Dagblaðið Vísir - DV - 16.10.2015, Qupperneq 2

Helgarblað 16.–19. október 20152 Fréttir
Sveppasýkingar
- í húðfellingum -
Fæst í apótekum | Celsus ehf. | www.celsus.is
Einföld og áhrifarík, húðvæn meðferð
Þægilegur grisjuborði, passar í nára, undir brjóst og magafellingar.
Engin krem eða duft.
Sorbact - Græn sáralækning
Klíniskar rannsóknir sýna
bata á sveppasýkingu*
hjá yr 85% þátttakenda
*candida albicans
Fyrir tilstilli vatnsfælni bindast allir helstu sárasýklar og
sveppir við umbúðirnar. Sýklarnir verða óvirkir og hætta
að ölga sér, án sýkla- eða sveppadrepandi efna. Virkar
á VRE og MOSA sárasýkla. Skaðar ekki nýjar frumur.
Ótakmörkuð notkun. Engar aukaverkanir. Ekkert ofnæmi.
Snýst um
hundrað
milljónir króna
Magnús Jónasson, fyrrverandi
skrifstofustjóri AFLs Sparisjóðs
á Siglufirði og fyrrverandi forseti
bæjarstjórnar Fjallabyggðar, er
talinn hafa dregið sér um hundrað
milljónir króna þegar hann starf-
aði hjá sparisjóðnum. Hann var
handtekinn í lok september vegna
málsins. Vísir greindi frá málinu,
en Ólafur Þór Hauksson, sérstak-
ur saksóknari, staðfestir þetta í
samtali við miðilinn. Magnús var
handtekinn, ásamt öðrum manni,
þann 29. september síðastliðinn
eftir húsleit á Siglufirði vegna rann-
sóknar á málinu. Málið komst upp
þegar rannsókn fór fram í öðru
máli. Magnús baðst lausnar á emb-
ætti sínu sem forseti bæjarstjórn-
ar Siglufjarðar fyrir um tveimur
vikum. Hann hafði áður verið í árs
veikindaleyfi frá störfum og hafði
nýlega snúið aftur til starfa.
Engar
hraðasektir
Lögreglumenn hafa sameinast um
að veita ökumönnum ekki hraða-
sektir, nema í fáum tilvikum. Í stað-
inn veita þeir ökumönnum sem
stíga of fast á eldsneytisgjöfina til-
tal. RÚV segist hafa heimildir fyrir
þessu.
Þetta mun vera liður í kjarabar-
áttu lögreglumanna en þeir hafa
ekki verkfallsrétt. RÚV hefur eftir
nafnlausum lögreglumanni að þeir
séu með þessu að svelta ríkissjóð –
sem vilji ekki mæta þeirra kröfum.
Yfirlögregluþjónn á Norðurlandi
vestra staðfestir að mikil breyting
hafi orðið á fjölda hraðasekta að
undanförnu.
Tölur um fjölda hraðasekta
liggja ekki fyrir vegna verkfalla
þeirra sem um þá skráningu halda.
Þess má geta að hraðamyndavélar
standa vaktina sem fyrr.
„Ætlunin er ekki að
finna einhvern sökudólg“
Katrín Jakobsdóttir óskar eftir rannsókn á afskiptum stjórnvalda á tímum „ástandsins
Í
kjölfar frumsýningar á heim-
ildamyndinni „Stúlkurnar á
Kleppjárnsreykjum“ eftir Ölmu
Ómarsdóttur er „ástandið“ svo-
kallaða á hvers manns vörum.
Í myndinni er fjallað um þá sam-
félagslegu vænisýki sem skapaðist
hérlendis á hernámsárunum upp
úr 1940 þegar samneyti hermanna
og íslenskra kvenna fór mjög fyrir
brjóstið á stjórnvöldum.
Katrín Jakobsdóttir, þingmað-
ur Vinstri hreyfingarinnar – græns
framboðs, óskaði eftir því úr ræðu-
stól Alþingis í vikunni að vistheim-
ilanefnd rannsaki aðbúnað og með-
ferð þeirra kvenna sem dvöldu á
Kleppjárnsreykjum en í opinber-
um gögnum er vísað til heimilisins
sem „vinnuhæli fyrir lauslátar stúlk-
ur“. Hún lagði einnig fram skriflega
fyrirspurn til innanríkisráðherra
vegna málsins þar sem þess er ósk-
að að aðkoma ríkisins að málinu
verði einnig rannsökuð.
„Fólk vill að tekið sé á þessu“
„Ég varð svo hrærð yfir þessu máli
við að horfa á þessa mynd og hún
drífur mig af stað. Ég skynja á við-
brögðum annarra í kringum mig
að fólk vill að tekið sé á þessu,“ seg-
ir Katrín. „Þetta mál er að stóru
leyti órannsakað, ekki bara við-
brögð samfélagsins heldur einnig
til hvaða aðgerða stjórnvöld réðust
í gegn konum á öllum aldri, þó að-
allega ungum konum,“ segir Katrín.
Hún bendir á þær fordæmalausu
yfirheyrslur og persónunjósnir
sem áttu sér stað til þess að finna
út hvort konur hefðu samskipti við
hermenn. Meðal annars var sjálf-
ræðisaldur hækkaður úr 16 ára og
upp í 20 ár til þess að unnt væri
að beita barnaverndarlögum til
þess að grípa inn í persónulegt líf
þessara kvenna.
Þær seku sendar á Kleppjárns-
reyki
Í myndinni kemur fram að fyrsti
kvenkynslögreglustjórinn, Jóhanna
Knudsen, skráði niður nöfn yfir 500
kvenna sem grunaðar voru um of
náið samneyti við hernámsliðið.
Aðeins þurfti að berast lítil slúð-
ursaga til yfirvalda eða ábending
um að einhver stúlka hafi sést í
námunda við herskála til þess að
viðkomandi yrði sótt af lögreglu-
mönnum og færð til yfirheyrslu.
Dæmi voru um að stúlkur voru
þvingaðar í læknisskoðun til þess
að kanna hvort meyjarhaftið væri
rofið ef þær neituðu þráfaldlega
sök. Ef stúlkur voru „sekar“ þá voru
stúlkurnar fluttar á Kleppjárnsreyki.
Valdið sársauka hjá mörgum
kynslóðum
„Ætlunin er ekki að finna einhvern
sökudólg til að hengja upp á vegg.
Ég tel það mikilvægt fyrir okkur sem
samfélag að fara yfir það sem aflaga
fer og draga lærdóm af því. Í þessu
tilviki þá skuldum við þessum kon-
um það,“ segir Katrín. Hún segir að
taka verði tillit til þess að þarna sé
samfélag sem er mótað af allt öðr-
um viðhorfum en samfélag sam-
tímans en þjóðin þurfi að gera þetta
mál upp enda hafi þetta mál valdið
miklum sársauka hjá mörgum kyn-
slóðum. Einhverjar af stúlkunum
sem dvöldu á Kleppjárnsreykjum
eru enn á lífi en þrátt fyrir ítrekaðar
óskir leikstjóra myndarinnar, Ölmu
Ómarsdóttur, hefur enn engin stig-
ið fram til þess að segja frá reynslu
sinni enda skömmin líklega orðin
þung byrði eftir alla þessa áratugi. n
Björn Þorfinnsson
bjornth@dv.is
„Ég tel það mikil-
vægt fyrir okkur
sem samfélag að fara
yfir það sem aflaga fer
og draga lærdóm af því.
Í þessu tilviki þá skuldum
við þessum konum það.
Katrín Jakobsdóttir Heimildamyndin „Stúlkurnar á Kleppjárnsreykjum“ hafði mikil áhrif á þingkonuna. Mynd Sigtryggur Ari
K
ristjáni Einarssyni hefur verið
sagt upp sem slökkviliðsstjóra
Árnessýslu, eftir 22 ár í starfi.
Honum er gefið að sök að hafa
hækkað laun sín um 250 þúsund
krónur á mánuði án heimildar. Hann
hafi látið greiða sér og varaslökkvi-
liðsstjóra sérstaklega fyrir bakvaktir
án þess að mega það.
Það var Fagráð brunavarna Árnes-
sýslu sem sagði honum upp störfum
og var Kristjáni gert að skila lyklunum
þegar í stað. „Ég er verulega sleginn
yfir þessu,“ hefur RÚV eftir Kristjáni
en hann telur sig hafa verið að fylgja
fyrirmælum þáverandi yfirmanns
síns, Eyþóri Arnalds, sem var oddviti
bæjarstjórnar Árborgar og stjórnar-
formaður Brunavarna Árnessýslu.
Kristján segir að varaslökkviliðs-
stjóri, sem ráðinn var 2010, hafi neit-
að að vinna bakvaktir án þess að fá
þær greiddar. Hann hafi sagt upp
störfum en fallist á að snúa aftur ef
hann fengi sömu laun og Kristján. Í
kjölfarið hafi verið ákveðið að koma
á greiðslum fyrir bakvaktir en Krist-
ján segist áður hafa staðið þær vakt-
ir kauplaust.
RÚV greinir frá því að slökkviliðs-
menn í Árnessýslu séu mjög uggandi
vegna uppsagnarinnar. n
Slökkviliðsmenn slegnir
Kristjáni vikið úr starfi eftir 22 ára feril