Dagblaðið Vísir - DV - 09.10.2015, Síða 12

12 Fréttir Helgarblað 9.–12. október 2015
Funahöfði 1 | 110 Reykjavík | Sími 567 4840 | www.bilo.is | bilo@bilo.is
Þú finnur bílinn á bilo.is Skráðu bílinn á bilo.is
NISSAN QASHQAI SE
06/2011, ekinn 77 Þ.km, bensín,
sjálfskiptur, ný heilsársdekk.
Verð 3.290.000. Raðnr.254190
BMW 520D XDRIVE F10 nýskr.
04/2014, ekinn 28 Þ.km,
diesel, sjálfskiptur. Tilboðsverð
8.990.000 kr. Raðnr.254156
VW JETTA COMFORTLINE DIESEL
03/2006, ekinn 142 Þ.km, 5 gíra.
Aukafelgum með vetrardekkjum.
Verð 1.390.000. Raðnr.253863
HYUNDAI TUCSON 4X4
04/2006, ekinn 165 Þ.km, diesel,
6 gíra. Einn eigandi!
Verð 1.090.000. Raðnr.286459
M.BENZ GL 550 AMG 4MATIC
03/2008, ekinn 43 Þ.km, 383 hö,
bensín, sjálfskiptur, 7 manna.
Verð 8.880.000. Raðnr.253292
Steinunn og Finnur keyptu
5% hlut í spænskum lyfjarisa
n Hlutur hjónanna í Invent Farma metinn á um milljarð n Burðarás seldi 21,7% hlut fyrir 4,1 milljarð
F
járfestingafélag í eigu hjón­
anna Steinunnar Jónsdóttur
og Finns Reyrs Stefáns sonar
keypti 5% hlut í spænska
samheitalyfjafyrirtækinu In­
vent Farma undir lok síðasta árs.
Er hluturinn metinn á um milljarð
króna og er félag þeirra hjónanna
fjórði stærsti hluthafi Invent Farma.
Þetta má lesa út úr nýjasta árs­
reikningi Invent Farma en fyrirtæk­
ið er að langstærstum hluta í eigu
Íslendinga. Kaupin voru gerð í nafni
Arkurs, félags í eigu Steinunnar,
og var það Burðarás eignarhalds­
félag sem seldi hlutinn, samkvæmt
heimildum DV. Burðarás eignaðist
23% hlut í lyfjafyrirtækinu árið 2013
þegar félagið, ásamt Framtakssjóði
Íslands, keypti samtals 61% hlut í
Invent Farma fyrir ríflega tíu millj­
arða króna.
Burðarás var upphaflega stofnað
af Straumi fjárfestingabanka undir
árslok 2012 samhliða áformum um
að koma á fót einum stærsta fram­
takssjóði landsins. Kaupin á Invent
Farma, sem voru að öllu leyti fjár­
mögnuð með brúarláni frá Arion
banka, áttu að vera fyrsta fjárfesting
Burðaráss framtakssjóðs. Þau
reyndust hins vegar jafnframt þau
síðustu þar sem ekki tókst að ganga
frá áskriftum að hlutafé í sjóðinn,
líkt og væntingar höfðu staðið til.
Félagið sat því eftir með tæplega
fjórðungshlut í Invent Farma, fjár­
magnaðan með bankaláni sem bar
um 14% vexti, og þurfti því að leita
að nýjum kaupanda að hlutnum.
Burðarás kom út á sléttu
Það var að lokum framtakssjóðurinn
Horn II sem keypti eignarhlut Burða­
ráss að stærstum hluta, eins og hafði
verið upplýst um í Viðskiptablaði
Morgunblaðsins haustið 2014. Kaup­
in gengu endanlega í gegn í nóvem­
ber á liðnu ári, samkvæmt heimild­
um DV, eftir að Seðlabankinn hafði
veitt tilteknar undanþágur frá höft­
um svo salan á hlut Burðaráss næði
fram að ganga. Horn II á um 79%
hlut hlutafélaginu IF sem heldur
utan um 16,8% eignarhlut í Invent
Farma. Aðrir hluthafar IF hf. eru
hlutabréfasjóðir í rekstri Landsbréfa
og Vátryggingafélag Íslands (VÍS).
Var hlutur IF í Invent Farma keyptur
á 3,18 milljarða króna.
Það tók Burðarás því rúmlega
eitt ár að losa sig við hlutinn í Invent
Farma en félagið átti þó enn 1,3%
hlut í árslok 2014. Sá eignarhlutur
er fjármagnaður með láni frá Arion
banka og Straumi (sem hefur sam­
einast MP banka) sem er á gjald­
daga í þessum mánuði. Fram kemur
í nýbirtum ársreikningi Burðaráss
að 21,7% hluturinn í lyfjafyrirtæk­
inu hafi verið seldur fyrir 4,1 millj­
arð króna og bókfærir félagið hagn­
að upp á 412 milljónir króna vegna
sölunnar. Sé hins vegar tekið tillit til
gríðarlegs vaxtakostnaðar Burðar­
áss vegna lántökunnar við að kaupa
hlutinn haustið 2013 – hann nemur
um 370 milljónum á árunum 2013
og 2014 – þá kemur félagið nánast
út á sléttu við söluna. Móðurfélag
Burðaráss er eignaumsýslufélagið
ALMC sem var eigandi Straums fjár­
festingabanka fram í júlí 2014.
Íslendingar eiga 93% hlut
Í júní á þessu ári sameinaðist Arkur
eignarhaldsfélaginu Snæbóli, sem
var í eigu Finns Reyrs, undir nafn­
inu Snæból. Eru hjónin Steinunn og
Finnur Reyr skráð hvort fyrir sínum
50% hlutnum í Snæbóli sem heldur
núna utan um 5% eignarhlutinn í
Invent Farma. Fjárhagsstaða Snæ­
bóls er gríðarlega sterk en sam­
kvæmt samrunaáætlun nam eigið fé
þess ríflega fimm milljörðum króna
í árslok 2014. Finnur Reyr hefur á
síðustu árum, ásamt Steinunni, sem
er dóttir Jóns Helga í Byko, komið
að ýmsum fjárfestingum í viðskipta­
lífinu. Sumarið 2014 fóru hann og
Tómas Kristjánsson, viðskiptafé­
lagi hans í gegnum fjárfestingafé­
lagið Siglu, meðal annars fyrir hópi
fjárfesta sem keyptu meirihluta í
Straumi. Finnur er í dag varafor­
maður stjórnar sameinaðs félags
Straums og MP banka.
Auk Framtakssjóðs Íslands og
félags í eigu Horn II þá er Friðrik
Steinn Kristjánsson, einn stofnanda
Invent Farma og núverandi stjórn­
arformaður, í hópi þriggja stærstu
hluthafa með ríflega 27% hlut. Á síð­
asta ári minnkaði hlutur hans í fé­
laginu hins vegar um fimm prósent
á sama tíma og tryggingafélagið Sjó­
vá eignaðist 1,7% hlut auk þess sem
Invent Farma keypti eigin bréf fyrir
fjárhæð sem nemur 3,17% hlut. Þá
áttu ýmsir erlendir starfsmenn In­
vent Farma um 7% hlut í félaginu í
árslok 2014. n
Hörður Ægisson
hordur@dv.is
Samheitalyfja-
fyrirtæki Invent
Farma var stofnað
árið 2005 þegar
íslenskir fjárfestar
keyptu lyfjaverk-
smiðjur á Spáni.
Invent Farma er á meðal tíu stærstu
samheitalyfjaframleiðenda á Spáni og var
stofnað þegar hópur íslenskra fjárfesta
keyptu lyfjaverksmiðjur þar í landi árið
2005. Rekstur félagsins hefur gengið vel
og á síðasta ári nam hagnaður þess 8,1
milljón evra, jafnvirði um 1,2 milljarða
íslenskra króna, og jókst um milljón evrur
frá fyrra ári.
EBITDA-hagnaður Invent Farma –
afkoma fyrir fjármagnsliði, afskriftir
og skatta – nam tæplega 21 milljónum
evra og batnaði um 3,4 milljónir evra frá
árinu 2013. Velta fyrirtækisins á síðasta
ári var 83,5 milljónir evra, jafnvirði um 12
milljarða króna, og var EBITDA-framlegð
Invent Farma því um fjórðungur sem
hlutfall af heildartekjum félagsins.
Fram kemur í ársreikningi Invent Farma
að í desember 2014 hafi félagið sagt upp
lánasamningum sínum við Arion banka
að fjárhæð samtals 45 milljóna evra,
jafnvirði 6,5 milljarða króna. Samtímis
gerði félagið samkomulag um sambanka-
lán við spænsku bankana BBVA og Banco
Sabadell. Er sú fjármögnun á umtalsvert
betri kjörum, eða sem nemur 175–200
punkta vaxtaálagi ofan Euribor-milli-
bankavexti borið saman við 425 punkta
vaxtaálag hjá Arion banka.
Á meðal tíu stærstu á Spáni