Dagblaðið Vísir - DV - 18.09.2015, Page 8

Helgarblað 18.–21. september 20158 Fréttir
Sagði nei við skulda-
bréfi Íslandsbanka
n Seðlabankinn brást við undanþágubeiðni Glitnis n Undanþágan ekki enn samþykkt
S
eðlabanki Íslands hefur
staðfest við slitastjórn Glitnis
að ekki sé hægt að fallast á þá
tillögu að íslensk stjórnvöld
fái afhent tíu ára skuldabréf í
krónum að fjárhæð 37 milljarðar, út­
gefið af Íslandsbanka, sem hluta af
stöðugleikaframlagi slitabúsins.
Þetta var á meðal þess sem kom
fram í bréfi sem Seðlabankinn sendi
til Glitnis síðastliðinn mánudag í
tengslum við beiðni slitastjórnar um
undanþágu frá höftum á grundvelli
samkomulags sem stærstu kröfu­
hafar búsins gerðu við haftahóp
stjórnvalda, samkvæmt heimildum
DV. Seðlabankinn hefur því enn
ekki samþykkt undanþágubeiðni
sem Glitnir óskaði eftir þann 16.
júlí síðastliðinn. Slík undanþága er
forsenda þess að búið geti lokið slit­
um með nauðasamningum áður en
árið er liðið og í kjölfarið útgreiðslu
eigna til erlendra kröfuhafa.
Slitastjórn Glitnis brást við
athugasemdum Seðlabankans í bréfi
sem hún sendi á bankann þremur
dögum síðar. Til stóð í kjölfarið að
halda svonefndan tæknifund með
starfsmönnum Seðlabankans og ráð­
gjöfum Glitnis í þessari viku. Þar átti að
fara yfir fyrirliggjandi tillögur stærstu
kröfuhafa Glitnis um hvernig þeir
hyggist uppfylla stöðugleikaskilyrði
stjórnvalda með framsali innlendra
eigna. Ekkert varð hins vegar af þeim
fundi þar sem Seðlabankinn óskaði
eftir því að honum yrði frestað um tvær
vikur, samkvæmt heimildum DV.
Vildi ekki taka áhættuna
Svar Seðlabankans til slitastjórnar
Glitnis er í samræmi við það sem
áður hefur verið upplýst um í DV.
Þannig greindi blaðið frá því hinn 11.
ágúst síðastliðinn að íslensk stjórn­
völd ætluðu sér ekki að samþykkja
þá tillögu að fá afhent tíu ára skulda­
bréf útgefið af Íslandsbanka. Ekki
væri talið forsvaranlegt að ríkið tæki
á sig þá áhættu sem fælist í því að fá
afhent skuldabréf sem enginn mark­
aður er með og því alls óvíst hvern­
ig ætti að verðleggja bréfið. Þá myndi
það hafa áhrif á yfirlýst áform stjórn­
valda að stöðugleikaframlag gömlu
bankanna yrði nýtt til að greiða nið­
ur skuldir hins opinbera.
DV leitaði eftir svörum frá Ís­
landsbanka hvernig bankinn ætlaði
að bregðast við nú þegar fyrir liggur
að stjórnvöld hafa neitað að fá afhent
slíkt skuldabréf, útgefið af Íslands­
banka, frá Glitni. Bankinn sagðist
ekki geta svarað því hvort til greina
kæmi að Íslandsbanki myndi sjálf­
ur finna kaupanda að skuldabréf­
inu eða að farin yrði sú leið, eins og
til stóð upphaflega, að Glitnir tæki út
krónuinnlán sín hjá bankanum sem
yrðu síðan afhent ríkinu.
„Ekki er búið að ljúka samning­
um milli Íslandsbanka og Glitnis og
því ekki mögulegt fyrir bankann að
tjá sig um einstök samnings atriði.
Tryggt verður að fjárhagsstaða bank­
ans verði mjög sterk eftir samning­
ana sem og fyrir,“ segir í skriflegu
svari Íslandsbanka.
Bréfið að beiðni Íslandsbanka
Stærstu kröfuhafar Glitnis höfðu
áður fallist á að framselja innlán
slitabúsins í krónum hjá Íslands­
banka til stjórnvalda í formi reiðu­
fjár. Að beiðni Íslandsbanka, eins
og fyrst var sagt frá í DV í byrjun síð­
asta mánaðar, var hins vegar gerð sú
breyting á samkomulaginu að í stað
þess að Glitnir tæki út innlán sín í
krónum hjá bankanum þá fengi það
afhent tíu ára skuldabréf frá Íslands­
banka að fjárhæð 37 milljarðar sem
yrði síðan framselt til ríkisins.
Ekkert samráð var haft við helstu
ráðgjafa stjórnvalda sem unnu
að áætlun um afnám fjármagns­
hafta áður en upplýst var um þessa
breytingu á fyrrnefndu samkomulagi
við helstu kröfuhafa Glitnis um miðj­
an júlímánuð. Þá sendi Íslandsbanki
frá sér tilkynningu um að bankinn
og Glitnir hefðu undirritað ramma­
samkomulag um þær aðgerðir sem
Íslandsbanki myndi grípa til svo
slitameðferð Glitnis næði fram að
ganga í samræmi við þær tillögur
sem kröfuhafar hefðu lagt fram.
Í umfjöllun DV um málið þann
5. ágúst síðastliðinn kom fram að Ís­
landsbanki hefði lagt til þetta fyrir­
komulag þar sem bankinn hefði talið
að of mikil áhætta væri að öðrum
kosti fólgin í því fyrir lausafjárstöðu
bankans ef Glitnir tæki út samstund­
is 37 milljarða innlán sín í krónum.
Þannig sagði í skriflegu svari við fyrir­
spurn DV að Íslandsbanki hafi verið
þeirrar skoðunar að „mikilvægt [væri]
að viðhalda sterkri lausafjárstöðu
bankans í gegnum afnám gjaldeyris­
hafta og lagði því til að umræddar
greiðslur væru í formi skuldabréfs.“ n
Hörður Ægisson
hordur@dv.is Í kapphlaupi
við tímann
Ljóst er að
slitastjórn
Glitnis – ásamt
slitastjórnum
hinna föllnu
bankanna – er
nú í kapphlaupi
við tímann eigi
að takast að
ljúka slitum
fyrir árslok með nauðasamningi og
stöðugleikaframlagi og þannig komast
hjá því að þurfa að inna af hendi 39%
stöðugleikaskatt á eignir búsins. Ekki
verður hægt að boða til nýs kröfuhafa­
fundar, þar sem kosið yrði um samþykkt
nauðasamnings, fyrr en endanlegt svar
hefur borist frá Seðlabankanum vegna
undanþágubeiðnar Glitnis.
Fram kemur í kynningu sem var
lögð fyrir kröfuhafafund Glitnis þann
8. september síðastliðinn, og DV hefur
undir höndum, að áætlað sé að slíkur
fundur yrði haldinn átján dögum eftir
að boðað yrði til hans. Samþykki kröfu­
hafar nauðasamning, eins og fastlega
má gera ráð fyrir, verður beiðni um
staðfestingu samningsins send til Hér­
aðsdóms Reykjavíkur nokkrum dögum
síðar. Um er að ræða tugi ólíkra skjala
sem telja yfir 400 blaðsíður í heild.
Íslandsbanki
Vildi gefa út tíu ára
skuldabréf í krónum
sem Glitnir hefði
afhent ríkinu sem
hluta af stöðug­
leikaframlagi
slitabúsins.
Fer yfir
undan-
þágubeiðni
Glitnis
Seðlabankinn
brást fyrst við
beiðni Glitnis
í síðustu viku,
nærri tveimur
mánuðum
eftir að fyrst
var óskað
eftir undan­
þágunni.