Dagblaðið Vísir - DV - 14.08.2015, Blaðsíða 36

Helgarblað 14.–17. ágúst 201532 Fólk Viðtal
og horfi út í loftið, spái og spekúlera.
Svo á kvöldin, ef ég á erfitt með að
sofna, þá fer ég ákveðna gönguleið
í hausnum. Við enda leiðarinnar er
laut þar sem er engin truflun. Alltaf
þegar eitthvað angrar mig þá fer ég
þangað í huganum. Ef áhyggjur eru
af stærri toganum geng ég lengra en
enda alltaf á sama stað. Þetta er ekki
eitthvað sem ég las mér til um heldur
kom bara sjálfkrafa.“
Stefndi á ólympíuleikana
Íþróttastjarna er kannski ekki það
fyrsta sem kemur upp í hugann
þegar maður sér Stefán en hann er
nú samt að æfa á fullu fyrir Reykja-
víkurmaraþon Íslandsbanka. „Ég
var fjári efnilegur hlaupari sem
unglingur, var í unglingaúrvali og
hafði það markmið að komast á
ólympíuleikana í Sydney. Hlaup
eru því ekkert nýtt fyrir mig. Ég hef
alltaf haft mikla þörf fyrir að hreyfa
mig og verð mjög órólegur ef ég geri
það ekki. Ég hleyp fyrir Styrktarfélag
gigtveikra barna en þeir höfðu sam-
band við okkur í Dimmu að fyrra
bragði. Þar sem vinir mínir nenntu
þessu ekki ákvað ég að taka þetta
bara að mér. Þetta verður engin
áskorun. Árið 2008 hljóp ég hálft
maraþon með botnlangakast og
því hlýt ég að geta tekið heilt mara-
þon í dag með ekkert botnlangak-
ast. Ég hleyp annan hvern dag frá
tíu km upp í 15 km. Samt hef ég ekki
grennst um eitt kíló. Enda er það
ekkert markmið í sjálfu sér.“
Of gamall til að ofmetnast
Á meðan við spjöllum gefur Stefán
sér tíma til að sitja fyrir með ung-
um aðdáanda. Eftir myndatökuna
viðurkennir hann að svona atvik séu
orðin nokkuð algeng. „Ég hef bara
gaman af þessu enda er ég að bjóða
upp á þetta. Ég væri mjög lélegur ef
ég myndi segja nei. Það þarf kjark til
að koma og spyrja um mynd,“ segir
hann og þvertekur fyrir það að vel-
gengnin stígi honum til höfuðs. „Ég
mun seint ofmetnast. Ég er orðinn
of gamall í það. Enda finnst mér
ekkert merkilegra það sem ég er
að gera en það sem einhverjir aðr-
ir eru að gera. Það var aldrei neinn
draumur hjá mér að verða frægur
en mér finnst skemmtilegt að fá að
tjá mig á þessum vettvangi. Samt
hef ég alveg verið í hljómsveitum
þar sem kannski tveir mæta á tón-
leika en verið alveg jafn glaður. Það
er bara þessi tjáningarþörf sem þarf
útrás. Ég er í rauninni feiminn en
þegar ég stend á sviðinu finnst mér
ekkert neitt mál. Þar ræð ég öllu,
þar meikar allt sens. Og það sama
á við í hinni vinnunni minni. Þar er
ég líka fronturinn og þar verður fólk
að hlusta á mig. Og því fleiri áhorf-
endur því betra. Ég er meðvitaður
um eigin getu og ef ég hugsa til baka
þá held ég að ég hafi öðlast sjálfs-
traust til að þora að taka af skarið
þegar ég var 11 ára. Þá ákvað ég að
ætla að verða Íslandsmeistari tólf
ára. Og varð ekkert hissa þegar það
tókst því ég hafði ákveðið það. Það
sama er með Dimmu. Það var aldrei
neinn efi í mínu hjarta að þessi plata
myndi ganga vel. Ég vissi að hún
myndi ekki floppa. Þetta er ekki að
ofmetnast heldur gott mat á eigin
getu. Ég veit hvað ég get og hvað ég
get ekki og er ekkert að gera það sem
ég get ekki. Eins og að dansa.“
Hann neitar því að bransan-
um fylgi mikið sukk og svínarí. „Við
erum engin unglömb, þannig séð.
Auðvitað er sullað í bjór en krakk-
arnir koma oft með mér í gigg enda
er ekkert þar sem er rætt eða fram-
kvæmt sem þau mega ekki heyra
eða sjá. Við erum ekkert að haga
okkur eins og bjánar. Annars hef ég
sjálfur ekki djammað síðan í júní –
sem er náttúrlega afar órokkaralegt.“
Í þetta skipti þarf Stefán að dvelja í
borginni í fjóra daga. Á meðan
stendur Hilda vaktina heima. „Mín
draumastaða væri ef við gætum
búið heima á sumrin en fyrir sunn-
an á veturna. Það væri best. Annars
reyni ég ekki að hugsa mörg ár fram
í tímann, aðstæður breytast of hratt
til þess. Ef ég ákveð eitthvað eitt gæti
það útilokað möguleikann á öðru og
í þessum bransa gerast hlutirnir svo
hratt. Ef þú ert bundinn í báða enda
er sveigjanleikinn ekki fyrir hendi.
Kannski þarf ég allt í einu að flytja til
Reykjavíkur og þá geri ég það bara.
Þetta er ekkert flókið. Heimilið er
þar sem rassinn er,“ segir hann og
ypptir öxlum þegar hann er spurð-
ur hvort von sé á nýrri plötu frá
Dimmu. „Við höfum bara ekki haft
tíma til að setjast niður og ræða það.
Það eru nokkur spennandi verkefni
í farteskinu sem við þurfum að klára
fyrst og svo sjáum við hvað gerist.“ n
„Þar sem vinir
mínir nenntu
þessu ekki ákvað
ég að taka þetta
bara að mér
Með Hildu Stebbi og Hilda á tónlistarhátíð
árið 2011.
Feðgin Stefán með Júlíu dóttur sína
nýfædda.
Tónlistarmaður Stefán
kann á flest hljóðfæri en hann
ætlaði sér aldrei að verða
söngvari. Mynd SigTryggur Ari
REGAL hunda- og kattafóður
- góð næring fyrir dýrin þín
Smáralind • Kringlunni • Reykjanesbæ • sími 511 2022 • www.dyrabaer.is
Inniheldur EKKI
• Hveiti, soja eða maís
• Aukaefni
• Erfðabreytt matvæli
• Sykur eða mjólkurafurðir