Morgunblaðið - 20.09.2016, Page 30

30 MENNING
MORGUNBLAÐIÐ ÞRIÐJUDAGUR 20. SEPTEMBER 2016
Hamraborg 10 – Sími 554 3200
Opið: Virka daga 9.30-18, laugardaga 11-14
Verið velkomin
í sjónmælingu
Traust og góð þjónusta í 20 ár
Opnað verður
fyrir umsóknir
í myndlistarsjóð
20. september.
Myndlistarsjóður
Úthlutað verður
Undirbúningsstyrkjum
og styrkjum til minni
sýningarverkefna allt
að 500.000 kr.
Styrkjum til stærri
sýningarverkefna,
útgáfu-/rannsóknar-
styrkjum og öðrum
styrkjum allt að
2.000.000 kr.
Umsóknarfrestur er til
miðnættis 25.október 2016.
Upplýsingar um myndlistar-
sjóð, umsóknareyðublað,
úthlutunarreglur og leið-
beiningar er að finna á
vefsíðu myndlistarráðs.
www.myndlistarsjodur.is
Úthlutað verður í nóvember.
Vegna mikillar eftirspurnar hefur
verið ákveðið að bæta við fjórðu og
síðustu tónleikum norsku söngkon-
unnar Sissel Kyrkjebø í Eldborg
Hörpu í desember. Fjórðu tónleik-
arnir verða mánudaginn 12. desem-
ber kl. 18, en miðasalan hefst á
fimmtudaginn kemur kl. 10 á
harpa.is. Póstlistaforsala Senu Live
hefst einum degi fyrr, en hægt er
að skrá sig á listann á sena.is.
Skipuleggjendur tónleikanna und-
irstrika að ekki verður hægt að
bæta við fleiri aukatónleikum.
Morgunblaðið/Eggert
Díva Sissel Kyrkjebø í Hörpu.
Kyrkjebø vinsæl
Laufey Rún Ketilsdóttir
laufey@mbl.is
„Ég reyni að gefa af mér þegar ég er
sjálf með tónleika og vil helst að
áhorfendur njóti sín og hafi gaman af
þessu. Svo lengi sem maður nær að-
eins að hreyfa við þeim þá finnst mér
markmiðinu vera að mestu náð,“ seg-
ir Agnes Thorsteins mezzósópran-
söngkona, en hún kemur fram á
fyrstu hádegistónleikum Kúnstpásu-
raðar Íslensku óperunnar undir yf-
irskriftinni Álfar og menn í Norður-
ljósasal Hörpu í dag kl. 12.15. Þess
má geta að aðgangur að tónleikunum
er ókeypis. „Íslendingar eru þekktir
fyrir að trúa á álfa og svo syng ég
alltaf buxnahlutverk á sviðinu, leik
alltaf karlmenn, en þaðan kemur
heiti tónleikanna,“ segir Agnes létt í
bragði en karlahlutverkin henti rödd
hennar betur þó sum kvenmanns-
hlutverkin henti einnig. Hún mun
syngja nokkur af sínum eftirlætis-
verkum á tónleikunum, en meðleikari
hennar er Marcin Koziel á píanó.
Verk sem viðhalda áhuganum
Efnisskráin skartar tónskáldum
eins og Sigvalda Kaldalóns, Jóni Ás-
geirssyni, Strauss, Schubert, Mozart
og Bizet. „Álfakóngurinn“ eftir Schu-
bert fékk sérstakan sess við uppsetn-
ingu tónleikanna en hún hafi áður
ákveðið með meðleikara sínum að
taka það lag, myndu þau einhvern
tíma spila saman á Íslandi. Þá tekur
hún einnig „Parto, ma tu ben mio“
sem er aría Sesto úr La Clemenza di
Tito eftir Mozart og „Habanera“ úr
Carmen eftir Bizet. Fleiri íslensk lög
eru á dagskrá, eins og „Maístjarnan“
og „Sprengisandur“ en þar segir hún
að talað sé um álfadrottningu sem
kallist vel á við „Álfakónginn“ eftir
Schubert.
Agnes lagði upp með að hafa tón-
leikana fjölbreytta. Hafði hún að
markmiði að syngja ekki aðeins lög
sem samin væru fyrir mezzó einvörð-
ungu eða sópran heldur blanda hlut-
unum saman. Bendir hún á að það
hafi komið fyrir að hún hafi sjálf setið
tónleika þar sem aðeins aríur voru
sungnar og þá iðulega misst áhugann
fljótt. „Ég vildi því setja saman efnis-
skrá sem kýlir þetta í gang og við-
heldur áhuga gestanna.“
Boltinn fari að rúlla á Íslandi
Agnes starfar nú við óperuhúsið
Theater Krefeld und Mönchenglad-
bach í Þýskalandi en það er staðsett
rétt utan við borgina Düsseldorf.
„Það er einfaldara fyrir mig núna að
taka fleiri verkefni hérna heima því
það er beint flug frá Düsseldorf til
Íslands og því auðveldara að
stökkva til,“ segir hún en áður var
hún við nám í Vín í Austurríki. „Ég
er að vona að boltinn fari að rúlla
hérna heima því hann er farinn að
rúlla líka úti,“ bætir hún við en hún
er þegar komin með átta óperu-
hlutverk við óperuhúsið. „Ég var
sett beint á æfingar og látin syngja
allar æfingarnar. Óperustjórinn var
alveg yfir sig hrifinn,“ segir Agnes
létt í bragði en hún er nú með eins
árs samning.
Aðspurð segir hún talsverðan mun
á að syngja heima á Íslandi og er-
lendis. „Hér þekkir fólk til manns og
þá kemur maður ekki með hreinan
skjöld, en úti veit fólk bara hvernig
áheyrnarprufan var og hvernig æf-
ingarnar hafa gengið. Mér finnst því
alltaf meira stressandi að syngja á
Íslandi.“
Eins og eldhaf á móti þér
Agnes nýtir vikuna á Íslandi vel
því hún syngur einnig í fyrsta skipti á
tónleikum með Sinfóníuhljómsveit
Íslands á fimmtudagskvöldið 22.
september í Hörpu. Tónleikarnir
bera yfirskriftina Uppáhaldsaríur en
þar koma fram fimm einsöngvarar
með hljómsveitinni. „Ég vona að það
gangi vel og ég geri fólk stolt,“ segir
Agnes en hún syngur í fjórum verk-
um á tónleikunum, þ.e. tríói, einni ar-
íu, dúett og kvartett. „Það skemmti-
lega er að í tríóinu er ég
dramatískasta manneskja í heim-
inum, svolítið eins og ég er, en svo
enda ég á að vera vændiskona,“ segir
Agnes hlæjandi og tekur fram að hún
hlakki mjög til að koma fram í Eld-
borg. „Salurinn er svo rauður að það
er eins og það sé eldhaf að koma til
þín – þú gleymir að þú sért að syngja
og nýtur þess bara,“ segir Agnes og
bætir við að hún sé í senn kvíðin og
spennt að takast á við verkefnið.
Markmið að hreyfa við áhorfendum
 Agnes Thorsteins syngur á fyrstu
hádegistónleikum Kúnstpásuraðar í dag
Morgunblaðið/Golli
Mezzósópran Agnes Thorsteins sem starfar við óperuhúsið Theater Krefeld und Mönchengladbach í Þýskalandi
kemur fram á fyrstu hádegistónleikum Kúnstpásuraðarinnar ásamt meðleikara sínum, Marcin Koziel, á píanó.
Bandaríska leikskáldið Edward
Albee lést á heimili sínu sl. föstu-
dag eftir stutt veikindi, 88 ára að
aldri. Hann þykir eitt merkasta
leikskáld sinnar kynslóðar í
Bandaríkjunum. Í verkum sínum
kannaði hann iðulega átökin í
námum samskiptum og togstreit-
una milli sjálfsblekkingarinnar og
raunveruleikans.
Albee vakti fyrst eftirtekt í leik-
húsheiminum árið 1959 þegar ein-
þáttungurinn hans Saga úr dýra-
garðinum (The Zoo Story) var
frumsýndur í Berlín, en verkið var
sýnt í Provincetown-leikhúsinu í
Greenwich Village í New York ári
síðar. Frægasta leikrit Albee er án
efa Hver er hræddur við Virginiu
Woolf? (Who’s Afraid of Virginia
Woolf) sem frumsýnt var á Broad-
way 1962 og skilaði leikskáldinu
sínum fyrstu Tony-verðlaunum.
Leikritið var
kvikmyndað árið
1966 þar sem
Mike Nichols
leikstýrði Rich-
ard Burton og
Elizabeth Taylor
í hlutverkum
Georgs og
Mörtu.
Albee fæddist
einhvers staðar í Virginíu 12. mars
1928. Lítið er vitað um föður hans,
en móðir hans hét Louise Harvey
og nefndi hún son sinn Edward áð-
ur en hún gaf hann til ættleið-
ingar. Hjónin Reed og Frances Al-
bee ættleiddu Edward á fyrsta
æviári hans en virtust illa í stakk
búin að styðja við rithæfileika son-
arins. Í viðtölum á fullorðinsárum
sagðist Edward Albee hafa liðið
eins og boðflennu á heimilinu og
rifjaði upp að Frances Albee hefði
hent fyrsta leikritinu sem hann
skrifaði aðeins 14 ára gamall í
ruslið. Hann var aðeins átta ára
þegar hann áttaði sig á því að
hann væri samkynhneigður og ári
síðar byrjaði hann að skrifa ljóð.
Hann fór að heiman 18 ára og lét
ekki sjá sig í foreldrahúsum í
rúma tvo áratugi.
Albee vann til þrennra Pulitzer-
verðlauna fyrir leikrit sín, m.a.
fyrir Þrjár konur stórar (Three
Tall Women) sem frumsýnt var í
Vínarborg 1991 og í New York
1994. Leikritið er öðrum þræði
uppgjör Albee við kjörmóður sína.
Af öðrum þekktum leikritum Al-
bee má nefna Geitina eða Hver er
Sylvía? (The Goat, or Who Is
Sylvia?) sem frumsýnt var á
Broadway 2002 og skilaði honum
Tony-verðlaunum. silja@mbl.is
Edward Albee látinn
Edward Albee