Dagblaðið Vísir - DV - 31.07.2015, Page 34

Helgarblað 31. júlí–4. ágúst 201534 Menning
Komdu
til oKKar
...Eða leigðu lyftu og
gErðu við bílinn sjálf/ur
auðbrEkku 25 (DalbrEkku mEgin) - s. 445-5562
Við gerum
Við bílinn
faglegar
Viðgerðir
Elskan, ég minnkaði
ofurhetjuna
M
argar varúðarbjöllur fóru í
gang þegar tilkynnt var að
Ant-Man yrði nýjasta ofur-
hetjumynd Marvel, kannski
ekki síst sökum sögupersónunn-
ar sjálfrar. Mauramaðurinn er svo
ómerkilegur að hann hefur varla
verðskuldað eigin blöð, hvað þá bíó-
mynd. Og það að minnka sig eru tak-
markaðir ofurkraftar, svo takmarkaðir
að strax í öðru Avengers-blaðinu sem
hann kom fram í gat hann stækkað sig
líka og nefndist þá Giant-Man. Helsta
afrek hans er að skapa ofurskúrkinn
Ultron, en Tony Stark stal af honum
glæpnum í síðustu Avengers-mynd.
En Marvel bregst ekki bogalistin
frekar en fyrri daginn. Eftir hina of-
hlöðnu Avengers 2 er nánast gott að
byrja aftur frá grunni og kynna eina
hetju til sögunnar svo andi fyrstu
Iron Man svífur yfir vötnum. Og ofur-
kraftar hans reynast skemmtileg til-
breyting sem bjóða upp á frumlegar og
spennandi hasarsenur með maurum
og leikfangalestum. Vissulega er margt
hér sem minnir á Honey, I Shrunk the
Kids, Sexy Beast eða jafnvel 2001, en þó
er nógu mikill hressileiki yfir þessu öllu
til að úr verði úrvals sumarskemmtun.
Marvel-kvikmyndaheimurinn er nú
orðinn svo stór að hægt er að henda í
aukapersónur og vísanir út og suður án
þess að tapa þræði.
Nýjustu tæknibrellurnar í Holly-
wood snúast þó um að yngja leikara og
tekst vel til. Í T5 sáum við Arnie sem lík-
amsræktarkappa og hér er það Mich-
ael Douglas sem er aftur orðinn eins
og í Romancing the Stone. Kannski
getur Fordarinn aftur orðið Indy eftir
allt saman. En í millitíðinni bíðum við
spennt eftir næstu Marvel-mynd. n
Valur Gunnarsson
valurgunnars@gmail.com
Kvikmyndir
Ant-Man
IMDb 7,9 RottenTomatoes 79% Metacritic 64
Leikstjóri: Peyton Reed
Handrit: Edgar Wright og fleiri
Aðalhlutverk: Paul Rudd, Evangeline Lilly
og Michael Douglas
117 mínútur
Metsölulisti
Eymundsson
22.–28. júlí 2015
Íslenskar bækur
1 Konan í lestinniPaula Hawkins
2 Iceland Small World- lítil Sigurgeir Sigurjónsson
3 Hamingjuvegur Liza Marklund
4 NicelandKristján Ingi Einarsson
5 DavíðsstjörnurKristina Ohlsson
6 Íslenski vegaaltasinnÝmsir
7 Blóð í snjónumJo Nesbø
8 Ljós af hafi M.L.Stedman
9 Einn plús einnJojo Moyes
10 I Was Here Kristján Ingi Einarsson
Falinn skógur í fjörunni
n Hönnun úr rekaviði sýnd í gamalli síldarverksmiðju í Djúpavík á Ströndum
Þ
egar keyrt er í átt að Djúpa-
vík á Ströndum, nánast yfir-
gefnu sjávarþorpi á aust-
urhnakka Vestfjarða, getur
maður ekki annað en tek-
ið eftir hrúgum af rekaviði sem
liggja víðs vegar við strandlengj-
una. Í landi sem er svo skóglaust
að þekktur brandari hvetur þá sem
týnast í skógi að standa upp, hef-
ur þetta timbur gegnt mikilvægu
hlutverki í hönnunarsögu landsins
– hvort sem það hefur verið nýtt í
húsabyggingu, girðingastaura eða
smærri smíðagripi. Lengi vel trúðu
Íslendingar því að trén yxu á hafs-
botni fyrir norðan landið – en nýj-
ustu rannsóknir benda hins vegar
til að trén reki alla leið frá stórfljót-
um Síberíu. Þessi faldi nytjaskóg-
ur í fjörunni er viðfangsefni nýrr-
ar hönnunarsýningar sem fram
fer í gömlu síldarverksmiðjunni í
Djúpavík.
„Rekaviðurinn var áður fyrr
mikil auðlind á þessu svæði og var
kannski okkar eini skógur,“ segir
Dóra Hansen, húsgagna- og innan-
hússarkitekt, sem stendur að sýn-
ingunni Falinn skógur – rekaviður
í hönnun ásamt Elísabetu V. Ingv-
arsdóttur hönnunarfræðingi. Verk-
efnið er unnið í samvinnu við Hótel
Djúpavík sem á síldarverksmiðjuna
og heldur úti sögusýningu þar
ásamt fleiri viðburðum.
Andstæðan við erlenda
fjöldaframleiðslu
„Í minni hönnun hef ég mikið velt
því fyrir mér hvaðan efnið kem-
ur. Mitt markmið hefur verið að
nota „lókal“ efni og vinnslu. Þetta
er andstæðan við erlenda fjölda-
framleiðslu og byggist á umhverfis-
og samfélagsvitund eða sjálfbærni.
Hugmyndin að setja upp sýningu í
síldarverksmiðjunni kviknaði hjá
okkur báðum á svipuðum tíma en
þó hvort í sínu lagi. Okkur langaði
að vinna sýningu inn í þetta rými
og það lá beint við að hafa þemað
rekavið í nútímahönnun. Við vild-
um að sýningin virkaði sem hvatn-
ing fyrir nýtingu á staðbundu hrá-
efni, ekki bara á þessu ákveðna, því
ýmis staðbundin efni má finna víð-
ar og eru eflaust vannýtt auðlind á
fleiri stöðum á Íslandi,“ segir Dóra.
„Við veltum líka fyrir okk-
ur spurningunni hvað sé íslensk
hönnun – og hvað geri hönnun ís-
lenska – er hún úr íslensku efni, er
hún framleidd á Íslandi eða hef-
ur hún einhver ákveðin sérkenni?
Skiptir það máli?
Önnur spurning sem kviknaði
hjá blaðamanni var: hvað er íslenskt
efni? „Já, er rekaviður íslenskur?
Hann náttúrlega rekur bara til okk-
ar. Það gera svo ýmis önnur efni:
plast og annað drasl. Kannski er líka
hægt að nýta annan reka í hönnun,
ekki bara rekavið,“ segir Dóra.
Veit aldrei hvað maður er
með í höndunum
Sýningin dregur fram hvern-
ig „íslenskur“ rekaviður er nýttur í
hönnun í dag, allt frá arkitektúr til
eldhúsáhalda, frá húsgögnum til
leikfanga og skartgripa. Dóra segir
það hafa komið þeim á óvart hversu
mikil áhugaverð notkun á rekaviði
ætti sér stað meðal hönnuða. „Fyrst
vorum við að stefna á að sýna hluti
eftir þrjá til fimm hönnuði, en
þeir enduðu á að vera tuttugu og
sex. Sýnendur eru flestir íslenskir
hönnuðir eða arkitektar en einnig
erlendir hönnuðir og handverksfólk
af svæðinu,“ segir Dóra.
Út frá nýtingarsjónarmiðum og
sjálfbærnihugsjón er ljóst að notk-
un rekaviðarins er gagnleg en er eitt-
hvað við efnið að öðru leyti sem ger-
ir það spennandi fyrir hönnuði að
nýta sér?
„Viðurinn sem slíkur er eins og
hver annar viður. Þetta er yfirleitt
ljós viður sem rekur hingað: fura,
greni eða lerki. Það er mjög lítið
af dökkum harðviði. Það sem mér
persónulega finnst spennandi við
hann er að maður veit aldrei alveg
hvað maður er með í höndunum
og þarf að skoða hvern trjábol fyr-
ir sig. Þannig er maður svolítið nær
náttúrulega upprunanum held-
ur en ef maður færi bara í Byko og
keypti fjalir sem litu allar eins út,“
segir Dóra.
„Við val á sýninguna leituðum
við eftir hlutum sem gætu sýnt
hvað má nálgast efnið á fjölbreyti-
legan hátt og möguleikar á vinnslu
þess margir. Þetta er eflaust eitt af
því sem heillar fólk við hönnun úr
rekaviði – hver hlutur getur verið
einstakur. Í sjálfu sér er líka einstakt
að eiga hlut úr efni sem hefur ferð-
ast á þennan hátt til landsins,“ bæt-
ir hún við.
„En rekaviðurinn hefur líka
þennan eiginleika að vera náttúru-
lega fúavarinn. Á sýningunni eru
til dæmis sýndar myndir af verk-
um fjögurra arkitektastofa, þar
sem arkitektar hafa til dæmis not-
að rekavið í byggingar, bæði sem
máttarvið og sem klæðningu.“
Kristján Guðjónsson
kristjan@dv.is „Rekaviðurinn var áður fyrr mikil auð-
lind á þessu svæði og var
kannski okkar eini skógur.