu alvarlega og
snúa þessari þróun við. Öflugt at-
vinnulíf og sköpun nýrra spennandi
starfa er lykilatriði til að koma í veg
fyrir fólksflótta.
Erindi Samfylkingarinnar í kom-
andi þingkosningum er að beita sér
fyrir bættum kjörum venjulegs fólks,
hlúa betur að börnum,
skapa fleiri störf fyrir
háskólamenntaða og
efla verk- og iðnnám.
Kominn er tími á að ráð-
ast í kraftmiklar aðgerð-
ir gegn brotthvarfi í
námi sem er mest hér
landi samanborið við
önnur OCED-ríki.
Löngu tímabærar
breytingar á stjórn-
arskránni og fiskveiði-
stjórnarkerfinu ættu að
vera í augsýn ásamt
endurreisn heilbrigðis-
kerfisins og kraftmiklum aðgerðum í
húsnæðismálum.
Jöfnum byrðarnar
Við þurfum mannvænna samfélag
að norrænni fyrirmynd þar sem við
styðjum við og tökum utan um hvert
annað. Ójöfnuður grefur undan sam-
félaginu – þess vegna þarf að jafna
byrðarnar, meðal annars með því
lækka skatta á venjulegt fólk með
þrepaskiptu skattkerfi og sann-
gjörnum gjöldum fyrir afnot af sam-
eiginlegum auðlindum okkar.
Við verðum að byggja samfélag þar
sem við höfum öll jöfn tækifæri. Þar
sem unga fólkið þarf ekki að kvíða því
hvort það geti nokkurn tímann eignast
eigið heimili eða fengið vinnu við hæfi.
Þar sem eldra fólk getur hlakkað til
efri áranna, þar sem fólk hefur aðgang
að traustu heilbrigðiskerfi, fjölbreyttri
menntun og þéttu öryggisneti vel-
ferðar fyrir þá sem höllum fæti
standa. Með áherslu á klassísk gildi
jafnaðarmanna er Samfylkingunni
best treystandi til að koma þessum
samfélagsbreytingum í gegn.
Eftir Magnús Má
Guðmundsson »Með áherslu á klass-
ísk gildi jafnaðar-
manna er Samfylking-
unni best treystandi til
að koma þessum sam-
félagsbreytingum í
gegn.
Magnús Már
Guðmundsson
Höfundur er borgarfulltrúi og fram-
bjóðandi í flokksvali Samfylkingar-
innar í Reykjavík.
Erindi Samfylkingarinnar
Hagstjórn snýst um
að mynda stöðuleika í
efnahagslífinu, að sjá
til þess að hagvöxtur sé
jafn og að komið sé í
veg fyrir kollsteypur.
Hagstjórn á að miða að
því að halda verðbólgu
í skefjum, vöxtum lág-
um og atvinnuleysi í
lágmarki. Að mínu
mati skiptir máli að
flestir hagsmunaaðilar
séu sammála um stefnuna og sam-
staða ríki í samfélaginu um skipt-
ingu þjóðartekna. Ísland lifir m.a. á
útflutningi og þ.a.l. skiptir það höf-
uðmáli að skapa útflutningsfyr-
irtækjum sem best skilyrði til starfa.
Það þarf að tryggja stöðugra gengi
krónunnar, m.a. með því að draga úr
vaxtamunarviðskiptum, en til þess
þurfa að vera skilyrði til lækkunar
stýrivaxta. Það er hægt, m.a. með
því að ákveða laun í samræmi við
getu hagkerfisins.
Það skiptir máli fyrir efnahagslífið
að búa við stöðugt skattaumhverfi,
þannig að hægt sé að gera lang-
tímaáætlanir. Því er mikilvægt að
skattar á atvinnulíf verði í samræmi
við réttláta skattheimtu. Lækka ætti
tryggingagjald á fyrirtæki og launa-
skattar ættu að taka mið af vexti
efnahagslífsins. Ríkisvaldið ætti að
berjast gegn skattsvikum, draga úr
undanþágum frá skatti
og með lögum koma í
veg fyrir sk. kennitö-
luflakk sem skekkir
samkeppni á markaði.
Hið opinbera á að
setja fram markmið um
vöxt og þróun, um
skiptingu útgjalda og
fjárlagaramma til
lengri tíma. Að sama
skapi verði sett mark-
mið um lækkun ríkis-
skulda, þannig að þær
verði aldrei hærri en
60% af vergri lands-
framleiðslu. Ávallt skal sú regla höfð
að leiðarljósi að rekstur ríkissjóðs sé
í jafnvægi yfir þriggja ára tímabil.
Þeir aðilar sem nýta sér auðlindir
þjóðarinnar sem ekki eru skil-
greindar í einkaeigu eiga að greiða
réttlátt gjald fyrir afnotin. Að mínu
mati á að skoða innköllun kvóta á
fiskveiðiheimildum á 25 árum og
þær aflaheimildir sem losnar um á
hverju ári á að bjóða upp (færeyska
leiðin). Afgjald af gjaldi vegna fisk-
veiðiheimilda sem og annarra auð-
linda ætti að renna í ríkissjóð.
Taka ætti gjald af ferðamönnum,
þannig að þeir greiði meira til sam-
félagsins sem getur þá mætt þeirra
þörfum með fjárfestingum í inn-
viðum. Tryggja þarf með lögum að
samkeppni ríki á Íslandi og að í
nauðsynlegum sviðum samfélagsins
megi ekki starfa einokunarfyrirtæki.
Tryggja þarf eðlilegan rekstur
bankakerfisins og að flestir lands-
menn hafi aðgengi að beinni þjón-
ustu við banka. Aðskilja ætti fjár-
festingahluta banka frá viðskipta-
starfsemi þeirra.Ríkið á að leggja
fram atvinnustefnu byggða á tækni
og hugviti í samstarfi við samtök
fyrirtækja, verkalýðsfélög og há-
skólasamfélagið. Atvinnustefnan
taki mið af því hvernig hægt er að
laga samfélagið og skilyrði fyrir-
tækja til að starfa eftir því sem best
gerist í löndum í N-Evrópu.
Þannig gerð efnahags- og at-
vinnustefna ber merki um skyn-
sama hagstjórn sem getur fært Ís-
land ofar í lífsgæðum. Því er til
mikils að vinna. Myndum sátt um
skynsamlega hagstjórnarstefnu.
Hagstjórn í anda ofangreindra at-
riða er forsenda fyrir því að skapa
rétt skilyrði fyrir aðild Íslands að
Evrópusambandinu.
Hagstjórn 21. aldar
Eftir Gunnar Alex-
ander Ólafsson »Hagstjórn snýst um
að mynda stöðug-
leika í efnahagslífinu, að
sjá til þess að hagvöxtur
sé jafn og að komið sé í
veg fyrir kollsteypur.
Gunnar Alexander
Ólafsson
Höfundur er hagfræðingur og stefnir
á 3.-4. sæti í prófkjöri Samfylkingar í
Reykjavík 8.-10. september nk.
Nú syngja krat-
arnir enn eina ferðina
um aldraða og ör-
yrkja, mikið kannast
ég við þennan söng
þeirra, samanber
Ólínu Þorvarðar og
Ástu Ragnheiði, sem
sungu nákvæmlega
þetta stef er þær
voru að koma sér á
þing. Ég vona að fólk
hafi ekki gleymt
hverjir fóru í og skertu heilagan
grunnlífeyri fólks, jú, flokkur VG
og Jóhönnu Sig., en sú kona
gaspraði í 35 ár og ekkert kom út
úr því. Ég veit ekki til þess að á
sama tíma og farið var í grunnlíf-
eyrinn, að þessir flokkar hafi þá
skert listamannalaun né ævilaun
sem flottræflarnir þiggja. Katrín
Jakobs bætti bara á listann, og
fólk sett í nám, eins og það hafi
ekki kostað fjármuni. Vilji fólk
borga hærri skatta þá kýs það
auðvitað VG, fólk þar þjáist af
heilkenninu að taka skuli af þeim
sem meira eiga, og til hvers? Jú,
til að aumingjavæða þjóðina sem
allsstaðar á að fá styrki frá ríkinu.
Fólk sem misnotar ræðustól Al-
þingis til þess að níða niður annað
fólk, samanber konurnar hjá þess-
um flokkum, og þeim sem það
hugnast, kjósa þá þessa tvo flokka.
Píratar, vilji fólk áframhaldandi
niðurbrot á siðum okkar og menn-
ingu og vilji falskt lýðræði, þá kýs
það Pírata, sem kunna ekki al-
menna kurteisi og vanþekking
þeirra á þingstörfum er algjör,
enda vilja þeir og ætla að breyta
þinghaldi sér í hag.
Ásta Guðrún, sem bað Alþingi
um hjálp til að skipta sér af laga-
setningu pólska þingsins á fóstur-
eyðingum, eða þá Birgitta Jóns
sem vildi að menntamálaráðherra
skipti sér af dómi Ítala yfir mosk-
ugjörningnum, þar sem við rudd-
umst inn með mosku til fólks, sem
engan veginn vildi þetta og sem
hefur lagt sig fram um að Fen-
eyjar væru moskulausar. Þetta
ásamt fleiru segir mér að hér sé á
ferðinni vanhæft fólk til að taka
ákvarðanir fyrir þjóðina. RÚV hef-
ur svo passað upp á að reglulega
og oft sé rætt við Birgittu Jóns,
sem talar um hugmyndafræði en
ekki um raunveruleikann, öllu á að
breyta en ekki minnst
einu orði á, hvað á að
koma í staðinn, og Pí-
ratar ásamt vinstra
liðinu munu eyðileggja
sjávarútveg og land-
búnað. Hvenær ætlar
Pírötum að skiljast að
þjóðin vill ekki nýja
stjórnarskrá, eða er
þjóðin þessi gargandi
5.000 manna lýður á
Austurvelli? Þeir sem
vilja í ESB og fá pen-
ingafólkið yfir sig
kjósa auðvitað Viðreisn og Þor-
gerði Katrínu, gefi hún kost á sér.
Fékk hún, eða þau hjónin ekki af-
skrifað kúlulán? Ég skil ekki
Styrmi Gunnarsson sem telur að
hún yrði styrkur fyrir Viðreisn, að
mínu mati fer hún fram með of
mikilli frekju. Já, margt hefur
gleymst. Björt framtíð, nei takk,
aftur fólk sem vill í ESB og alfarið
að opna landið, þau hafa ekki vit á
aðgát og efa.
Núverandi stjórnarflokkar, því
létuð þið undan stjórnarandstöð-
unni og þeim sem öskruðu á Aust-
urvelli með að hafa kosningar í
haust? Hvað varð af lýðræði þeirra
sem kusu ykkur, það vantar allan
styrk og allt þor. Ekki hugnast
mér Eygló Harðar né heldur Unn-
ur Brá, en að öðru leyti nokkuð
góðir flokkar, nema að hugrekkið
vantar. Ég vonast eftir hópi fólks,
sem stofna muni flokk sem vill
varðveita land og þjóð, sem á að
vera fyrsta og síðasta skylda
stjórnmálafólks, en ekki hleypa
inn á okkur, svona fámenn, alls-
konar fólki og gera okkur að þræl-
um við að halda uppi stórum hluta
þessa aðkomufólks.
Til núverandi stjórnarandstöðu,
– því skyldi ég bera virðingu fyrir
ykkur, þar sem þið misnotið ræðu-
stól Alþingis til að niðurníða annað
fólk og blaðrið flest mál út af borð-
inu, því að þið þykist vita og geta
allt betur en allir aðrir, það er lítið
um stjórnmál hjá ykkur. Þið eruð
fólkið sem dró Geir H. Haarde fyr-
ir landsdóm, en tók ekki ábyrgð á
eigin afglöpum. En ykkur þótti
sjálfsagt að einn maður tæki á sig
alla ábyrgð, og á ég svo að treysta
ykkur, nei takk. Það er of margs
að minnast um svikin loforð og
söngur ykkar er svo falskur að
ekki er hlustandi á. En kannski
vill fólk að landi og þjóð verði
stjórnað eins og Reykjavíkurborg,
– og aftur segi ég nei takk.
Hefur það gleymst?
Eftir Stefaníu
Jónasdóttur
Stefanía
Jónasdóttir
»Ég vonast eftir hópi
fólks, sem stofna
muni flokk sem vill
varðveita land og þjóð.
Höfundur býr á Sauðárkróki.
Móttaka að-
sendra greina
Morgunblaðið er vettvangur lif-
andi umræðu í landinu og birtir
aðsendar greinar alla útgáfudaga.
Þeir sem vilja senda Morgun-
blaðinu greinar eru vinsamlega
beðnir að nota innsendikerfi
blaðsins. Kerfið er auðvelt í notk-
un og tryggir öryggi í samskiptum
milli starfsfólks Morgunblaðsins
og höfunda. Morgunblaðið birtir
ekki greinar sem einnig eru send-
ar á aðra miðla.
Að senda grein
Kerfið er aðgengilegt undir
Morgunblaðslógóinu efst í hægra
horni forsíðu mbl.is. Þegar smellt
er á lógóið birtist felligluggi þar
sem liðurinn „Senda inn grein“ er
valinn. Í fyrsta skipti sem inn-
sendikerfið er notað þarf notand-
inn að nýskrá sig inn í kerfið. Nán-
ari upplýsingar veitir starfsfólk
Morgunblaðsins.
mbl.is
alltaf - allstaðar