Morgunblaðið - 21.10.2016, Blaðsíða 46

46 FRÉTTIRErlent
MORGUNBLAÐIÐ FÖSTUDAGUR 21. OKTÓBER 2016
FRÉTTASKÝRING
Bogi Þór Arason
bogi@mbl.is
Margir stjórnmálaskýrendur í
Bandaríkjunum telja að Donald
Trump, forsetaefni repúblikana, hafi
orðið á mikil mistök í sjónvarpskapp-
ræðum í fyrrinótt þegar hann neitaði
að svara því hvort hann myndi viður-
kenna úrslit forsetakosninganna 8.
nóvember hver sem þau yrðu.
Litið var á þriðju og síðustu kapp-
ræður forsetaefna stóru flokkanna
tveggja í Bandaríkjunum sem síðasta
af bestu tækifærum Trumps til að
snúa vörn í sókn og vinna upp forskot
Hillary Clinton, forsetaefnis demó-
krata, nú þegar tæpar þrjár vikur eru
þar til kosningarnar fara fram. Jafn-
vel stjórnmálaskýrendur, sem hafa
stutt íhaldsmenn í Repúblikana-
flokknum, gagnrýndu Trump fyrir að
gera lítið úr lýðræðinu í Bandaríkj-
unum.
Einn stjórnmálaskýrendanna,
Charles Krauthammer, sagði í viðtali
við Fox-sjónvarpið að hann teldi að
Trump hefðu orðið á „hræðileg mis-
tök“ og hann framið „pólitískt sjálfs-
víg“ með því að svara því ekki hvort
hann myndi viðurkenna úrslit kosn-
inganna biði hann ósigur.
„Missti stjórn á sjálfselskunni“
Trump þurfti nauðsynlega á sigri
að halda í þriðju kappræðunum í
fyrrinótt, að sögn stjórnmálaskýr-
anda CNN, Davids Gergen, sem var
ráðgjafi fjögurra forseta, Richards
Nixon, Geralds Ford, Ronalds Reag-
an og Bills Clinton. Gergen telur að
Trump hafi staðið sig vel fyrstu 40
mínútur kappræðnanna en síðan
„misst stjórn á sjálfselskunni“ eins og
í fyrri kappræðunum og tekið að
grípa fram í fyrir Clinton og svara
henni með „villtum ásökunum“.
„Sumir myndu segja að ofsóknaræði
hans hafi sagt til sín,“ segir Gergen á
fréttavef CNN. Hann gagnrýnir
einnig Trump fyrir að ýja að því að
hann ætli að sætta sig við úrslit kosn-
inganna ef hann sigrar sjálfur en ekki
ef hann bíður ósigur. „Það er nógu
slæmt að Trump tekur sjálfan sig
fram yfir flokkinn sinn, en nú tekur
hann sjálfan sig fram yfir landið sitt.“
Gagnrýndur meðal repúblikana
Að minnsta kosti þrír þingmenn
repúblikana í öldungadeildinni gagn-
rýndu afstöðu Trumps til kosning-
anna eftir að kappræðunum lauk,
þeirra á meðal Jeff Flake, þingmaður
frá Arizona, sem sagði hana „utan
marka alls velsæmis“.
„Ef hann tapar verður það ekki
vegna þess að kerfið sé ólýðræðislegt,
heldur vegna þess að hann hefur
brugðist sem frambjóðandi,“ sagði
repúblikaninn Lindsey Graham, ann-
ar þingmanna Suður-Karólínu í öld-
ungadeildinni.
The Wall Street Journal sagði að
svar Trumps við spurningunni um
hvort hann myndi viðurkenna ósigur
samræmdist ekki svari hans í fyrstu
kappræðunum. „Ef hún sigrar mun
ég styðja hana algerlega,“ sagði
Trump þá en bætti við að hann ef-
aðist um að Clinton færi með sigur af
hólmi í kosningunum. Blaðið telur að
þetta ósamræmi megi rekja til þess
að fylgi Trumps hafi minnkað frá
fyrstu kappræðunum. Lítill munur
var þá á fylgi forsetaefnanna og
Trump virtist vera í sókn en Hillary
Clinton er nú komin með mikið for-
skot, ef marka má síðustu kannanir.
Nokkrir repúblikanar telja að
Trump hafi ekki meint það sem hann
sagði og svar hans hafi aðeins verið
brandari. „Auðvitað mun hann viður-
kenna úrslit kosninganna ef ekki
verða nein stórfelld kosningasvik,“
hefur fréttaveitan AFP eftir Reince
Priebus, formanni Landsnefndar
Repúblikanaflokksins.
Kosningastjóri Trumps, Kellyanne
Conway, sagði ekkert hæft í því að
auðkýfingurinn hefði gert lítið úr lýð-
ræðinu. „Hafi einhver eflt lýðræðið á
síðustu tólf mánuðum þá er það Don-
ald Trump,“ sagði hún í viðtali við
CNN. Hún fullyrti að Trump myndi
viðurkenna úrslitin ef ekki kæmi til
stórfelldra kosningasvika.
Demókratar sögðu hins vegar að
ummæli Trumps sýndu að hann hefði
„megnustu fyrirlitningu á lýðræðinu í
Bandaríkjunum“, eins og öldunga-
deildarþingmaðurinn Harry Reid
orðaði það.
Afstaða Trumps til kosninganna
var helsta umfjöllunarefni banda-
rískra fjölmiðla eftir kappræðurnar.
Fréttaskýrandi The New York Tim-
es, Nicholas Confessore, telur að mál-
ið verði nær örugglega til þess að
fleiri forystumenn í Repúblikana-
flokknum snúi baki við auðkýfingnum
og neiti að styðja hann í baráttunni
við Hillary Clinton.
Lýst sem pólitísku sjálfsvígi
 Trump sakaður um að gera lítið úr lýðræðinu með því að neita að segja hvort hann myndi viður-
kenna ósigur í kosningunum  Var „utan marka alls velsæmis,“ segir einn þingmanna repúblikana
Þriðju kappræður forsetaefnanna: nokkur ummæli
„Hann ber enga virðingu fyrir henni.
Hann ber enga virðingu fyrir
forseta okkar.“
„Ég tel ekki að ríkisstjórn
Bandaríkjanna eigi að grípa inn
í og taka ákvörðun í svo
persónulegu máli.“
„Ef við gerum það sem Hillary segir
verður hægt að taka ungbarnið á
níunda mánuði meðgöngu og rífa
það úr legi móðurinnar, rétt áður
en það á að fæðast.“
Um brott-
flutning
ólöglegra
innflytjenda
Heimild: AFP Ljósmynd: Ethan Miller/AFPPhoto/Getty Images
„Nú, það er vegna þess að
hann vill frekar hafa
leikbrúðu í embætti
forseta Bandaríkjanna.“
Um Vladimír
Pútín,
forseta
Rússlands.
„Þannig virkar lýðræði okkar ekki. Banda-
ríkin hafa verið til í um 240 ár. Við höfum
haft frjálsar og lýðræðislegar kosningar.
Við höfum viðurkennt úrslit þeirra þótt við
höfum e.t.v. ekki verið ánægð með þau.“
Um fóstur-
eyðingar.
"Það hafa verið slæmir
náungar hérna og við
ætlum að koma þeim í burtu."
„Ég vil ekki sjá nauðungarflutninga-
sveitirnar, sem Donald hefur talað
um, starfa í landi okkar... Ég tel að
þetta sé hugmynd sem sundri
þjóð okkar.“
Um hvort
hann ætli að
viðurkenna
úrslit kosninganna
8. nóvember
„Ég segi ykkur það þegar þar
að kemur. Ég ætla að halda
ykkur í spennu.“
Skv. könnunum CNN/ORC þar sem spurt var um
frammistöðu forsetaefnanna
Hvort vann kappræðurnar?
62% 57% 52%
27%
34% 39%
Hillary
Clinton
Donald
Trump
26.
september
9.
október
19.
október
521
Fjöldi kjósenda sem voru spurðir eftir að hafa fylgst
með kappræðunum. Úrtakið var valið af handahófi.
537 547
Þurfti að gera meira
» Dan Balz, fréttaskýrandi The
Washington Post, telur að
Trump hafi byrjað vel í kapp-
ræðunum í fyrrinótt en
skemmt fyrir sjálfum sér með
slæmri frammistöðu í síðari
hlutanum. Líklega hafi kapp-
ræðurnar lítil áhrif á framvindu
kosningabaráttunnar og það
sé slæmt fyrir Trump sem
þurfti meira á sigri að halda en
keppinauturinn.
» „Trump þurfti að gera meira
en að fá þá stuðningsmenn
sína sem hafa megnustu óbeit
á Clinton til að fagna árásum
hans,“ skrifar Balz. „En eins og
hann hefur gert hvað eftir ann-
að í kosningabaráttunni tókst
Trump að grafa undan bestu
ummælum sínum í kappræð-
unum með þeim verstu. Lík-
lega náði hann ekki því mark-
miði – hafi það verið markmið
hans – að fá fleiri kjósendur á
sitt band.“
» Kannanir benda til þess að
Clinton sé með meira en sex
prósentustiga forskot og jafn-
vel í sókn í nokkrum ríkjum þar
sem repúblikanar hafa lengi
verið öflugri en demókratar.
Askalind 3 • 201 Kópavogur • Sími: 562 1500 • friform.is
Opið:Mán. - föst. kl. 09-18
Laugardaga kl. 11-15
INNRÉTTINGAR
DANSKAR
Í ÖLLHERBERGIHEIMILISINS
FJÖLBREYTTÚRVALAFHURÐUM,
FRAMHLIÐUM,KLÆÐNINGUMOGEININGUM,
GEFAÞÉR ENDALAUSAMÖGULEIKAÁ
AÐSETJASAMANÞITTEIGIÐRÝMI.
STERKAR OG GLÆSILEGAR