Morgunblaðið - 09.11.2016, Side 11

FRÉTTIR 11Innlent
MORGUNBLAÐIÐ MIÐVIKUDAGUR 9. NÓVEMBER 2016
Vertu upplýstur!
blattafram.is
VIÐ HÖFUM TÆKIFÆRI
TIL AÐ KOMA Í VEG FYRIR
ATBURÐ SEM FELUR Í SÉR
OFBELDI.
NOTUM VIÐ TÆKIFÆRIN?
Nýjar vörur
Faxafeni 14, 108 Reykjavík | Sími 551 6646 | Laura Ashley á Íslandi
Opið alla virka daga kl. 10-18, laugardaga kl. 11-15
Ágúst Ingi Jónsson
aij@mbl.is
„Aflinn hjá okkur hefur verið
heldur tregur þar til um helgina
að það fór að mokveiðast af
þorski,“ sagði Árni Gunnólfsson,
skipstjóri á frystiskipinu Kleifa-
bergi, í gær. Skipið var þá að veið-
um um 500 mílur norðaustur af
Múrmansk, en fimm íslensk skip
hafa verið að veiðum í Barentshafi
síðustu vikur; auk Kleifabergsins,
Arnar HU, Þerney RE, Örfirisey
RE og Oddeyrin EA sem er farin
heim.
Blikur eru á lofti í kjaramálum
sjómanna og hefst verkfall hjá fé-
lögum sjómanna og vélstjóra ann-
að kvöld semjist ekki áður. Árni
segist ekki vera farinn að hugsa til
heimferðar vegna mögulegs verk-
falls. Hann segist vera bjartsýnis-
maður og segist vona að deilan
leysist svo menn þurfi ekki að hífa
inn veiðarfæri fyrir klukkan 11
annað kvöld af þeim sökum.
Sjö sólarhringa sigling
„Það er hins vegar annað mál að
við erum komnir með yfir 300
tonn af þorski og erum að klára
þorskkvótann. Við höfum þurft að
hafa talsvert fyrir þessu, en feng-
um að jafnaði um 20 tonn á sólar-
hring þangað til um helgina að afli
glæddist. Við eigum eftir að veiða
nokkra ýsutitti en það er ekkert
að hafa núna, varla í vatnsfötu og
þarf tæpast að leysa frá pokanum.
Hér á Gæsabanka hefur verið góð
ýsuveiði undanfarin ár en núna er
ekkert að hafa.“
Kleifabergið fór frá Reykjavík
18. október frá Reykjavík og á
miðin í rússneskri lögsögu í Bar-
entshafi var um sjö sólarhringa
sigling. Árni segir að þeir hafi
bæði farið langt í austur og norður
eða allt norður á 77. gráðurnar, en
hafa síðustu daga fært sig sunnar.
Svæði lokuð vegna heræfinga
Árni segir að í allt haust hafi
stór svæði í Barentshafi verið lok-
uð tólf tíma á sólarhring vegna
æfinga rússneska hersins. Á þeim
tíma hafi hvorki mátt veiða í þess-
um lokuðu hólfum né sigla yfir
þau vegna heræfinganna.
Bjartsýnn og vonar
að ekki verði verkfall
 Fimm frystiskip hafa verið að veiðum í Barentshafi
Ljósmynd/Brim hf.
Kleifaberg RE Skipið var smíðað í Póllandi 1974 og hefur í mörg ár verið meðal fengsælustu skipa flotans, en það
er í eigu Brims hf. Í fyrra var aflaverðmætið um 3,7 milljarðar, sem var trúlega mesta aflaverðmæti íslensks skips.
Agnes Bragadóttir
agnes@mbl.is
Drög að endurnýjaðri starfsloka-
stefnu voru nýverið lögð fram á
stjórnarfundi Slökkviliðsins á höfuð-
borgarsvæðinu (SHS). Jón Viðar
Matthíasson slökkviliðsstjóri segir
að innan SHS hafi verið umræða um
það í mörg ár, svona 15 til 20, að mik-
ilvægt sé fyrir slökkviliðsmenn að
geta hætt störfum fyrr en nú tíðkast,
og þar sé þá einkum verið að horfa á
eðli starfs þeirra.
„Það er þekkt bæði á Norðurlönd-
unum og í mörgum Evrópulöndum,
að slökkviliðsmenn fara fyrr á eft-
irlaun, en almennt tíðkast á vinnu-
markaðnum,“ sagði Jón Viðar í sam-
tali við Morgunblaðið í gær.
„Við þekkjum starfslokaaldur allt
frá 55 árum upp í 65 til 67 ára, en
hann er mismunandi eftir löndum.
Þetta hefur ítrekað komið upp í
kjarasamningaviðræðum við
slökkviliðsmenn SHS, án þess að
málið hafi nokkurn tíma verið til
lykta leitt og lausn fengist.“
Fari helst á eftirlaun
Jón Viðar segir að þess vegna hafi
þessi umræða farið af stað í stjórn
SHS og innan slökkviliðsins. „Við
leggjum áherslu á að slökkviliðs-
menn geti hætt fyrr á vöktum en
gerist í dag, og fari þá helst á eft-
irlaun. En það hefur engin ákvörðun
verið tekin og við erum bara að leita
lausna sem skynsamlegar geta tal-
ist,“ sagði Jón Viðar.
Hann bendir á að lögum sam-
kvæmt og reglugerðum séu gerðar
ákveðnar kröfur um líkamlegt
ástand slökkviliðsmanna og þeir
þurfi að uppfylla þær kröfur, t.d. í
læknisskoðunum og þrekprófum.
Hann segir að ekki sé hægt að
segja til um hvenær niðurstaða fáist
í þetta mál. Minnisblaðið hafi verið
lagt fram til kynningar, svo frekari
umræður geti átt sér stað.
Í minnisblaðinu segir m.a. „Starfs-
mönnum verði boðnir starfsloka-
samningar þegar þeir geta ekki sinnt
starfi sínu vegna aldurs, sérstaklega
á útkallssviði. Þessi samningur skal
einungis bjóðast einu sinni og í hon-
um skulu felast launagreiðslur í eitt
ár eftir starfslok …
Unnið hefur verið að því að finna
varanlega lausn á starfslokamálum
slökkviliðsmanna frá því fyrir stofn-
un SHS, án árangurs. Tillaga
slökkviliðsstjóra nú er að stjórn end-
urnýi umboð sitt til hans fyrir gerð
samninga um flýtt starfslok með
nýrri starfslokastefnu, sem verði
endurskoðuð að þremur árum liðn-
um …“
Innri endurskoðun Reykjavíkur-
borgar komst að þeirri niðurstöðu í
lok síðasta árs, að ekki væri fyrir
hendi lagastoð hjá SHS til að gera
starfslokasamninga við slökkviliðs-
menn þótt slíkir samningar hefðu
verið gerðir.
SHS vill lækka
starfslokaaldur
 Slökkviliðsmenn geti hætt fyrr
Morgunblaðið/Ómar
Starfslok SHS vill lækka starfs-
lokaaldur slökkviliðsmanna.
Ingibjörg Haralds-
dóttir, ljóðskáld og
þýðandi, er látin 74
ára að aldri.
Ingibjörg nam kvik-
myndagerð í Moskvu
á árunum 1963 til 1970
og bjó og starfaði í
Havana á Kúbu að því
loknu fram til ársins
1975. Fyrsta ljóðabók
hennar kom út árið
1974 en Ingibjörg
helgaði líf sitt skrift-
um eftir að hún flutti
heim.
Eftir Ingibjörgu
liggja fimm ljóðabækur og tvö ljóða-
söfn, auk þess sem hún gaf út end-
urminningar sínar í bókinni Veruleiki
draumanna árið 2007.
Ingibjörg var afkastamikill þýð-
andi úr rússnesku, spænsku og fleiri
tungumálum. Hún þýddi helstu stór-
virki rússnesku skáldanna Fjodors
Dostojevskí og Mikhails Búlgakov,
leikrit Tsjekov og Túrgenév og fleiri,
auk ljóða rússneskra, sænskra, kúb-
anskra og annarra skálda í rómönsku
Ameríku.
Ingibjörgu hlotnaðist margháttuð
viðurkenning fyrir
ritstörf sín. Ljóð
hennar hafa verið
þýdd á mörg tungu-
mál og fyrir síðustu
ljóðabók sína, Hvar
sem ég verð, hlaut
hún íslensku bók-
menntaverðlaunin ár-
ið 2002, auk þess sem
bókin var tilnefnd til
bókmenntaverðlauna
Norðurlandaráðs fyr-
ir hönd Íslands. Fyrir
þýðingar sínar hlaut
hún meðal annars Ís-
lensku þýðing-
arverðlaunin og Menningarverðlaun
DV.
Ingibjörg sat í stjórn Rithöfunda-
sambands Íslands frá 1992 til 1998 og
var formaður sambandsins frá 1994
til 1998. Hún var í ritnefnd Tímarits
Máls og menningar frá 1977 og var
aðstoðarritstjóri tímaritsins frá 1993
til 2000. Hún átti sæti í ritnefnd tíma-
rits þýðenda, Jóns á Bægisá.
Ingibjörg lætur eftir sig tvö börn,
Hilmar Ramos þýðanda og Kristínu
Eiríksdóttur skáld og þrjú barna-
börn.
Andlát
Ingibjörg Haraldsdóttir