Fréttatíminn - 20.05.2016, Síða 18

lóaboratoríum lóa hjálmtýsdóttir
Þú þekkir ekki fólk fyrr en þú hefur skipt með því arfi. Þessi orð eru höfð eftir Andra Snæ Magna-
syni og koma upp í hugann þegar
fréttir eru sagðar í reyfarastíl af
fjölskylduauði Júlíusar Vífils Ingv-
arssonar sem var borgarfulltrúi
Sjálfstæðisflokksins í 14 ár, þar til
Panama-skjölin stungu óvænt upp
kollinum.
Borgarfulltrúinn sagði af sér þar
sem hann átti aflandsfélag, en það
er ekki góð pólitík þegar maður
vinnur við að sýsla með fé almenn-
ings.
Kastljós Sjónvarpsins sagði frá því
í fyrrakvöld, sem reyndar hefur
verið kjaftasaga á allra vörum, að
féð í þessu aflandsfélagi væri í raun
sjóður sem systkini hans og öldruð
móðir þeirra með alsheimer hefði
leitað að í áratug.
Sjóðurinn sjálfur byggði auðvit-
að líka á svindli og undanskotum,
þóknunum var stungið undir stól
og féð hvergi gefið upp til skatts.
Það óx og óx eins og baunagrasið
hans Jóa og varð risavaxinn sjóður
í útlandinu, sem teygði klærnar
alla leið til Íslands.

Hinn glaðlegi, söngelski borgar-
fulltrúi, sem dreymdi um að verða
borgarstjóri þurfti ekki bara að
kveðja stjórnmálin, heldur nánast
að láta sig hverfa af yfirborði jarð-
ar. Þjóðin tók andköf af hneyksl-
un. Fórnarlömbin voru fjölskylda
Júlíusar Vífils, höfð að fífli af sínum
eigin bróður, þar sem þau fengu
ekki að seilast í sjóðinn sem bróðir-
inn lá á eins og ormur á gulli.
Þarna kúldrast þetta fólk inni í
sjónvarpsskjánum og skammast
yfir peningum, alveg hreint heilum
helling af peningum.
Og við, sem erum víst þjóðin, horf-
um á þetta úr fjarlægð. Það fylgja
því ævinlega áhyggjur að eiga
svona mikla peninga, við erum víst
blessunarlega laus við það.
Eða hvað?
Áttum við kannski þessa peninga.
Voru þetta skattarnir okkar? Var
það með þessu fé sem við ætluð-
um að leggja vegi, reisa opinberar
byggingar, borga læknunum okk-
ar, kennurunum og stjórnmála-
mönnunum, Júlíusunum Víflunum
okkar, atvinnulausum, gömlum og
veikum.

Þú þekkir ekki fólk fyrr en þú hefur
skipt með því arfi.
Sjálfstæðismenn í borginni hafa
kosið að tjá sig ekki um nýjar
vendingar í máli Júlíusar Vífils.
Hann sé einfaldlega farinn og
framhaldið komi þeim ekki við.
Þeir hafa umvafið sig þögn sem er
þrungin vandlætingu. Hún beinist
í örlitlum mæli að Júlíusi Vífli en þó
mest að þeim sem spyrja.
Sjálfsagt er það klókt því ný og ný
spillingarmál innan flokksklíkunn-
ar hafa yfirskyggt þau sem voru.
Slíkur er máttur fyrirgefningarinn-
ar og gleymskunnar.
Hver mundi eftir Hönnu Birnu,
þegar Illugi var búinn að gera upp
á bak? Bjarni og Borgun, um hvað
var það aftur?
En við þekkjum þetta fólk, við höf-
um skipt með því arfi.
Við eigum með þeim fiskinn í sjón-
um, landið og miðin, fossana og
vötnin, andrúmsloftið og gróður-
inn og allt hitt líka sem hefur verið
byggt upp á Íslandi.
Arðurinn af þessu liggur að hluta
til á reikningum í Panama og víðar.
Og við þurfum því ekki að grenja
yfir gamalli auðugri frú með als-
heimer sem kom ekki höndum
yfir sjóðina sem sonurinn faldi í
Panama.
Við erum hún.
Þóra Kristín Ásgeirsdóttir
ARFURINN
Í PANAMA
Köllunarklettsvegi 1, 104 Reykjavík. Sími: 531 3300. ritstjórn@frettatiminn.is
Útgefandi: Gunnar Smári Egilsson. Ritstjórar: Gunnar Smári Egilsson og Þóra Tómasdóttir.
Fréttastjóri: Þóra Kristín Ásgeirsdóttir. Ritstjórnarfulltrúi: Höskuldur Daði Magnússon. Framkvæmdastjóri og auglýsingastjóri:
Valdimar Birgisson. Fréttatíminn er gefinn út af Morgundegi ehf. og er prentaður í 83.000 eintökum í Landsprenti.

á Tenerife með GamanFerðum!

KATRÍNARTÚNI 12 WOWAIR.IS WOWAIR@WOWAIR.IS
LYON f rá
9.999 kr.*
DUBLIN f rá
7.999 kr.*
NICE
9.999 kr.*
STOKKHÓLMUR f rá
7.999 kr.*
*Verð miðast við flug aðra leið með sköttum ef greitt er með Netgíró.
EDINBORG f rá
9.999 kr.*
VERTU
MEMM!
jún í - sept .
maí - jún í
jú l í - okt .
jún í - des .
jún í - sept .
18 | FRÉTTATÍMINN | FÖSTUDAGUR 20. MAÍ 2016