Dagblaðið Vísir - DV - 24.11.2015, Blaðsíða 8

Vikublað 24.–26. nóvember 20158 Fréttir
Þú finnur bílinn á bilo.is Skráðu bílinn á bilo.is
Funahöfði 1 | 110 Reykjavík | Sími 567 4840 | www.bilo.is | bilo@bilo.is
Bláa lónið er metið
á 20 milljarða króna
n Nýtt verðmat gert við hlutafjáraukningu félagsins í vor n Hlutur Gríms metinn á 3,5 milljarða
M
arkaðsvirði Bláa lónsins er
talið vera ríflega tuttugu
milljarðar króna sam­
kvæmt verðmatsgrein­
ingu sem var gerð í
tengslum við hlutafjáraukningu fyrir­
tækisins síðast liðið vor. Það þýðir að
eignarhlutur Gríms Sæmundsen, for­
stjóra og stofnanda Bláa lónsins, í
gegnum félagið Kólfur ehf. – samtals
liðlega 17% hlutur – er metinn á um
3.450 milljónir króna.
Undir lok apríl á þessu ári var
hlutafé Bláa lónsins hækkað um
10% – úr ríflega 800 milljónum í 880
milljónir króna að nafnverði – þegar
hluthafar Keilu ehf. lögðu félaginu
til aukið fjármagn. Fyrir nýju hlutina
var greitt með reiðufé og hlutabréf­
um í Bláa lóninu sem voru tekin inn
á genginu 22,934568. Fram kemur í
skýrslu frá hluthafafundi Keilu hinn
28. apríl síðastliðinn að það sé sama
gengi og notað var við hlutafjáraukn­
ingu Bláa lónsins upp á 10%. Miðað
við það er útistandandi hlutafé Bláa
lónsins því metið á tæplega 20,2 millj­
arða króna.
Í samtali við DV vildi Grímur ekk­
ert tjá sig um markaðsvirði fyrirtækis­
ins og vísaði til trúnaðar um á hvaða
gengi hlutafjáraukningin hefði farið
fram. Fréttablaðið greindi frá hluta­
fjáraukningu Bláa lónsins í síðustu
viku og hafði þar eftir Grími að lykil­
stjórnendur fyrirtækisins hafi staðið
að henni.
Í gögnum sem DV hefur undir
höndum kemur fram að Hvatning
hf., sem er í eigu Kólfs., félags í
meirihlutaeigu Gríms, og framtaks­
sjóðsins Horn II, skráði sig fyrir um
60% af því nýja hlutafé sem Keila lagði
til Bláa lónsins. Hvatning er stærsti
einstaki hluthafi Bláa lónsins og nem­
ur eignarhlutur þess eftir hlutafjár­
aukninguna – beint og óbeint í gegn­
um Keilu – núna um 45%. Þá stóð
félagið Jú ehf. í eigu Úlfars Steindórs­
sonar, forstjóra Toyota á Íslandi og
varamanns í stjórn Bláa lónsins, að
baki um 10% af því nýja hlutafé sem
Keila setti í Bláa lónið í vor. Aðrir hlut­
hafar Keilu, ýmsir stjórnendur Bláa
lónsins, settu hins vegar minna fé í
hlutafjáraukninguna.
Tekjur tvöfaldast frá 2011
Vöxtur Bláa lónsins hefur verið
gríðarlegur á undanförnum árum.
Tekjur fyrirtækisins hafa þannig tvö­
faldast á aðeins þremur árum og
voru tæplega 40 milljónir evra á ár­
inu 2014, jafnvirði um 5,6 millj­
arða króna. Miðað við 20 milljarða
markaðs virði er ljóst að Bláa lónið er
næstverðmætasta fyrirtæki landsins í
ferðaþjónustu – á eftir Icelandair. Til
samanburðar nemur markaðsverð­
mæti Sjóvár, miðað við núverandi
gengi bréfa félagsins í Kauphöllinni,
um 20,8 milljörðum króna.
Á síðasta ári nam hagnaður Bláa
lónsins 11,6 milljónum evra, jafnvirði
um 1.630 milljóna króna, og þá var
EBITDA félagsins – afkoma fyrir fjár­
magnsliði, afskriftir og skatta – ríflega
17 milljónir evra. Miðað við þá verð­
matsgreiningu sem var framkvæmd
af óháðu verðbréfafyrirtæki sam­
hliða hlutafjáraukningu Bláa lónsins
í vor þá er markaðsvirði fyrir tækisins
20,2 milljarðar, eða um 8,4 sinnum
EBITDA­hagnaður félagsins á liðnu
ári. Til samanburðar þá er sambæri­
legur EBITDA­margfaldari tæplega
sex í tilfelli Icelandair.
Á aðalfundi Bláa lónsins í júní­
mánuði – skömmu eftir að hluta­
fé félagsins var aukið um 10% – var
samþykkt að greiða hluthöfum þess
tæplega 1,2 milljarða króna í arð
vegna afkomu fyrirtækisins á árinu
2014. Árið áður var ákveðið að greiða
hluthöfum 930 milljónir króna í arð
og nema arðgreiðslur vegna áranna
2013 og 2014 því ríflega tveimur millj­
örðum króna.
Arður eftir hlutafjáraukningu
Í frétt Fréttablaðsins í liðinni viku
um hlutafjáraukningu Bláa lóns­
ins var haft eftir Grími að tilgangur
hennar hafi verið að draga úr áhættu
félagsins af sex milljarða fram­
kvæmdum sem Bláa lónið stendur
nú í, en meðal annars er unnið að
byggingu fyrsta fimm stjörnu hót­
els landsins sem á að opna vorið
2017. Í samtali við DV segist Grím­
ur aðspurður ekki telja að það skjóti
skökku við að félagið ákveði að greiða
út 1,2 milljarða í arð aðeins ríflega
mánuði eftir að hlutafé þess var aukið
um 10%. Hann bendir á að hlut hafar
félagsins hafi viljað halda sig við þá
arðgreiðslustefnu sem mörkuð hafi
verið. Í árslok 2014 var eiginfjárhlut­
fall Bláa lónsins um 36%.
Hlutafélagið Hvatning er sem fyrr
segir stærsti hluthafi Bláa lónsins.
Framtakssjóðurinn Horn II, sem er í
eigu lífeyrissjóða, fjármálafyrirtækja
og annarra fagfjárfesta, á 49,45% hlut
í félaginu en Kólfur heldur hins vegar
utan um 50,55% hlut í Hvatningu.
Eigendur Kólfs eru Grímur (75%)
og Eðvard Júlíusson (25%). HS Orka
er næststærsti hluthafi Bláa lónsins
en hlutur fyrirtækisins þynntist lítil­
lega út við hlutafjáraukninguna og er
núna liðlega 30%.
Þá er að finna ýmsa einkafjárfesta
í hluthafahópi Bláa lónsins og þannig
er hlutur Hofgarða, fjárfestingafélags
Helga Magnússonar, varaformanns
stjórnar Lífeyrissjóðs verslunar­
manna og stjórnarformanns Bláa
lónsins, núna um 5,27%. Miðað við
20 milljarða markaðsvirði Bláa lóns­
ins þá er verðmæti þess hlutar 1.065
milljónir króna. Eignarhlutur Sigurð­
ar Arngrímssonar, fjárfestis og fyrr­
verandi starfsmanns Morgan Stanley
í London, bæði í eigin nafni og í gegn­
um félagið Saffron Holding, er einnig
metinn á ríflega milljarð króna. Þá
nemur eignarhlutur Ágústu Johnson,
framkvæmdastjóra og eins eigenda
Hreyfingar, í gegnum einkahluta­
félagið Bogmaðurinn um 2,9% eftir
hlutafjáraukninguna og er sá hlutur
metinn í dag á ríflega 580 milljónir
króna. n
Tíu milljónir
króna á dag
Gestir Bláa lónsins borguðu tæpa 3,7
milljarða króna í aðgangseyri í fyrra eða
rúmar tíu milljónir króna á dag. Tekjur af
sölu í lónið jukust um 700 milljónir króna
en gestunum fjölgaði um 119 þúsund eða
18 prósent á síðasta ári. Þessi
tekjuliður fyrirtækisins
hefur meira en tvöfald-
ast á síðustu þremur
árum en veitinga- og
vörusala þess einnig
tekið stór stökk.
Veitingasalan
skilaði um átta milljón-
um evra, jafnvirði 1,2 milljarða króna
miðað við meðalgengi 2014, og jókst
um 1,8 milljónir evra milli ára. Sala á
húðvörum sem Bláa lónið framleiðir,
sem og öðrum vörum fyrirtækisins, nam
rúmum milljarði króna og jókst um 755
þúsund evrur. Ódýrasti aðgöngumiðinn
fyrir fullorðna kostar 5.300 krónur en
Bláa lónið rukkar 6.800 krónur yfir
háannatímann á sumrin. Í júní 2013 var
ákveðið að rukka gesti sem heimsækja
fyrirtækið, án þess að fara í lónið sjálft,
um tíu evrur, tæpar 1.500 krónur.
Hörður Ægisson
hordur@dv.is
Hvatning 39,10% HS Orka 30% Keila 10%
Hofgarðar 5,27% Saffron Holding 4%
Eðvard Júlíusson 5,7%
1.150 milljónir
Helgi Magnússon 5,3%
1.065 milljónir
Sigurður Arngrímsson 5,3%
1.060 milljónir
Ágústa Johnson 2,9%
580 milljónir
Skýring: Grímur Sæmundsen á 75% hlut í félaginu
Kólfi ehf. og Eðvard Júlíusson á 25%. Það félag á aftur
50,55% í Hvatningu og um 6% hlut í Keilu. Helgi Magn-
ússon er eigandi Hofgarða og Ágústa Johnson er eini
hluthafi félagsins Bogmaðurinn ehf. sem á um 2,9%
hlut í Bláa lóninu. Sigurður Arngrímsson er eigandi
Saffron Holding og á jafnframt 1,25% hlut í eigin nafni.
Fimm stærstu hluthafar Bláa lónsins
Grímur Sæmundsen 17,1%
3.450 milljónir