Dagblaðið Vísir - DV - 14.08.2015, Síða 4

Helgarblað 14.–17. ágúst 20154 Fréttir
Kr
in
gl
an
Kr
in
gl
um
ýr
ar
br
au
t
Miklabraut
Miklabraut
Við
erum
hér!
Tilb
oð
17 10 bitar fyrir 4-5
5 Stórir bitar og 5 minni. Stórt hrásalat og kokteilsósa.
Stór af frönskum og 2l. Pepsi.
Fagna frestun
Fulltrúar Sjálfstæðisflokks í
skipulags- og byggingaráði
Reykjavíkurborgar fagna þeirri
ákvörðun stjórnenda Landsbank-
ans að staldra við og endurskoða
áform um uppbyggingu sextán
þúsund fermetra höfuðstöðva á
Hörpureitnum.
„Austurbakki er lykilsvæði
í þróun miðborgarinnar og því
mikilvægt að hugsa vandlega öll
þau skref sem þar eru stigin,“ seg-
ir í fundargerð frá fundi ráðsins á
miðvikudag. Á fundinum lögðu
fulltrúar flokksins það til að
unnið verði með Landsbankan-
um að því að finna viðunandi
framtíðarstaðsetningu í borginni
fyrir höfuðstöðvar bankans.
Verður af út-
svarstekjum
Aðeins þrír af sjö helstu yfir-
mönnum Reykjanesbæjar eru
með lögheimili í sveitarfélaginu
sem þýðir að fjórir greiða ekki
útsvar til sveitarfélagsins. Þetta
kemur fram á vefnum Local
Suðurnes. Fræðslustjóri bæjarins
býr í Hafnarfirði, hafnarstjóri býr
í Grindavík og sviðsstjóri stjórn-
sýslusviðs í Garði. Ljóst má vera
að Reykjanesbær verður af tölu-
verðum tekjum vegna þessa.
Eiga á hættu að verða
félagslega einangraðir
Hópur pólskra kvenna starfrækir félagsmiðstöð fyrir unga innflytjendur
P
ólskir unglingar sem koma
hingað til lands virðast lenda
á milli í kerfinu sem leiðir til
þess að þeir einangrast auð-
veldlega,“ segir Donata Bu-
kowska, einn meðlima Winda, félags
áhugafólks um pólska og íslenska
menningu, en félagið fékk nýverið
styrk til að efla félagsmiðstöð fyrir
unga innflytjendur, þar á meðal Pól-
verja, og ber heitið Vængur.
Markmið verkefnisins er að þjóna
ungmennum sem tala ekki mikla ís-
lensku og eiga á hættu að verða fé-
lagslega einangraðir. Þau þurfa því
á sjálfstyrkingu að halda en Vængur-
inn mun bjóða upp á afþreyingu og
ráðgjöf á ýmsum tungumálum, með-
al annars við atvinnu- og námsleit.
Mikil þörf á þjónustu fyrir unga
innflytjendur
Donata er grunnskólakennari og
túlkur en með henni starfa Katarzyna
Rabeda grunnskólakennari, Aneta
Włodarczyk þjónustustjóri, Renata
Paciejewska, ritari á Landspítalan-
um og Magdalena Bojczuk mennta-
skólanemi.
Winda þýðir „að lyfta“ á pólsku,
en Donata og fyrrnefndar konur
stofnuðu samtökin þar sem þeim
fannst vanta vettvang fyrir fólk sem
hefur áhuga á pólskri og íslenskri
menningu. Út frá því vaknaði hug-
myndin um Væng en Donata seg-
ir drauminn vera að starfrækja virka
félagsmiðstöð fyrir unglinga sem eru
af erlendu bergi brotnir.
„Við höfum allar orðið varar við
mikla þörf á þjónustu fyrir unga inn-
flytjendur, unglinga, og vildum því
taka málin í okkar hendur. Auðvitað
hefur vel verið hlúð að yngri börn-
um en unglingar sem koma hing-
að til lands frá heimalandi sínu eiga
erfiðara uppdráttar, sérstaklega þar
sem erfitt er fyrir þá að læra nýtt
tungumál.“
Upplifa sig eina í heiminum
„Það vantar aðhlynningu fyrir
útlenda unglinga þegar þeir koma
til landsins, þeir tala ekki íslensku,
sumir tala ekki ensku heldur, og þeir
einangrast því auðveldlega. Þar að
auki eru þeir á afar viðkvæmum aldri
og ofan á allt saman kemur sorgin
sem fylgir flutningunum; krakkar
skilja við fjölskyldur sínar og vini til
að fara á hinn enda heimsins. Þeim
finnst þeir vera einir í heiminum.“
Hún bætir því við að Vængur byrji
með að þjónusta pólska unglinga
enda séu þær allar pólskar, þekki
ágætlega inn á aðstæður ungra Pól-
verja og þeir stærsti hópur innflytj-
enda á Íslandi.
„Hins vegar eru allir velkomnir og
við viljum að Vængur verði á endan-
um fyrir alla unglinga. Ef við fengj-
um til okkar Spánverja sem vildi taka
þátt í verkefninu með okkur yrðum
við mjög ánægðar með það.“
Hún segir mikilvægt að félags-
miðstöðin verði á föstum stað. „Við
viljum gjarnan sjá fastan stað fyr-
ir krakkana þar sem þeir geta bara
mætt og þurfa ekki að aðlagast á
nokkurn hátt. Það er mikilvægt að
þau finni að þeir eru bara eins og all-
ir í kringum þau, finni að við erum
saman í þessu, þau séu ekki ein.“
Frekara fjármagn nauðsynlegt
Nú þegar hefur Vængur staðið fyr-
ir nokkrum viðburðum. „Við erum
búnar að halda spilakvöld og fara
í göngur. Okkur vantaði hins vegar
fjármagn í starfsemina og nú er það
komið að einhverju leyti þannig að
við höldum áfram.“
Til stendur að bjóða innflytjend-
um sem eru að gera skemmtilega
hluti á Íslandi til að koma og kynna
starf sitt. „Tungumálið þarf ekki að
vera forsenda fyrir því að maður geri
margt skemmtilegt, það er mikilvægt
að krakkarnir átti sig á því. „Það er
margt sem við erum að plana en til
að framkvæma þetta allt saman þurf-
um við fjármagn.“
Unglingaveikin setur strik í
reikninginn
Donata segir það persónubund-
ið hvernig erlend börn og unglingar
aðlagist íslensku samfélagi. „Auð-
vitað er erfitt að fullyrða nokkuð um
það hvort börn frekar en unglingar
eigi auðveldara með að komast inn
í íslenskt samfélag. Unglingaveikin
getur hins vegar sett verulegt strik í
reikninginn og þá verða hlutirnir yf-
irleitt erfiðari.“
Hún segir yngri börn líklegri til
að lenda í aðstæðum þar sem tungu-
mál er ekki endilega nauðsynlegt en
þess konar tengslamyndun geti verið
mikilvæg og íslenskan komi í fram-
haldinu.
„Hins vegar veit maður um ung-
linga sem hvorki tala íslensku né
ensku en rokka einfaldlega félags-
lega og verða hrókur alls fagnaðar.“
Íslensk stjórnvöld vinni með
innflytjendum
Aðspurð segir Donata íslensk stjórn-
völd bjóða upp á ýmiss konar þjón-
ustu fyrir innflytjendur en þó vanti
að unnið sé í samstarfi við þá.
„Við vitum hvað það er sem þarf
til. Maður getur rétt ímyndað sér að
það sé flókið fyrir íslensk stjórnvöld
að gera þetta og hitt fyrir ákveðinn
hóp því þá kemur sá næsti og bið-
ur um það sama, enda þarf að gæta
jafnræðis. Auk þess hafa þau nægum
verkefnum að sinna.“
Hún segir aðstandendur Vængs-
ins líta málið öðrum augum. „Við
erum sjálfar innflytjendur og sjáum
að þörfin er þessi. Þá þýðir ekki bara
að bíða heldur gera eitthvað í málun-
um. Við viljum gera þetta á okkar
forsendum og að krakkarnir komi til
okkar þar sem þau þurfa ekki að að-
lagast sérstaklega, íslenskir krakkar
eru auðvitað velkomnir líka – í þetta
skiptið mega þeir koma til okkar, ekki
við til þeirra.“ n
Donata Bukowska Segir mikla þörf á þjónustu fyrir innflytjendur á táningsaldri. Frá vinstri Donata Bukowska og Katarzyna Rabeda.
Upplifa félagslega einangrun Ung-
menni sem tala ekki mikla íslensku og eiga
á hættu að verða félagslega einangraðir
þurfa á sjálfstyrkingu að halda.
MynD SigtryggUr Ari JohAnnSSon
„Tungumál-
ið þarf ekki að
vera forsenda fyrir því
að maður geri margt
skemmtilegt
Birna guðmundsdóttir
birna@dv.is