Fréttatíminn - 22.04.2016, Blaðsíða 26

26 | FRÉTTATÍMINN | HELGIN 22.APRÍL–24. APRÍL 2016
ÁBYRGÐAR- OG ÞJÓNUSTUAÐILAR:
Optical Studio Smáralind
Optical Studio Keflavík
OPTICAL STUDIO
FRÍHÖFN LEIFSSTÖÐ
E RT U Á L E I Ð T I L Ú T L A N D A ?
KAUPAUKI
Með öllum marg skiptum glerjum**
fylgir annað par FRÍTT með í sama
styrkleika. Tilvalið sem sól -
gleraugu eða varagleraugu.
** Lindberg umgjörð m/ Hoya Progressive glerjum, 1.6 Index.
** Margskipt gler á við Varilux, Multifocal, Progressive og tvískipt gler.
Módel: Hrönn Johannsen
Gleraugu: Lindberg
Verslaðu á hagstæðara verði.
Allt að 50% ódýrari en
sam bærileg vara á meginlandi
Evrópu.*
Vinkonurnar Guðrún Diljá
Agnarsdóttir og Þórdís Dóra
Jakobsdóttir eru í 10. bekk
í Laugalækjaskóla. Guðrún
Diljá æfir á fiðlu og stefnir
á að komast í MR. Hún vill
verða læknir, sálfræðingur
eða fiðluleikari. Dísa stefnir
á að komast í Versló eða MR,
hún vill verða læknir eða
listakona. Þær segja tölur
um aukinn kvíða unglings-
stúlkna ekki koma sér á
óvart. Pressan sé svakaleg.
Koma tölur um aukinn kvíða
stúlkna ykkur á óvart?
Guðrún Diljá: „Nei, ég get ekki
sagt það. Standardar, kröfur og
öll hæfniviðmið hafa hækkað svo
mikið og það hefur mikil áhrif á
það hvernig okkur líður.“
Dísa: „Já, það eru svo rosalega
margir í kringum mig sem eru
með mikinn kvíða eða kvíða sem
blandast við þunglyndi. Kannski
er fólk í dag meðvitaðra um þessi
mál en áður því það er verið að
tala um þau í samfélaginu.“
Hafið þið sjálfar fundið fyrir
kvíða?
Guðrún Diljá: „Já, ég hef fund­
ið fyrir kvíða, sérstaklega þar
sem ég er í miklu fiðlunámi með
skólanum og það er mjög mikið
að gera í 10. bekk. Stundum finnst
manni að það sé ekki nægur tími
til að klára allt.“
Dísa: „Innritunin í framhalds­
skóla og þetta nýja einkunnakerfi
veldur líka kvíða. Við vitum ekkert
hvað þetta þýðir. Nú á allt í einu að
gefa sex mögulega bókstafi í stað
hundrað mögulegra tölustafa. Og
maður veit ekkert hvað þarf að
hafa til að komast inn. Sumir segja
að þú þurfir 9 til að komast inn í
Versló en ég þekki eina stelpu sem
komst ekki inn á 9,1.“
Guðrún Diljá: „Okkur finnst
ruglandi og stressandi að vita
ekki hvað við erum að stefna á
og það hefur verið illa að þessum
breytingum staðið.“
En af hverju skiptir máli í hvaða
skóla þið farið?
Dísa: „Ég veit að það er fárán­
legt því ég veit að hinir skólarnir
eru góðir en það er samt því mið­
ur þannig í samfélaginu að það er
litið upp til þessara skóla. En mig
langar að verða læknir og þá er
MR besti skólinn fyrir mig. Svo er
líka gott félagslíf þar.“
Guðrún Diljá: „Já, sama hér.
Ég veit að lífið væri ekki búið en
ég myndi brotna niður ef ég kæm­
ist ekki í skólann sem mig langar
í. Það er líka svo mikil skömm því
fólk heldur að maður hafi ekki
staðið sig, þó maður sé með 9 í
einkunn. Mér finnst aðalvanda­
málið í kringum okkur vera próf­
kvíði. Það er svo mikil pressa í
skólanum að fá hátt til að komast í
menntaskóla. Þá byrjar smá kvíði
sem eykst bara og eykst.“
Dísa: „Fullorðnir gera sér ekki
grein fyrir því hvað það er kvíða­
valdandi að geta ekki orðið það
sem maður vill verða, að komast
ekki i skólann sem mann langar í.“
Eru stelpur meira að spá í ein-
kunnir en strákar?
Dísa: „Þetta er frekar persónu­
bundið en kynjabundið held ég.“
Guðrún Diljá: „Jú, ég held að
það sé meiri metnaður í stelpum,
mér finnst þær stefna hærra og
taka prófin alvarlegar en strák­
arnir.“
Dísa: „Já, kannski en auðvitað
eru strákar sem taka þessu al­
varlega og stelpur sem gera það
ekki. En jú, það eru örugglega
fleiri stelpur en strákar sem hafa
áhyggjur af einkunnum.“
Hvað með samfélagsmiðlana, er
pressa þar líka?
Guðrún Diljá: „Það er daglegt
brauð hjá unglingsstelpum að
skrolla niður facebook og insta­
gram þar sem við sjáum hvernig
við „eigum“ að vera. Ég byrjaði
13 ára á facebook og var aðallega
að spila leiki en í dag fylgist ég
meira með. Auðvitað ætti ekki að
skipta máli hversu mörg „læk“ þú
færð en það vilja svo margir vera
vinsælir. Ef einhver póstar mynd
sem fær fullt af „lækum“ þá gæti
ég fengið minnimáttarkennd yfir
að fá ekki jafn mörg læk. Út frá
þessu getur þróast félagsfælni
því standardinn hvernig þú átt
að vera verður alltaf hærri og
hærri.“
Dísa: „Þetta snýst auðvitað
mikið um samkeppni, fullt af
fólki er að bera sig saman við
einhverjar óraunhæfar myndir
á samfélagsmiðlum og mamma
hefur áhyggjur af því að ég sé of
upptekin af þessu. En ég veit al­
veg að þetta er ekki alvöru og ég
ber mig miklu frekar saman við
eitthvað í raunveruleikanum. En
það er samt fullt af fólki sem áttar
sig ekki á þessum mun.“ | hh
Pressan er svakaleg
Þórdís Dóra Jakobsdóttir og Guðrún Diljá Agnarsdóttir hafa miklar
áhyggjur af því að komast ekki í réttan skóla. „Ég veit að það er fárán-
legt því ég veit að hinir skólarnir eru góðir en það er samt því miður
þannig í samfélaginu að það er litið upp til þessara skóla.“
Mynd | Rut
ÉG MYNDI
BROTNA NIÐUR
EF ÉG KÆMIST
EKKI Í SKÓLANN
SEM MIG
LANGAR Í.
Guðrún Diljá Agnarsdóttir,
nemandi í Laugalækjarskóla.
FULLORÐNIR
GERA SÉR EKKI
GREIN FYRIR ÞVÍ
HVAÐ ÞAÐ ER
KVÍÐAVALDANDI
AÐ GETA EKKI
ORÐIÐ ÞAÐ SEM
MAÐUR VILL
VERÐA.
Þórdís Þóra Jakobsdóttir,
nemandi í Laugalækjarskóla.