Fréttatíminn - 05.08.2016, Blaðsíða 12

12 |
FRÉTTATÍMINN | Föstudagur 5. ágúst 2016
„Ég gef mér yfirleitt tíma í smá
spjall við mennina á netinu áður
en ég ákveð að hitta þá. Ef það er
ekkert sem truflar mig, gef ég upp
heimilisfangið,“ segir hún og bætir
við að meirihluti þeirra karla sem
koma séu bara „venjulegir“ karlar
sem vilja „venjulegt“ kynlíf. „Þeir
elska konurnar sínar og vilja ekki
missa þær en kynlífið er búið. Það
byggist upp ófullnægja og spenna,
þeir fara að missa stjórn á sér og
öskra á börnin sín. Stundum eru
liðin mörg ár síðan þeir stunduðu
kynlíf með konunum sínum. Ég vil
helst hitta gifta menn, þá er þag-
mælskan gagnkvæm.“
Fæstir með hórufantasíur
„Sumar konur eru með ákveðinn
taxta eftir því hvað er gert, en ég
er ekki í því. Margir eru með ein-
hverjar sérþarfir en flestar einfald-
ar, eins og endaþarmsmök. Ég tek
á móti körlunum, í bol sem nær
niður á mið læri en nakin að öðru
leyti. Þeir eru fæstir með einhverjar
hórufantasíur um rosalega háhæl-
aða skó og sexí undirföt. En ef þeir
biðja um það, reyni ég að koma til
móts við þá.
Hún segist ekki hafa lent í of-
beldisfullum mönnum. „Það eru
meira yngri stelpurnar sem lenda
í því. Þær sem eru í neyslu og selja
sig til að fjármagna það. Ég er
með fastakúnna, sömu mennirn-
ir koma aftur og aftur, þeir vilja
oft spjalla og létta þannig á sér. Ég
reyni að vera allt í senn, hóran, sál-
fræðingurinn og vinur þeirra. Og
ég hef ekkert samviskubit, enda
held ég að ég hafi bjargað mörgum
hjónaböndum. Það kemur fyrir að
ég vil ekki hitta menn aftur. En það
er yfirleitt vegna þess að mér hef-
ur fundist þeir óþrifalegir eða frá-
hrindandi.
Enginn veit um vændið
Hún segir að enginn úr fjölskyldu
sinni né vinahópi viti um að hún sé
farin að stunda vændi. „Og ég vil
alls ekki að þau viti það.“
„Þetta er það sem ég geri núna,
ég má það ekki, en ég geri það samt.
Ég er glöð að geta hjálpað börnun-
um mínum en þau yrðu ekki ánægð
með að vita hvaðan peningarnir
koma. Þannig er það bara. Þetta
var eina leiðin sem ég sá að væri
fær, fyrir mig. Það er auðvitað hart
að þurfa að fara þessa leið. En ég
skammast mín ekkert mikið.“
Kona með sögu um hrikalegt lík-
amlegt ofbeldi, fátækt og langvar-
andi kynferðisofbeldi í bernsku
er í raun skólabókadæmi um þá
sem leiðast út í vændi. Blasir ekki
bara við að þú sért fórnarlamb að-
stæðna?
„Nei, ég er ekki fórnarlamb. Ég
neita í raun og veru að vera fórnar-
lamb og láta þvinga mig til að lifa
í þeirri niðurlægingu að þurfa að
neita mér um allt,“ segir hún. Hún
segist heldur ekki hafa verið fé-
lagslega einangruð þótt það sé oft
og tíðum fylgifiskur örorkunnar:
„Nei, ég á marga vini og kunningja
og stóra fjölskyldu, ég var ekkert
einmana en margir öryrkjar ein-
angrast auðvitað félagslega. Það er
ömurlegt að þurfa að selja sig til að
komast af en þetta er bara miklu al-
gengara en fólk heldur. Frá mínum
bæjardyrum séð, þaðan sem ég er
núna, virðist um helmingur þjóðar-
innar vera að gera það sem ekki
þolir dagsins ljós. Fólk er með sér-
stakar Facebook-síður til að skiptast
á læknadópi og kaupa vændi. Karl-
ar úr öllum stéttum eru að kaupa
sér vændi og það eru læknar á háu
kaupi sem skrifa upp á læknadóp-
ið. Ég fer til hárgreiðslukonunnar
í hverfinu og fæ mér klippingu og
borga með peningum svo hún geti
svikið undan skatti. Það eru fæst-
ir í þessu þjóðfélagi alveg sjúklega
heiðarlegir og kerfið er að molna
í sundur. Ég er kannski komin á
jarðsprengjusvæði með því að
tala um þetta. Það er skrítið en ég
upplifi einhvern náungakærleika í
vændinu. Ég leggst ekki bara á bak-
ið og glenni mig. Það eru menn úti
í samfélaginu sem borga peninga
fyrir að nota líkamann minn. Ég
nota peningana til að hjálpa sjálfri
mér og öðrum. Þannig er þetta
bara.“
„Sumar konur eru með
ákveðinn taxta eftir því
hvað er gert, en ég er ekki
í því. Margir eru með
einhverjar sérþarfir en
flestar einfaldar, eins og
endaþarmsmök.“
Hún segist vita um fleiri konur í sömu stöðu sem stundi vændi þar sem þær geti ekki framfleytt sér öðruvísi. Hún segist vita
um konu sem stundi þetta með vitund og vilja mannsins síns. Hún sé öryrki en hann hafi lent í því að missa vinnuna. Þau
þurfi á peningunum að halda og hún sé mjög vinsæl. Mynd | NordicPhotos/GrettyImages
Það séu margar kynlífssíður á Facebook fyrir fólk sem er að leita eftir kynlífs-
samböndum við hitt kynið, til dæmis síðan, Bólfélagar, 24/7 kynlíf. Hún hafi ein-
faldlega búið sér til falskan Facebook-aðgang og sótt um að fá að ganga í hópinn.