Morgunblaðið - Sunnudagur - 02.10.2016, Page 17

Morgunblaðið/Ólafur K. Magnússon
Það er ekki eitt heldur nánast allt sem hefur
breyst á þeim áratugum sem liðu frá því að ljós-
myndarar Morgunblaðsins stóðu á þessum stað
þó Arnarhóllinn og styttan af Kristjáni níunda séu
þarna enn. Harpa, demanturinn við sjóinn, setur
mikinn svip á svæðið nú og Seðlabankinn gnæfir
sömuleiðis yfir umhverfi sitt. Söluturninn stóð í
hálfa öld á þessu horni en hann var fluttur árið
1973, þegar þessi mynd af tekin, á Árbæjarsafn,
þar sem hann stóð í þrjú ár og hefur síðan verið
endurbyggður.
Þetta svæði er það sem hefur breyst hvað mest í
Reykjavík á síðustu árum. Nú er öðruvísi mannlíf
við höfnina. Gömlu verbúðirnar iða af lífi og þar
eru margir veitingastaðir. Þarna leggur fjöldi
ferðamanna af stað í skoðunarferðir á báti til að
leita hvala eða lunda. Ferðamannaiðnaðurinn er
nú meira áberandi en sjávarútvegur og íbúða-
húsum og hótelum hefur fjölgað.
Útsýnið niður Frakkastíginn hefur breyst, það
hefur að minnsta kosti minnkað en stóru turn-
arnir í Skuggahverfinu hindra sjávarútsýnið. Sum
hús hafa fengið andlitslyftingu og trén hafa vaxið.
Aukinn trjágróður hefur breytt ásýnd borgar-
innar til hins betra á síðustu árum.
2.10. 2016 MORGUNBLAÐIÐ SUNNUDAGUR 17