Fréttablaðið - 27.12.2016, Blaðsíða 12

LÁTTU SJÁ ÞIG
Blikkljós með klemmu fylgir öllum
hlaupabuxum og -jökkum í desember.
Samfélag Í lok september voru 826
umsækjendur á biðlista eftir félags-
legu leiguhúsnæði í Reykjavík, þar af
voru 612 í mikilli þörf. Þetta kemur
fram í svari velferðarsviðs Reykja-
víkurborgar við fyrirspurn borgar-
ráðsfulltrúa Framsóknar og flug-
vallarvina.
Fjöldi barna umsækjenda eru
331 og miðar velferðarsviðið við
börn yngri en 18 ára sem lúta forsjá
umsækjenda og/eða dvelja hjá þeim
í reglubundinni umgengni. Ungt fólk
er í mestri þörf fyrir húsnæði en 371 á
aldrinum 18-39 ára eru sögð í mikilli
þörf, 216 á aldrinum 40-66 og 25 eldri
en 67.
Langflestir umsækjendur eru ein-
hleypir karlmenn eða 363 slíkir eru
sagðir í mikilli þörf á móti 163 ein-
hleypum konum. Einstæðar mæður
eru 69 talsins en fjórir einstæðir
feður eru í mikilli þörf.
Af þeim 826 sem voru á biðlista
eftir félagslegu leiguhúsnæði fengu
156 almennar húsaleigubætur. Á
sama tíma fengu 908 notendur sér-
stakar húsaleigubætur á almennum
markaði. Velferðarsviðið segir í svari
sínu að erfitt sé að meta hvort bið-
listinn endurspegli þörf sem er til
staðar fyrir félagslegu leiguhúsnæði
því margir þættir hafa áhrif á eftir-
spurnina. Fyrst og fremst er það þó
framboð á öðru ódýru húsnæði. Af
þeim sem voru á biðlista voru 74 pró-
sent í brýnni þörf fyrir húsnæði. -bb
Yfir 600 í mikilli þörf fyrir húsnæði
Af þeim sem voru á biðlista eftir félagslegu húsnæði voru 74 prósent í brýnni þörf
fyrir húsnæði. FréttAblAðið/Vilhelm
RúSSland Hrap rússneskrar herflug-
vélar í Svartahaf á jóladag er ekki talið
stafa af hryðjuverkaárás. Þetta sagði
Maxim Sokolov, samgöngumálaráð-
herra Rússa, í gær. „Samkvæmt þeim
upplýsingum sem við höfum fengið
er árás ekki ein líklegra ástæða. Við
erum að líta annars vegar til bilunar
eða mistaka flugmanns,“ sagði Soko-
lov enn fremur.
Vladimír Pútín Rússlandsforseti
hefur skipað forsætisráðherranum
Dmitrí Medvedev að hafa umsjón
með rannsóknarnefnd sem á að skera
úr um hvað olli flugslysinu.
Á hljóðupptöku úr stýriklefa vélar-
innar sem spiluð var í rússneskum
fjölmiðlum í gær mátti ekki greina
nein merki um örðugleika flugmanna.
Raddir þeirra voru rólegar þar til flug-
vélin hvarf af ratsjám og þeir reyndu
í örvæntingu að ná sambandi við
flugturn flugvallarins í Sochi-borg við
strönd Svartahafs.
Alls voru 92 um borð í vélinni og
eru allir taldir af. Um þrjú þúsund
manns, þar af rúmlega hundrað
kafarar, auk skipa, flugvéla og þyrla
leituðu í Svartahafi í gær og höfðu 11
lík og 154 líkamspartar fundist þegar
Fréttablaðið fór í prentun. Tíu líkanna
og 86 líkamspörtum hefur verið skilað
til Moskvu svo hægt verði að bera
kennsl á þau.
Flugvélin var af gerðinni Tup-
olev-154 og voru hermenn, tónlistar-
menn og blaðamenn um borð í henni.
Þeirra á meðal voru rúmlega sextíu
meðlimir Alexandrov-hópsins, opin-
bers skemmtihóps rússneska hersins
sem átti að skemmta hermönnum í
Sýrlandi en þangað stefndi vélin. Flug-
vélin hafði upphaflega lagt af stað frá
Moskvu en stoppað í Sochi til þess að
fylla á eldsneytistank vélarinnar.
Rússneski herinn hafði gert flug-
vélina út frá árinu 1983 en umfangs-
miklar viðgerðir voru gerðar á henni
í desember árið 2014. Þá greindi hers-
höfðinginn Igor Konashenkov frá því
í gær að flugmenn vélarinnar hefðu
verið einkar reynslumiklir.
Þjóðarsorg var í Rússlandi í gær
vegna slyssins og flykktust íbúar
Moskvu, sem og annarra borga, út á
götur til þess að leggja blóm að hinum
ýmsu minnismerkjum er tengjast
rússneska hernum.
Hvorki flugritar vélarinnar né
skrokkur hennar var fundinn þegar
Fréttablaðið fór í prentun en BBC
greindi frá því að skrokkurinn væri
líklegast á 27 metra dýpi tæplega tvo
kílómetra frá ströndinni. Þá greindi
varnarmálaráðuneytið frá því að tveir
hlutar úr stýribúnaði vélarinnar hafi
fundist og verið dregnir á land.
Rússar hafa stutt her sýrlensku
ríkisstjórnarinnar með loftárásum í
baráttunni gegn uppreisnarmönnum
í borgarastyrjöldinni í landinu. thorg-
nyr@frettabladid.is
Hryðjuverk ekki talin orsök
flugslyssins yfir Svartahafi
Þúsundir leituðu farþega rússneskrar herflugvélar sem hrapaði í Svartahaf. Allir farþegarnir 92 eru taldir af.
Þjóðarsorg var lýst yfir í gær. Flugritarnir ekki enn fundnir. Flugvélin var af gerðinni Tupolev-154 og voru
hermenn, tónlistarmenn og blaðamenn um borð. Rússneski herinn hafði gert flugvélina út frá árinu 1983.
Samkvæmt þeim
upplýsingum sem
við höfum fengið er árás
ekki ein líklegra
ástæða.
Maxim Sokolov,
samgöngumála-
ráðherra Rússa
maður leggur blóm að húsnæði Alexandrov-hópsins í moskvu. Sextíu meðlimir hópsins eru taldir af eftir slysið.
NordicphotoS/AFp
Tækni Snap Inc., framleiðandi
Snapchat og Spectacles, hefur keypt
ísraelska sprotafyrirtækið Cimagine
á nærri átta milljarða króna. Frá
þessu er greint á fréttasíðu Calcalist
News í Ísrael.
Cimagine sérhæfir sig í sýndar-
veruleika. Forritið sem fyrirtækið
vinnur nú að mun gera notandan-
um kleift að beina myndavél síma
síns eða spjaldtölvu að hvaða rými
sem er og sjá hvernig nýtt húsgagn
sem stendur til að kaupa myndi
sóma sér á viðkomandi stað.
Samkvæmt upplýsingum á Lin-
kedIn-síðu Cimagine vinnur fyrir-
tækið nú þegar með Jerome's, hús-
gagnakeðjunni í Kaliforníu og
Coca-Cola.
Kaupin eru langt frá því að vera
þau fyrstu sem Snap gerir á árinu
sem er að líða. Fyrirtækið hefur
einnig fest kaup á auglýsingafyrir-
tækinu Flite, leitarvélinni Vurg og
þrívíddarsjálfuforritinu Seene. - þea
Snapchat í
sýndarveruleika
mögulega mun notendum Snapchat
bjóðast ný tækni frá cimagine.
NordicphotoS/AFp
Samfélag Í hagræðingaraðgerðum
Reykjavíkurborgar fyrir næsta ár er
lagt til að innleitt verði kerfi sem
auðveldi starfsmönnum að finna
símanúmer og tengiliðaupplýs-
ingar annarra starfsmanna borgar-
innar. Ástæðan er sú að starfsmenn
borgarinnar hringja svo mikið í
þjónustuverið eftir upplýsingum.
„Þjónustuverið í Borgartúni gegnir
nú svipuðu hlutverki og upplýsinga-
þjónusta á borð við 1818. Að jafnaði
er um eitt stöðugildi að svara starfs-
mönnum borgarinnar og gefa upp-
lýsingar um símanúmer annarra
starfsmanna borgarinnar,“ segir í
tillögunni. Er sparnaður áætlaður
um 5,5 milljónir króna á ári. – bb
Í vandræðum
með að finna
símanúmer
filippSeyjaR Fjórir létu lífið í gær
vegna hitabeltisstormsins Nock-Ten
á Filippseyjum, þar af þrír í Albay-
fylki nærri höfuðborginni Maníla.
Stormurinn skall á austurströnd
landsins á jóladag og hefur dregið
úr honum síðan þá. Þó náði hann
nærri 40 metra hraða á sekúndu
í gær. Stormurinn stefnir nú að
höfuðborginni.
Þá hefur stormurinn einnig valdið
gríðarlegu tjóni. Meðal annars hafa
rafmagnslínur slitnað og tré rifnað
upp með rótum.
Almannavarnastofa Maníla var-
aði við því í gær að von væri á hvöss-
um vindi og úrhelli sem kynni að
valda flóðum. „Almannavarnastofa
er í viðbragðsstöðu,“ sagði Mina
Marasigan, talskona stofunnar, í
viðtali við BBC í gær.
„Við höfum dreift birgðum og
nauðsynlegum búnaði víðs vegar
um borgina,“ sagði Marasigan enn
fremur.
Þá hafa góðgerðarsamtökin Save
the Children varað við því að allt að
milljón manna gæti þurft á neyðar-
skýli að halda í dag. - þea
Stormurinn Nock-Ten veður yfir Filippseyjar
Strákur leitar skjóls frá Nock-ten innan um illa farin hús. NordicphotoS/AFp
2 7 . d e S e m b e R 2 0 1 6 Þ R i Ð j U d a g U R12 f R é T T i R ∙ f R é T T a b l a Ð i Ð
2
7
-1
2
-2
0
1
6

0
4
:1
7
F
B
0
4
8
s
_
P
0
4
8
K
.p
1
.p
d
f
F
B
0
4
8
s
_
P
0
3
7
K
.p
1
.p
d
f
F
B
0
4
8
s
_
P
0
0
1
K
.p
1
.p
d
f
F
B
0
4
8
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
B
C
9
-5
C
5
C
1
B
C
9
-5
B
2
0
1
B
C
9
-5
9
E
4
1
B
C
9
-5
8
A
8
2
7
5
X
4
0
0
.0
0
1
1
A

F
B
0
4
8
s
_
2
6
_
1
2
_
2
0
1
C
M
Y
K