SÍBS blaðið - 01.09.2000, Blaðsíða 8
I
Tvískorinn trillukarl
Viö brugðum
okkur á dögunum
uppá Reykjalund
og hittum þar fyrir
Inga Ragnar
Asmundsson frá
Seyðisfirði, þar
sem hann
sprangaði um
gangana uppi á
lungnadeild
Reykjalundar. Ingi
Ragnar er orðinn sjötíu og þriggja ára og er í
endurhæfingu á Reykjalundi eftir annan stóra
lungnaskurðinn sinn á átta árum.
Ingi Ragnar er fæddur uppi á Héraði en
fluttist ungur til Seyðisíjarðar, þar sem hann
hefur átt heima síðan.
Við tókum hann tali og ræddum við hann um
heilsu hans og aðdragandann að lungna-
skurðinum.
„Hvernig var heilsan þín ádur en þú fórst í
lungnaskuröinn, Ingi Ragnar?"
„Þegar ég fór i fyrri skurðinn árið 1992 var
ég búinn að vera mjög slæmur og var búinn
að vera bæði á Reykjalundi og á
Vífilsstöðum. Þaö höfðu myndast blöðrur
utan á lungunum og var tekin ákvörðun um
að skera mig og nema burtu stærstu
blöðrurnar. En þær mynduöust aftur. Áður
en ég fór í seinni skurðinn nú í vetur var ég
orðinn svo slæmur, að ég var kominn með
súrefni, ég gat varla klætt mig né þvegið. Ég
gat einfaldlega ekkert hreyft mig án þess að
standa á öndinni.“
„Nú veistu það, Ingi Ragnar, aö reykingum er
mest kennt um alla lungnasjúkdóma. Hefur
þú einhvern tímann reykt?“
„Já, já, ég reykti í ein þrjátíu ár. Ég var að
vísu hættur sex árum áður en ég var skorinn
í fyrra skiptið. Ég held nú reyndar að vinnan
í Síldarverksmiðjunni hafí ekki bætt úr skák.
Þar var notað efni við loðnubræðsluna, sem
nefnist formalin. Ég mundi nú líka vilja
kenna því efni um lungnaskemmdirnar. Já, ég
vann i mörg ár í Síldarverksmiðjunni. Ég átti
einnig litla trillu, sem ég réri á, já, það má
segja, að ég hafi verið svona trillukarl."
„Finnur þú mikið fyrir einangrun Jyrir
austan?"
„Ég fínn nú ekki svo sem mikið fyrir því,
enda hef ég alltaf búið einn.“
„Hvernig líkar þér hérna á Reykjalundi?"
„Hér líkar mér vel. Hér er mjög gott að vera.
Læknar, hjúkrunarfólk og annað starfsfólk er
alveg frábært og hugsar afar vel um mann. Er
ég þeim afar þakklátur. Mig mundi einnig
langa til að færa starfsfólki á Vífílsstaða-
spítala mínar bestu þakkir fyrir alla þeirra
hjálp og umönnun."
„Ein spurning að lokum: hvernig tókst svo
þessi síðari aðgerð?“
„Hún tókst alveg frábærlega vel. Ég er eins og
nýr maður og hef yngst um ein tuttugu ár. Ég
er laus við súrefnið og get gengið um allt.“
Við kveðjum þennan aldna heiðursmann,
þökkum honum fyrir spjallið og óskum
honum góðrar heilsu og heimferðar.
JKG
HITAVEITA SUÐURNESJA
BREKKUSTÍG 36 • 260 NJARÐVÍK
SÍMI 422 5200 • TELEFAX 421 4727
ÍSLENSK
ERFÐAGREINING
ÍSLAN DSBAN Kl
Stórhöfða 17
r
V
J
NEYÐARLÍNAN