Dagblaðið Vísir - DV - 14.08.2015, Page 44

Helgarblað 14.–17. ágúst 201540 Lífsstíll
Fæst í öllum helstu apótekum og Heilsuhúsinu.www.provision.is
Viteyes AREDS2 er andoxunarvítamín með
sinki, lúteins og zeaxantíns og er ætlað
við aldursbundinni augnbotnahrörnun.
Nú er vítamínið með endurbættri formúlu
sem gerir það enn betra en áður.
Viteyes í nýju umbúðunum er komið í
dreifingu og er fáanlegt á sömu stöðum
og áður, um allt land.
NÝTT OG ENDURBÆTT
AUGNVÍTAMÍN
Í NÝJUM UMBÚÐUM!
Nýjar
umbúðir
Augnheilbrigði
Stelpur rokka
n Verkefni sem styrkir ungar stelpur til tónlistarsköpunar n Sjá mikinn árangur
t
ónlistarverkefnið Stelpur
rokka hefur það að mark­
miði að styrkja ungar stelpur
til tónlistarsköpunar. Stelpur
rokka standa fyrir rokkbúð­
um þar sem þátttakendur geta fengið
kennslu, hvatningu, aðstöðu til tón­
listariðkunar og myndað tengsl við
aðrar stelpur sem hafa áhuga á tónlist.
Auður Viðarsdóttir er einn forsprakki
verkefnisins en hún segir viðtökurnar
hafa verið mjög jákvæðar, eftirspurn­
ina mikla og að rokksmiðjurnar séu
nú þegar farnar að skila dýrmætum
menningarauð út í samfélagið.
Styrkja tónlistarstelpur
„Þetta gengur út á að efla og styrkja
ungar stelpur, transkrakka og kon­
ur í tónlistarsköpun og skapa rými
þar sem þær geta prófað sig áfram í
tónlist og kynnst tónlistarheiminum.
Við erum frjáls félagasamtök og ekki
rekin í hagnaðarskyni heldur fyrst og
fremst af hugsjón sjálfboðaliða.“
Auður segir Stelpur rokka hafa
hingað til einbeitt sér að tveimur
megináherslum í starfi sínu.
„Annars vegar að hvetja ungar
stelpur og konur til þess að láta til
sín taka í tónlistarheiminum og jafna
þeirra hlutfall þar. Og hins vegar
að ýta almennt undir sjálfstraust
ungra stelpna. Það er svo algengt
að þær fari að stíga til baka og hafa
minni trú á sjálfum sér, sérstaklega í
sköpunarvinnu á unglingsárunum.
Margar þeirra eru að glíma við full­
komnunaráráttu og áhyggjur af því
hvað öðrum finnst og þora kannski
ekki að láta vaða. Hjá okkur fá þær
endalausa hvatningu á þessum svið­
um og við erum að sjá árangurinn
bæði hjá stelpunum sjálfum og í tón­
listarsenunni á Íslandi.“
„Við erum að springa út“
Verkefnið byggist á erlendri fyrir­
mynd sem spratt upp í Svíþjóð og
Bandaríkjunum fyrir um 15 árum síð­
an. Í kjölfarið hafa sambærileg verk­
efni blómstrað um allan heim og eru
nú til regnhlífasamtök sem halda
utan um verkefni af þessum toga.
Þangað leitar íslenski hópurinn eftir
fræðslu og leiðsögn til þess að bæta
starfið hérlendis enn frekar.
„Ég myndi segja að við værum
bara að springa út um þessar mund­
ir, bæði styrkja innviðina okkar, efla
fræðslu og sjálfboðaliðastarf sem og
sækja okkur fræðslu erlendis. Við
erum alltaf að skoða möguleika á
að fara á nýja staði og viljum vera
sem aðgengilegastar fyrir allar stelp­
ur, sama hvaða bakgrunn þær eru
með og hvar á landinu þær búa. Eft­
irspurnin er mjög mikil og við höf­
um aldrei lent í vandræðum með að
fylla námskeið. Skráningin í vor fór
mjög hratt af stað og fylltist fljótt á
sumarnámskeiðin okkar. Við bætt­
um þá bara við plássum því við vilj­
um hafa pláss fyrir allar stelpur sem
hafa áhuga. Svo reynum við að vera
sýnilegar yfir vetrartímann en við
erum til að mynda með uppákomu
utan dagskrár á Iceland Airwaves
og í haust verðum við með nýjar
rokksmiðjur fyrir 12–16 ára stelpur
og transkrakka.“
Smiðjurnar eru ýmist einn eða
tveir dagar en í haust verður boðið
upp á tónlistarmyndbandasmiðju,
plötusnúðasmiðju, rappsmiðju og
raftónlistarsmiðju.
Mikill árangur
„Við sjáum ótrúlega mikinn mun á
þátttakendum við upphaf hvers nám­
skeiðs og svo í lokin. Við fáum undan­
tekningarlaust jákvæða endurgjöf og
þær eru ánægðar með kennsluna og
árangurinn sinn. Það hafa hljómsveitir
haldið áfram eftir að þær voru stofnað­
ar hjá okkur og komið fram á nokkrum
stöðum. Ein hjómsveitin sem stofn­
uð var í Rokkbúðum í sumar er búin
að skrá sig til leiks í rokksmiðjurn­
ar í haust og hyggst nú gera tónlist­
armyndband við tónlistina sína. Það
verður ótrúlega spennandi. En það er
þó alls ekki nauðsynlegt að hafa verið í
Rokkbúðum til að koma í smiðjurnar!“
Auður telur Stelpur rokka­verk­
efnið aðeins einn anga af annars stórri
og merkilegri byltingu í tengslum við
að virkja sköpunarkraft kvenna í sam­
félaginu.
„Verkefni sambærileg Stelpum
rokka spretta upp á mörgum svið­
um en þau eiga það öll sameiginlegt
að virkja sköpunarkraft kvenna. Þau
eru valdeflandi, skapa tengsl og gefa
bæði stelpunum persónulega og sam­
félaginu í heild alveg rosalega mikið.
Þær stelpur sem hafa verið hjá okkur
fá hvatningu og jákvæða reynslu sem
eflir þær á svo mörgum sviðum, við
sjáum t.d. hvað þær verða óhrædd­
ar við að bóka gigg og láta bara vaða
ef tækifærin gefast. Þá er markmið­
inu aldeilis náð!“ segir Auður en
hún er í óða önn við að skipuleggja
rokksmiðjurnar sem hefjast í septem­
ber. Frekari upplýsingar má nálgast
á heimasíðunni www.stelpurrokka.
org. n
Kristín Sesselía Einarsdóttir er 15 ára og
hefur nokkrum sinnum tekið þátt í Rokk-
búðum á vegum Stelpur rokka. Hún efast
um að án þessa verkefnis væri hún jafn
mikið í tónlist og raunin er í dag.
Hvers vegna tókst þú þátt
í Rokkbúðunum?
„Af því að ég hafði mjög
mikinn áhuga á tónlist og
langaði að gera eitthvað þar
sem ég gæti kynnst öðrum
stelpum í þessum bransa og
komist út úr mínum hefð-
bundna ramma á þessu sviði.“
Kunnir þú á hljóðfæri áður?
„Ég kunni pínulítið á gítar og svo var ég
búin að æfa á hljómborð í tvö ár.
Í dag er ég mest í því að syngja og spila á
gítar en ég gríp líka í hljómborðið.“
Hvað fannst þér skemmtilegast?
„Hljómsveitaræfingarnar voru
skemmtilegastar því mér finnst svo
gaman að vera með og kynnast öllum
þessum hæfileikaríku stelpum. Svo var
líka rosalega gaman á tónleikunum sem
eru haldnir í lokin.“
Hvað fannst þér erfiðast?
„Mér fannst erfiðast að byrja
að syngja og vera opnari. Ég
var svo feimin og hafði aldrei
sungið fyrir framan neinn
áður. Rokkbúðirnar hjálpuðu
mér mjög mikið með það.“
Hvaða áhrif höfðu Stelpur
rokka á framhald þitt á tónlist-
arsviðinu?
„Þær hvöttu mig áfram og höfðu jákvæð
áhrif á mig persónulega. Svo hefði ég
ekki verið að gera það sem ég er að gera
í dag nema út af þessu verkefni. Núna er
ég á fullu í tónlist og mörgu því tengdu.
Svo get ég ekki beðið eftir að fara aftur í
Rokksmiðjurnar sem hefjast í haust.“
„Rokkbúðirnar hjálpuðu
mér við að opna mig“
Hugsjónakona
Auður Viðarsdóttir vill
styrkja unglingsstelpur
og gefa þeim kjark til að
rokka! Mynd SigtRygguR aRi
Rokkstelpur Þessar flottu stelpur tóku þátt í
Rokkbúðum sumarsins. Þær heita Elínborg, Kristín
Sesselja, Ása og Hrafnhildur Ósk.
Út fyRiR
kassann
Kristín tómasdóttir
skrifar