Dagblaðið Vísir - DV - 12.05.2015, Side 14

Vikublað 12.–14. maí 201514 Fréttir Erlent
Sofa í Sex daga og
vakna kynóðir
n Dularfullur svefnsjúkdómur leggst á þorpsbúa í Kasakstan n Þorp hinna fordæmdu
Þ
orpsbúar Kazakh í Kasakstan
hafa upplifað skringilega
svefnröskun sem hefur í för
með sér enn einkennilegri
aukaverkanir. Svefnröskun­
in hefur lagst á gott sem allt þorp­
ið síðustu fjögur ár og hefur það í
för með sér að fólkið sefur í allt að
sex daga samfleytt. Aukaverkanirn­
ar eru stjórnlaus kynhvöt, erfiðleik­
ar varðandi blöðruna og skelfilegar
ofsjónir. Það sem er allra verst – fólk­
ið veit ekkert hvað það er sem veld­
ur þessu en óttast að verið sé að eitra
fyrir því til að koma því úr þorpinu
svo hægt sé að koma af stað vinnslu
í gullnámu.
Þorpið hefur verið kallað þorp
hinna fordæmdu enda þykir svefn­
röskunin og fylgifiskar hennar vera
hrollvekjandi. Þegar blaðaljós­
myndari varði nótt í þorpinu var
henni sagt frá aukaverkununum sem
leggjast bæði á fullorðna og börn.
Óseðjandi kynhvöt
Karlar upplifa gjarnan mikla og óseðj­
andi kynhvöt eftir „svefninn langa“,
sem minnir raunar helst á það að vera
meðvitundarlaus eða vera haldið sof­
andi á sjúkrahúsi. Börn sjá skelfi­
legar ofsýnir, sem hræða þau óstjórn­
lega. Þorpsbúar hafa ekki viljað tjá sig
mikið um vandræði sín, en féllust á
að ræða málið við Veru Salintskaya,
sem fór þangað og vildi sjá hvort hún
myndi smitast eða verða fyrir barðinu
á svefnröskuninni.
Um 160 einstaklingar í þorpinu,
um fjórðungur allra þorpsbúa, hafa
orðið fyrir barðinu á þessum veik­
indum. Fólkið sofnar skyndilega og
án viðvörunar og iðulega þarf að færa
það heim til sín og upp í rúm. Fyrsta
tilfellisins varð vart fyrir fjórum árum.
Fólkið glímir að auki við mikla höfuð­
verki og minnisleysi. Ein konan segir
að það geti að auki verið mjög vand­
ræðalegt þegar karlar ranka við sér.
„Læknar hlæja að þeim og hjúkkur
roðna,“ segir hún.
„Konurnar í þorpinu segja allar
það sama, þegar karlarnir vakna þá
verða þeir að stunda kynlíf. Þessi þrá
eftir kynlífi getur enst í allt að mánuð.
Einn maðurinn kom af sjúkrahúsi og
gat hvorki gengið né borðað, en hann
gat ekki látið konuna sína í friði.“
Mennirnir láta einnig gjarnan
einkennilega þegar þeir eru í svefn­
rofunum. Einn þeirra stökk á fætur og
heilsaði að nasista sið, á meðan ann­
ar gekk um og gaggaði eins og hæna.
Vilja reka þau á brott
Fólkið telur margt að verið sé að
eitra fyrir því til að koma því í burtu
úr þorpinu. Fjölmargir hafa yfirgefið
það og búa nú í öðrum þorpum. Því
eru mörg hús yfirgefin og í eyði, líkt
og í nágrannabænum Krasnogorsk,
en þar var áður framleitt úraníum
fyrir kjarnorkuvopn Sovétríkjanna.
Þar búa nú afar fáir.
Ein útskýring er sú að leki á geisla­
virka lit­ og lyktarlausa gasinu radon
sé valdur að veikindunum. Aðrir
telja að úraníum­framleiðslan úr
Krasnogorsk sé orsökin en sjötugur
karlmaður sem er að undirbúa flutn­
„Læknar
hlæja
að þeim og
hjúkkur roðna
Kvarnir - Brimrás - Pallar ehf | Akralind 8 | 201 Kópavogur
sími 564 6070 | kvarnir@kvarnir.is | www.kvarnir.is | www.pallar.is
Liebherr Módel 20K
24 metra bóma
3 fasa 32 A
Árgerð 1993
3.100.000 krónur án/vsk
Burðageta á enda bómu 850 kg., í 15
metrum 1490 kg. og 2 tonn í 11 metrum.

Benazzato Módel 197S
16 metra bóma
Sérstaklega þægilegur í notkun og auðvelt
er að reisa.
Eins fasa rafmagn 16A. 220 V .
Hentar vel í vinnu við sumarbústaðinn og
önnur minni verk.
Burðageta í 7 metrum er 1000 kg. og í
enda/16 metrum er burðageta 400 kg.
Árgerð 2004-2005
2.900.000 krónur án/vsk.

Benazzato Model 205
26 metra bóma
3 fasa 32 A
Árgerð 2007-2008
5.600.000 krónur án/vsk
Burðageta í 9,80 metrum er 1800 kg, í
14,10 metrum er burðargeta 1200 kg. og
í enda/ 26 metrum er burðargeta 600 kg.
Útvegum einnig
nýja og notaða
krana til sölu
Notaðir
byggingarkranar
tilbúnir til afgreiðslu strax
ÚRVAL
FÆÐUBÓTAREFNA
Glæsibæ & Holtagörðum
Netverslun: www.sportlif.is
Sterkustu
brennslu-
töflur í
Evrópu