Fréttatíminn - 01.07.2016, Blaðsíða 28

28 | FRÉTTATÍMINN | Föstudagur 1. júlí 2016
Rapparinn Alvia Islandia
Líður vel í bleiku
og „bubbly“
Alvia Islandia
hefur rappað
frá sextán ára
aldri og gaf út
plötuna Bubb-
legum Bitch á
dögunum.
Mynd | Berglaug
Petra Garðarsdóttir
Rapparinn Alvia Islandia bauð upp á sleikjóa, tyggjó og sætindi í út-gáfupartíi sínu á Prikinu í síðustu viku vegna
útgáfu plötu sinnar, Bubblegum
Bitch. Á Secret Solstice fyllti hún
Fenris-tjaldið og heillaði áhorf-
endur með lögum á borð við Porn
Star og Hoes á meðan hún blés til
þeirra tyggjókúlur.
Alvia er tvítug en hefur þegar
fjögurra ára reynslu í rappinu:
„Þegar ég var sextán ára flutti
mamma til Danmerkur en ég bjó
áfram á Íslandi. Þá ákvað ég gefa
fjölskyldu minni þriggja laga rapp-
disk í jólagjöf. Það var það fyrsta
sem ég tók upp. Eftir það spilaði ég
á rappkonukvöldi og þá fór þetta
að rúlla,“ segir Alvia.
Alvia
býr í Dan-
mörku en
skrapp til
Íslands síð-
ustu vikur
til að spila
á Happy-
-hátíðinni
og Secret sol-
stice.
„Í Dan-
mörku hef
ég frelsi til
að einbeita
mér að því að búa til lög. Ég vann
plötuna með Hemma í Shades of
Reykjavík mikið í gegnum netið,
þar sem hann var á Íslandi. Hann
sendi mér takta og ég honum texta
og við spjölluðum saman. Svo kom
ég til Íslands í febrúar til að taka
upp.“
Lögin á Bubblegum Bitch eru
ólík þeim sem Alvia hefur áður
gert, sem voru „house“-skotin á
meðan nýju plötuna mætti kalla
„slowtrap“:
„Mér finnst þetta sjálfri
skemmtilegasta dót sem ég hef
gert,“ segir Alvia.
Heiti plötunnar segir hún ekki
hafa neina sérstaka skírskotun:
„Mér finnst bara gaman að tyggja
tyggjó og líður vel í bleiku og
„bubbly“,“ segir Alvia, og því ekki
nema viðeigandi að bleika tyggjó-
fyrirtækið Hubba Bubba sé hennar
helsti styrktaraðili.
Textar Alviu eru persónulegir
og fullir af karakter: „Ég hef aldrei
gert persónulegri texta, þetta er
allt „real“. Það hjálpar mér að
rappa um hlutina til að koma mér
á þann stað sem ég vil vera. Ralph
Lauren Polo fjallar til dæmis um
þegar ég
var ung-
lingur og
fer allan
tilfinn-
ingaskal-
ann, frá
ástarsorg
til ham-
ingju. Mjaw
fjallar hins
vegar um nú-
tíðina hvað
það er næs að
vera einhleyp
og komin úr erfiðu sambandi.“
Alvia er á leið til Tókyó í sum-
ar að taka upp myndbönd við
þrjú lög af Bubblegum Bitch, en
næstu tónleikar Alviu á Íslandi
verða á Iceland Airwaves, nema
hún skreppi til Íslands í sumar að
kynna plötuna, sem Alvia segir
vel líklegt. „Bubblegum bitch“ er
komin til að vera. | sgþ
Mjaw
orða bók sígó
bíts og mitt lingó
ow mjaw hvað það er næs að vera single
Ralph Lauren Polo
105 klambratún og öskjuhlíðin
smoking in sins
langaði í mh en komst aldrei inn
ykkar missir ekki minn því ég er win win win
Sofið vært á
Evrópumóts-
þjóðsöngnum
Birna Guðmundsdóttir
birna@frettatiminnis
„Rockall er eyja á milli Íslands og
Bretlands sem enginn ræður yfir.
Þjóðir hafa reynt að eigna sér eyjuna
í gegnum tíðina enda miklar auðlind-
ir í húfi – olía og fiskimið,“ segir Árni
Gunnar, einn þeirra sem stendur fyr-
ir samfélags- og hugmyndahátíðinni
Rockall í Vesturbugt á Granda.
„Á Íslandi erum við að búa til
sendiráð fyrir þennan litla klett
sem er ekki nema 800 fermetrar en
vegna erfiðra aðstæðna býr enginn
þar enn. Við erum með samræðu-
vettvang um hvernig nýtt samfélag
á Rockall myndi líta út,“ segir Árni
Gunnar.
Á Granda hefur risið bygging fyrir
hið forvitnilega samfélag sem hef-
ur að geyma bókasafn, veitingaað-
Forvitnilegt samfélag rís á Granda
Mannlaus klettur í Atlantshafi
Rockall er hugmyndahátíð
á Granda.
stöðu, svið og fleira. Byggingarefnið
er endurnýtt. Til stendur að opna
svæðið fyrir alla í dag með tilheyr-
andi ræðuhöldum, leiksýningu og
dansi þar á eftir. Viðburðir munu
fara reglulega fram á hverjum föstu-
degi í sumar þar sem verða gjörn-
ingar, tónlist og ýmsir fyrirlestrar
um samfélagsmál og hugmyndir.
Árni Gunnar segir að ekki sé
hægt að búa á svæðinu en það
muni mögulega breytast á næstum
mánuðum. Ekki sé stefnt að neinu
takmarki eða markmiði með Roc-
kall. „Við viljum bara prófa að skapa
eitthvað fallegt úr engu.“
Fjölþjóðlegur hópur kemur að
Rockall þar sem grunngildi eru
samvinna og jákvæðni. Allir eru
velkomnir til þátttöku í hinu nýja
samfélagi.
Nú sjá margir
sér leik á
borði að selja
fótboltaóðum
Íslendingum
varning. EM-
-púði Art &
Text með texta
„Ég er kominn heim“ er nýjasta
viðbótin. Nokkrir hafa bent á að
réttara væri ef stæði: „yfir okk-
ur tveim,“ en ekki „fyrir okkur
tveim“ í textanum. Villan hefur
fáa stöðvað í að kaupa púðann
og sofa vært á nýjum þjóðsöng.
Í Joylato-ísbúðinni má finna fjölmargar
myndir af trúarleiðtoganum.
Mynd | Facebooksíða Joylato
Fylgjendur Sri Chinmoy reka fyrirtæki víða
Er veganísbúðin hluti af költi?
Veganistum bæjarins til mikill-
ar gleði opnaði Joylato-ísbúðin
nýlega á horni Njálsgötu og Berg-
þórugötu. Þar má gæða sér á jafnt
rjómaís sem kókosmjólkurís með
ýmsum bragðtegundum. Athygli
nokkurra glöggra gesta hefur
vakið myndir af Sri Chimnoy sem
prýða búðina.
Sri Chinmoy var indverskur
trúarleiðtogi sem kenndi hug-
leiðslu og leiddi trúarhóp allt til
dauðadags árið 2007. Kenningar
Chinmoy voru vinsælar hér á landi
á árunum eftir 2000 og er hópur
Íslendinga sem fer eftir kenning-
um hans. Sri Chinmoy var ekki
óumdeildur. Hann var ásakaður
af fyrri fylgjendum trúarhópsins
og fjölmiðlum um spillingu og að
fylgja ekki eigin trúarreglum um
skírlífi og bann við gæludýrahaldi,
en Chinmoy ku hafa átt safn fram-
andi dýra í kjallara sínum í New
York. Chinmoy var þekktur fyrir
árangur sinn í lyftingum og lyfti
mörgu þekktu fólki, m.a. Nelson
Mandela og þáverandi forsætis-
ráðherra Íslands,
Steingrími Her-
mannssyni. Þó hann
væri í einstöku formi
allt til dauðadags er talið
að í flestum tilfellum hafi Chinmoy
fengið hjálp frá vogarafli, auk þess
sem ólíklegt telst að hann hafi lyft
3500 kílóum, eins og hann hélt
fram.
Fjölmargir Íslendingar sækja
hugleiðslunámskeið hópsins, sem
oft er boðið upp á fólki að kostn-
aðarlausu. | sgþ