Fréttatíminn - 22.04.2016, Blaðsíða 8

„Ég vona að það sé frekar
að rofa til í samskiptum við
Rússland en það er ekki við
hæfi að við útgerðarmenn
tjáum okkur frekar um
utanríkismál Íslands,“ segir
Steinar Ingi Matthíasson,
sérfræðingur hjá Samtökum
fyrirtækja í sjávarútvegi.
Nýr utanríkisráðherra er sagður
vera léttir fyrir útgerðarmenn sem
höfðu eldað grátt silfur við Gunnar
Braga Sveinsson utanríkisráðherra
vegna viðskiptabannsins á Rússa.
Í síðustu viku var lokið við ár-
legan tvíhliða samning við Rússa
um Smuguveiðar en viðræður
um hann höfðu áður strandað í
desember.
Lilja Dögg Alfreðsdóttir, nýr
utanríkisráðherra, kom að við-
brögðum við viðskiptabanninu á
fyrri stigum í forsætisráðuneytinu
þar sem hún aðstoðaði fyrirtæki í
bráðaaðgerðum til að koma í veg
fyrir að farmi sem þegar hafði ver-
ið fluttur til Rússlands yrði fargað.
Hún þótti í herbúðum útgerðar-
manna sýna skilning á sjónarmiði
útgerðarinnar. Þá var fullyrt að
Sigurður Ingi Jóhannsson, fyrrver-
andi sjávarútvegsráðherra, hefði
talið flokksbróður sinn í utanríkis-
ráðuneytinu fara full geyst.
„Hún þekkir viðfangsefnið vel
og hefur skilning á stöðunni,“
segir Steinar Ingi og bætir við að
útgerðarmenn vilji að allar ákvarð-
anir séu teknar að vel upplýstu
máli. | þká
Viðskiptabann Útgerðarmenn halda að það sé að rofa til
Hún hefur skilning á stöðunni
Útgerðarmenn binda
vonir við nýjan utan-
ríkisráðherra.
Fótboltaþjálfarinn Guðjón
Þórðarson fann fyrir aldurs-
fordómum á vinnumarkaði
Einn sigursælasti fótboltaþjálfari
landsins, Guðjón Þórðarson, er
kominn í nýtt starf eftir langa at-
vinnuleit. „Ég keyri rútu fyrir Kynn-
isferðir og vinn þar sáttur og glaður
með góðu fólki. Hér er góður húmor
og góður andi,“ segir Guðjón. Hann
hefur spreytt sig í nýju hlutverki
síðan um áramótin og leggur sitt
af mörkum í ferðabransanum. „Ég
hafði verið atvinnulaus lengi og var
boðin vinna sem ég þáði með þökk-
um. Lífið bíður ekki eftir manni,
maður þarf að taka þátt í því eins
og það er.“
Guðjón segist hafa fundið fyr-
ir aldursfordómum á íslenskum
vinnumarkaði og það hafi komið
honum á óvart hve erfiðlega gekk
að fá vinnu. „Ég er greinilega kom-
inn á síðasta söludag svo þetta var
ekki auðvelt. En ég er ýmsu vanur
og það þarf meira til að brjóta mig.“
Guðjón náði einstökum árangri
sem þjálfari knattspyrnuliða, bæði
hér heima og erlendis. Hann segist
ekki sakna boltans og telur harla
ólíklegt að hann snúi sér aftur að
þjálfun. „Ég held ég láti þetta gott
heita. Þetta var fínn tími.“ | þt
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Kynnstu bestu hliðum Alpafjallanna þar sem stórbrotin
náttúra mætir menningu fjögurra landa; Austurríkis, Ítalíu,
Þýskalands og Sviss. Við skoðum m.a. Arnarhreiður Hitlers,
förum í útsýnisferð með frægri jöklalest og siglum á Como
vatni. Fegurð og fjöll í einni ferð!
Verð: 249.900 kr. á mann í tvíbýli.
Mjög mikið innifalið!
Sp
ör
e
hf
.
Fararstjóri: Hólmfríður Bjarnadóttir
6. - 15. ágúst
Fegurð landsins fjalla
Sumar 13
Miðbær Rakarastofa víkur fyrir lundabúð
Rakarinn ræður
ekki við leiguna
Rakarastofan Slippurinn við
Skólavörðustíg sér sig knúna
til að flytja nú á næstu vikum
þar sem leigusamningi er
að ljúka og leiguverð hefur
rokið upp úr öllu veldi. Sam-
kvæmt Ævari Østerby rakara
hefur leiguverð hækkað
um mörg hundruð þúsund
á mánuði og stendur til að
svokölluð lundabúð komi í
stað hárgreiðslustofunnar.
„Leigan er að hækka og við erum að
fara. Ég er ekki viss um nákvæma
tölu en ég hef heyrt 750 þúsund á
mánuði. Við gætum fengið að vera
hérna áfram en getum það ekki fjár-
hagslega. Við erum núna að borga
250 þúsund krónur,“ segir Ævar og
tekur hann undir að staðan sé orðin
þannig að rakarastofur hafi raunar
ekki tök á að vera í miðbænum.
Að vísu fer Slippurinn ekki langt,
flyst á Laugaveginn. „Það er ekki
langt að fara, ennþá í miðbænum,
það er hægt að finna eitt og eitt hús.
Það er hægt að finna einn og einn
„sensible“ leigusala inn á milli,“
segir Ævar. Samkvæmt fasteigna-
skrá er húsnæðið rétt ríflega 111 fer-
metrar. Leiguverð á fermetra er því
um 7000 krónur sé miðað við töl-
una sem Ævar nefnir.
Minjagripaverslunum, eða lunda-
búðum, fer ört fjölgandi í miðbæ
Reykjavíkur, enda mala þær gull
vegna aukningar erlendra ferða-
manna til landsins. Gott dæmi um
það er félagið Bolasmiðjan ehf. sem
rekur heildsölu á minjagripum sem
og þrjár minjagripaverslanir í mið-
bænum. Í ársreikningi félagsins
kemur fram sölutekjur voru 476
milljónir króna í fyrra og hagnaður
um 37 milljónir. | hf
Guðjón keyrir rútu
Guðjón Þórðarson er orðinn bílstjóri hjá Kynnisferðum.
Mynd | Hari
Umhverfismál Fatasóun er mikil á Íslandi
10 kíló á mann af
fötum í ruslið á ári
Áhrifa hinnar hröðu endur-
nýjunar fataskápa lands-
manna gætir í ruslinu.
Halla Harðardóttir
halla@frettatiminn.is
Á síðasta ári fluttu Íslendingar um
3.800 tonn af textílvörum til lands-
ins, samkvæmt tölum frá Hagstofu
Íslands. Innflutningur er þó vænt-
anlega umtalsvert meiri þar sem
töluvert magn berst til landsins í
ferðatöskum landsmanna. Sama ár
skiluðu Íslendingar af sér um 2250
tonnum af textílvöru til endurnotk-
unar og endurvinnslu í gáma Rauða
krossins við SORPU, eða tæpum 7
kg á hvern Íslending. Samkvæmt
rannsóknum SORPU á úrgangi frá
höfuðborgarsvæðinu má ætla að
yfir 2000 tonn af vefnaðarvöru hafi
farið til urðunar árið 2015. Það eru
um 10 kg á hvern íbúa höfuðborg-
arsvæðisins. Fólk virðist því enn
henda mjög stórum hluta fatnaðar
og annarar textílvöru í ruslið.
„Í ljósi þess að fremur einfalt er
að skila bæði heilu og slitnu klæði
í gáma Rauða krossins á grenndar-
stöðvum og á endurvinnslustöðv-
um SORPU er í raun galið hvað
ennþá fer mikið í ruslið. Þessu verð-
um við að breyta og hvert og eitt
okkar gegnir þar hlutverki,“ segir
Gyða Sigríður Björnsdóttir, sér-
fræðingur hjá SORPU. Gyða segir
flesta vera meðvitaða um notagildi
heils fatnaðar en færri geri sér grein
fyrir að nánast öll vefnaðarvara geti
nýst í gegnum Rauða krossinn. „Þá
skiptir engu hvort klæðið er heilt
eða slitið og hægt er að skila allt frá
nærbuxum og sokkum upp í rúm-
föt, handklæði og gardínur. Sá hluti
sem ekki telst hæfur til endurnotk-
unar fer í ýmiskonar endurvinnslu.
Sem dæmi má nefna að hægt er að
endurvinna gallabuxnaefni allt að 5
sinnum. Efnið er þá tætt og þráður
spunninn, nýtt gallabuxnaefni svo
ofið úr þræðinum og það t.d. nýtt
í nýjar gallabuxur. Á sama hátt er
hægt að tæta slitna prjónavöru og
spinna þráð sem svo nýtist í margs
konar prjónavarning.“
Gallabuxur
Framleiðsla á einum gallabux-
um þarfnast tæplega 11.000
lítra af vatni. Uppistaðan í efni
gallabuxnanna er bómull en það
er jafnframt algengasta efnið í
fatnaði. Bómullarplantan er frek
á vatn og efnanotkun í kringum
ræktun hennar er mikil. Sem
dæmi er áburðarnotkun í bóm-
ullarræktun ein sú mesta sem
gerist í landbúnaði og um 12%
allrar notkunar á skordýraeitri í
landbúnaði er vegna bómullar-
ræktar.
TEXTÍLVÖRUR 2015
3800
tonn flutt inn í landið
(opinberlega)
2250
tonn í endurnotkun
og endurvinnslu
2000
tonn í ruslið hjá SORPU
8 | FRÉTTATÍMINN | HELGIN 22.APRÍL–24. APRÍL 2016