Morgunblaðið - 12.11.2016, Blaðsíða 26

26
MORGUNBLAÐIÐ LAUGARDAGUR 12. NÓVEMBER 2016
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Lindarhvollnefnisteign-
arhaldsfélag sem
stofnað var til að
„annast umsýslu,
fullnustu og sölu“ eigna sem
ríkið fékk í hendur sem
greiðslu stöðugleikaframlags.
Lindarhvoll er í eigu ríkisins
og er athyglisvert að lesa siða-
reglur félagsins, sem ætlað er
„að stuðla að því að auka trú-
verðugleika og óhlutdrægni
við meðferð og afgreiðslu mála
félagsins“. Í kafla með yf-
irskriftinni „Ábyrg og góð
ákvörðunartaka“ er eftirfar-
andi grein: „Félagið byggir
starfsemi sína á að taka allar
ákvarðanir á faglegum for-
sendum og mun tryggja fullan
rökstuðning þeirra gagnvart
öllum hluteigandi aðilum, þ.e.
viðskiptavinum, eiganda,
starfsmönnum og samfélaginu
í heild.“
Eignarhaldsfélagið leggur
líka áherslu á upplýsingagjöf
og að forðast hagsmuna-
árekstra. „Við kappkostum að
veita viðskiptavinum réttar,
skýrar og áreiðanlegar upplýs-
ingar,“ segir í einni greininni
og í annarri: „Við upplýsum
um þau atriði sem kunna að
valda hagsmunaárekstrum í
störfum okkar og sérstaklega
er varða atriði sem geta haft
áhrif á sjálfstæði, hlutleysi eða
skyldu okkar við félagið og við-
skiptavini þess.“
Þessi lestur er sérstaklega
athyglisverður í ljósi frétta-
flutnings undanfarna daga í
ViðskiptaMogganum og
Morgunblaðinu af sölu Lind-
arhvols á 17,7% hlut félagsins í
Klakka, sem áður hét Exista.
Helsta eign Klakka er fjár-
málafyrirtækið Lýsing. Skila-
frestur í úboðinu var um miðj-
an október. Enn
hefur ekki verið
greint frá niður-
stöðunni á heima-
síðu Lindarhvols. Í
Morgunblaðinu í
gær er á viðskiptasíðu rætt við
Sigurð Valtýsson fram-
kvæmdastjóra, sem fyrir hönd
félags í eigu Ágústs og Lýðs
Guðmundssona fól Kviku
banka að gera tilboð í eign
Lindarhvols í Klakka. Tilboð-
inu var svarað með tölvupólsti
um að því hefði ekki verið tek-
ið. Hann gerir miklar athuga-
semdir við framkvæmdina á
útboðinu. Skortur hafi verið á
gagnsæi og Lindarhvoll hafi
ekki farið eftir eigin reglum.
Sérstaklega tekur hann til að
eigandi lögmannsstofunnar,
sem tók á móti tilboðunum,
hafi verið stjórnarmaður í
Klakka. Þetta sé ekki síst
óeðlilegt vegna þess að for-
stjóri Klakka sé í forsvari fyrir
einn af tilboðsgjöfunum í fé-
lagið. Sá tilboðsgjafi, BLM
fjárfestingar, sem er í eigu
vogunarsjóðsins Burlington
Loan Management, var með
hæsta tilboðið, einu prósentu-
stigi yfir tilboði félags bræðr-
anna, Ágústs og Lýðs.
Þegar Morgunblaðið leitaði
svara hjá lögmannsstofunni,
sem sá um útboðið, og stjórn-
arformanni Lindarhvols kom
það að luktum dyrum. Svar frá
lögmannsstofunni svaraði í
raun engu. Vinnubrögðin í
þessu máli eru í hróplegu
ósamræmi við þær reglur sem
Lindarhvoll setur sér og krist-
allast í þessum orðum: „Við
sinnum störfum okkar og sam-
skiptum við viðskiptamenn og
aðra hagsmunaaðila þannig að
það sé öðrum til fyrirmyndar
og eftirbreytni.“ Hér fer ekki
saman hljóð og mynd.
Við sölu á ríkis-
eignum ber að forð-
ast pukur og leynd}
Afleit vinnubrögð
Í nokkurra áragamalli skáld-
sögu segir frá
geimveru, sem
kemur til jarð-
arinnar vegna
þess að mannkyn
er á barmi þess að gera tíma-
mótauppgötvun í vísindum og
þykir ekki víst að það muni
kunna að fara með hana.
Geimveran á von á að fátt
annað sé í fréttum en að þessi
ráðgáta vísindanna verði
brátt leyst, en það er öðru
nær. Á jörðinni er aðeins
fjallað um peninga og stríð í
fréttum. Vísindi fá varla að
vera með.
Á fimmtudag var greint frá
því í fréttum að vísindamönn-
um hefði tekist að láta tvo apa
með mænuskaða ganga með
því að græða þráð-
lausan sendibúnað
í þá. Búnaðurinn
sendir merki frá
heilanum að þeim
stað þar sem boð
eru send í vöðva
fótanna. Þannig er sneitt hjá
mænuskemmdinni. Eftir tvær
vikur voru aparnir farnir að
ganga á göngubretti.
Það mun taka nokkur ár að
þróa þennan búnað þannig að
hægt verði að reyna hann í
mönnum, en það hlýtur að
gefa góðar vonir að þessi ár-
angur hafi náðst með öpum.
Það eru stórtíðindi að upp-
götvuð hafi verið leið til að
færa lömuðum mátt. Hógværð
fjölmiðla við flutning þeirra
ætti oft betur við en í þessu
tilfelli.
Þráðlaus búnaður
vekur vonir um að
sneiða megi hjá
mænuskaða}
Merkileg uppfinning É
g hef undanfarna daga mikið rætt
við stjórnmálamenn, áhugamenn
um stjórnmál, þingmenn og ráð-
herra í ríkisstjórn Sigurðar Inga
Jóhannssonar og þingmenn
stjórnarandstöðunnar, svo og grasrót þeirra
flokka, ungliða og eldri stuðningsmenn, í þeim
tilgangi að afla mér efniviðar í fréttaskýringar
um stöðu stjórnarmyndunarviðræðna, eða
kannski öllu heldur ekki stjórnarmyndunar-
viðræðna.
Í langflestum tilvikum hafa þetta verið góð,
gagnleg og ánægjuleg samskipti, sem ekki hafa
komið á óvart, á það jafnt við um stjórnmála-
menn sem eru að koma nýir inn á sviðið og þá
sem gamalreyndir eru í hettunni.
Ég má til með að staldra örlítið við samskipti
mín við Vinstrihreyfinguna – grænt framboð,
og félaga þeirrar hreyfingar, sem hafa verið einstaklega
ánægjuleg og í mörgum tilvikum komið skemmtilega á
óvart. Ekki einn einasti VG-maður, hvort sem er ungliði,
eldri VG, þingmenn eða fyrrverandi þingmenn, hefur neit-
að að ræða við mig, heldur tekið mér af stakri kurteisi og
svarað spurningum mínum á málefnalegan hátt.
Innan VG eru geysilega ólík sjónarmið gagnvart hug-
myndum um stjórnarsamstarf: Ung VG lýsa því á hrein-
skiptinn hátt að þau telji flokk sinn vera róttækan vinstri-
sinnaðan flokk og geti af þeim sökum ekki náð málefna-
legri samstöðu með flokknum sem þau segja lengst til
hægri, Sjálfstæðisflokkinn. Eldri VG segja aftur á móti að
þau hafi fullan skilning á ákefð Ungra VG, þótt þau í ljósi
reynslu geri sér fulla grein fyrir því að í sam-
steypustjórnum verði allir að gefa eftir af sín-
um ítrustu kröfum. Eldri VG segja að fé-
lagsskapur þeirra snúist nú orðið einkum um
það að hafa fræðslu- og skemmtikvöld mán-
aðarlega, koma saman, syngja og drekka kaffi.
Pólitíska ákefðin sé engan veginn sú sama og
hjá ungliðunum og það sé ekki oft sem stjórn-
mál séu rædd af einhverri alvöru á þessum
samkomum þeirra.
Þingmenn VG sem ég hef rætt við hafa einn-
ig sagst hafa skilning á ósveigjanlegri afstöðu
Ungra VG en jafnframt bent á að þegar fram
líði stundir geti Ung VG skipt um skoðun ef
horfi til stjórnarkreppu hér á landi. Þannig sé
ekki útilokað að flokkurinn í heild geti samein-
ast um það að gera málefnasamning við Sjálf-
stæðisflokk og Framsóknarflokk, þar sem til-
tekin grundvallaratriði í stefnu VG verði í heiðri höfð, svo
sem mál sem horfi til félagslegs jöfnuðar, eflingar heil-
brigðis- og menntakerfisins og uppbyggingar innviða
landsins.
Það sem mér fannst vera svo jákvætt við ólík viðhorf
þessara ólíku hópa innan VG er það hversu ólík sjónarmið
fá að rúmast innan flokksins, að því er virðist, mestmegnis
í sátt og samlyndi og sérstaklega jákvætt viðhorf Eldri VG
gagnvart Ungum VG. „Við vorum svona á sokkabands-
árum okkar, full af hugsjónaeldi og pólitískri ákefð. Nú er-
um við gömul og sjóuð, sem ræður miklu um það hve mikið
umburðarlyndi ríkir í röðum okkar í garð ungliðanna,“
sagði félagi úr Eldri VG. agnes@mbl.is
Agnes
Bragadóttir
Pistill
Umburðarlyndið innan VG
STOFNAÐ 1913
Útgáfufélag: Árvakur hf., Reykjavík.
Ritstjóri:
Davíð Oddsson
Aðstoðarritstjóri:
Karl Blöndal
Ritstjóri og framkvæmdastjóri:
Haraldur Johannessen
FRÉTTASKÝRING
Ómar Friðriksson
omfr@mbl.is
Mikil umræða á sér stað ísveitarfélögum um alltland hvernig bregðastskuli við úrskurði
kjararáðs um 44% launahækkun al-
þingismanna þar sem kjör fulltrúa í
sveitarstjórnum eru víða tengd
þingfararkaupi. Í sumum sveitar-
stjórnum hefur verið ákveðið að laun
kjörinna fulltrúa hækki ekki sjálf-
krafa í kjölfar úrskurðarins en önn-
ur vilja bíða átekta og sjá hvernig
Alþingi tekur á málinu þegar það
kemur saman.
Þannig hefur t.a.m. Ísafjarðar-
bær ákveðið að laun bæjarfulltrúa
hækki ekki í samræmi við úrskurð-
inn og bæjarstjórn Kópavogs hefur
skorað á Alþingi að endurskoða
ákvörðun kjararáðs. Í bæjarstjórn
Hafnarfjarðar lögðu fulltrúar Sam-
fylkingar og Vg til í vikunni að bæj-
arráð staðfesti að launahækkanir
skv. úrskurði Kjararáðs mundu ekki
hafa áhrif á launakjör bæjarfulltrúa.
Fulltrúar meirihlutans í Sjálfstæðis-
flokki og Bjartri framtíð samþykktu
hins vegar að fresta málinu. Segja
þeir í bókun að laun kjörinna full-
trúa í Hafnarfirði eigi að vera sam-
bærileg við það sem gerist meðal
kjörinna fulltrúa í öðrum sveitar-
félögum, fylgja leiðbeinandi til-
mælum frá stjórn Sambands ís-
lenskra sveitarfélaga og launaþróun
á vinnumarkaði almennt. En brýnt
sé að Alþingi endurskoði lög um
kjararáð og ákvörðun kjararáðs.
Laun sveitarstjórnarmanna og
jafnvel sveitarstjóra eru víða miðuð
við ákveðið hlutfall af þingfar-
arkaupi. Það er hins vegar ákvörðun
hvers sveitarfélags fyrir sig hver
launakjörin skuli vera. Halldór Hall-
dórsson, formaður Sambands ís-
lenskra sveitarfélaga, hefur ekki
fengið yfirlit yfir hvað öll sveit-
arfélög hyggjast gera í kjölfar úr-
skurðar kjararáðs. „Einhver hafa
ákveðið að gera breytingar strax og
breyta viðmiðinu annaðhvort í lægra
hlutfall af þingfararkaupi eða þá að
hætta að miða við það,“ segir hann.
,,Mér finnst sjálfum skynsamlegast
að sjá til hvað Alþingi gerir því fyrir
marga er þingfararkaupið ágætis
viðmiðun.“
Vilja falla frá hækk-
un eða bíða átekta
Morgunblaðið/Golli
Kjör Úrskurður kjararáðs veldur ólgu á vinnumarkaði og í sveitarstjórnum
er rætt hvað gera skuli, þar sem þóknanir fulltrúa tengjast þingfararkaupi.
Það er hlutverk hverrar sveitar-
stjórnar að ákveða sjálf laun kjör-
inna fulltrúa og sveitarstjóra.
Safnað var upplýsingum á vegum
Sambands ísl. sveitarfélaga um
launakjör sveitarstjórnarmanna
sem birtar voru sl. sumar. Karl
Björnsson, framkvæmdastjóri
sambandsins, segir í umfjöllun
um það á vefsíðu sambandsins að
þegar rýnt sé í gögnin sé niður-
staðan sú að kjörnir fulltrúar séu
almennt sáttir við starfsumhverfi
sitt en óánægðir með launin.
Fyrsta skrefið til úrbóta sé því að
útbúa leiðbeinandi viðmið um
launakjör fyrir setu í sveitar-
stjórnum. Þetta var gert og við-
miðin birt síðastliðið sumar.
Byggt er á tilteknum grunn-
launum fyrir fullt starf sem nema
um 78% af þingfararkaupi.
Greiðslur til sveitarstjórnar-
manna eru eðli máls samkvæmt
misjafnar eftir stærð sveitarfélag-
anna. Fjögur sveitarfélög eru með
5.000-15.000 íbúa. Mánaðarlegar
greiðslur til sveitarstjórnarmanna
í þessum sveitarfélögum eru í
einu tilviki á bilinu 75.000-
99.999 kr., í einu tilviki 125.000-
149.999 kr. og í þremur tilvikum
150.000- 174.999 kr. skv. könnun-
inni. Mánaðarlaun framkvæmda-
stjóra eða sveitarstjóra þessara
sveitarfélaga eru hins vegar með
yfirvinnu og föstum launa-
greiðslum í tveimur tilfellum
1.300-1.399 þús. kr., í einu tilviki
1.500-1.599 þús. kr. og í einu til-
felli 1.900-1.999 þús. kr. á mán-
uði. Í fjórum stærstu sveit-
arfélögum landsins eru
mánaðarlegar greiðslur til bæj-
arstjóranna í þremur tilvikum á
bilinu 1.300-1.399 þús. kr. og í
einu 1.500-1.599 þús. kr.á mán-
uði. Kjörnir stjórnarmenn eru í
einu sveitarfélagi með 150.000-
174.999 kr. á mánuði, í tveimur
tilvikum 175.000-199.999 kr. og í
einu tilviki meira en 200.000 kr.
Ólík laun kjörinna fulltrúa
SÁTTIR VIÐ STARFSUMHVERFI EN ÓSÁTTIR VIÐ LAUNAKJÖR