Fréttatíminn - 05.08.2016, Blaðsíða 46

Sólrún Lilja Ragnarsdóttir
solrunlilja@amk.is
Okkur langaði til að gera eitthvað skemmtilegt. Eitthvað sem við gæt-um gert saman og haft gaman af lífinu og þá
kom upp hugmyndin um að opna
bar,“ segir Herdís Hrönn Árnadóttir
sem opnaði á dögunum Íslendinga-
barinn Nostalgiu á Tenerife ásamt
manni sínum, Sævari Lúðvíkssyni.
Þegar blaðamann ber að garði sitja
þau úti í portinu fyrir framan bar-
inn, ásamt íslenskum gestum.
„Við vorum búin að koma hingað
þrisvar áður og það er bara eitthvað
við þessa eyju sem er svo heillandi,“
segir hún. Þau fluttu út í mars á
þessu ári þó ákvörðunin hafi í raun
verið tekin í fyrra. En þetta er ferli
sem tekur tíma.
Vantaði stað fyrir Íslendinga
Þau höfðu heyrt Íslendinga á Tener-
ife kvarta yfir því að það vantaði
samastað fyrir Íslendinga á eyjunni
og ákváðu að ganga í málið, þó auð-
vitað væri hugmyndin um
að opna bar í útlöndum
frekar galin. „Ég hafði
sjálf aldrei unnið á
bar, en Sævar vann
aðeins á bar þegar
hann var yngri,
sem var reyndar
löngu fyrir tíma
þessa vinsælu kok-
teila eins og mojito.
En hann kunni alla-
vega á bjórdælurnar,“
segir Herdís og skellir
uppúr. „Svo er ég alveg góð
í að smakka,“ bætir hún kímin við
og dregur fram ferska myntu sem
hún keypti í hverfisbúðinni.
Herdís er nefnilega, á skömmum
tíma, búin að ná góðum tökum á
kokteilagerðinni og þá sérstaklega
mojito, sem Íslendingar eru sólgnir
í. „Bara í gær voru þrír sem sögðu
við mig að þetta væri besti mojito
sem þeir hefðu smakkað,“ segir
hún stolt og býður upp á smakk sem
stendur klárlega undir væntingum.
Ásamt drykkjum stefna þau svo á
að bjóða upp á léttar veitingar
þegar fram í sækir.
Að taka stökkið
Herdís og Sævar voru bæði í góðum
störfum sem þau sögðu upp áður en
þau héldu út til Tenerife. Hún hafði
starfað sem innkaupastjóri hjá Hag-
kaup í 16 ár og hann keyrði ferða-
menn í rútu um landið. „Við hugs-
uðum með okkur að við vildum
ekki horfa til baka þegar við værum
orðin gömul og segja: við hefðum
átt að gera hitt og þetta. Það dreym-
ir svo marga um að gera eitthvað en
þora ekki að taka stökkið. En hvað
er það versta sem getur gerst? Jú,
kannski að þetta gangi ekki eða við
fílum þetta ekki, en þá erum við
bara í sömu sporum og áður, nema
einhverjum krónum fátækari. Fólk
hefur verið að spyrja hvað við ætl-
um að vera lengi og svarið okkar er:
þangað til við hættum að skemmta
okkur,“ segir Herdís og þau brosa
bæði. „Við erum kannski ekki at-
vinnumenn í kokteila- og matargerð
en við höfum gaman af fólki og elsk-
um að hitta fólk.“
Allir velkomnir að spila
Spurð hvernig hafi svo gengið hjá
þeim frá því þau opnuðu, segja þau
fjörið hafa verið mikið. Sérstaklega
seint á kvöldin. „Fólk var meira að
segja byrjað að koma áður en við
opnuðum og margir buðu fram að-
stoð sína, sem var alveg yndislegt,“
segir Herdís. „Við vorum svo með
tvo trúbadora hérna á opnunar-
kvöldinu sem héldu uppi stuðinu,
spiluðu og sungu. Það var alveg
dásamlegt. Og svo þegar þeir voru
hættir þá löbbuðu hér inn tveir sjó-
menn sem vildu endilega fá að spila.
Gítarinn er bara hérna fyrir þá sem
vilja spila á hann,“ segir Sævar. Svo
eru þau mjög opin fyrir því að fólk
bendi þeim á hvað því finnst vanta á
staðinn, svo þau geti bætt úr.
Hægt er að nálgast lengri
útgáfu af viðtalinu
á frettatiminn.is

Ánægð á Tenerife Hildur og Lúðvík ætla sér að vera í barrekstri þangað til þau hætta að
hafa gaman af því.
Langaði að hafa gaman
af lífinu saman
Herdís og Lúðvík sögðu upp störfum sínum á Íslandi og opnuðu
Íslendingabarinn Nostalgíu á Tenerife í júlí. Vilja ekki upplifa það að í
ellinni að horfa til baka með eftirsjá.
Þrátt fyrir að áratugur sé síðan
sjónvarpsþættirnir Friends luku
vegferð sinni vekja þeir enn mikla
lukku, ekki síst meðal ungs fólks
sem jafnvel var ekki fætt þegar
þættirnir hófu göngu sína. Eftir
allan þennan tíma eru enn að
koma fram áður óþekktar stað-
reyndir um þættina. Margir urðu
leiðir þegar Phoebe (Lisa Kudrow)
hryggbraut klaufalega vísinda-
manninn David (Hank Azaria) til
þess að giftast hinum viðkunnan-
lega Mike (Paul Rudd). Azaria var
spurður út í söguþráðinn í
nýlegu viðtali og kom þá í ljós
að upphaflega áttu Phoebe
og David að enda saman
en Rudd var svo heillandi í
hlutverki Mike að höfundar
þáttanna gátu ekki hugsað
sér að skrifa hann út. Azaria
viðurkenndi að þetta hefði
vissulega verið dálítið sárt en
Rudd væri bara of myndar-
legur, það ætti hreinlega ekki
að vera leyfilegt að líta svona
vel út.
Óvænt hjónaband
Phoebe átti ekki að giftast Mike
Óvæntur endir Phoebe og Mike enduðu í hjónabandi en David átti upphaf-
lega að vera sá rétti.
Sharon ætlar að gefa Ozzy sjens
Ozzy Osbourne hefur viðurkennt að vera illa haldinn af
kynlífsfíkn. Sharon, kona hans, fór frá honum í maí á
þessu ári vegna þess að hann hafði átt í ástarsambandi
við hárgreiðslukonuna sína, Michelle Pugh, í 4 ár og
átt fjölda annarra viðhalda. Pugh segir hins vegar að
ástarsambandið hafi verið raunverulegt og þau hafi átt
dásamlegan tíma saman. Enginn hafi veitt henni aðra
eins ást og Ozzy. Hann sér hins vegar að sér og sýnir
mikla iðrun. Sharon ætlar að standa við hlið eiginmannsins í
gegnum þessa erfiðu tíma og hyggst gefa honum annað tækifæri
til þess að reyna að bjarga 33 ára hjónabandi þeirra.
Fyrsta barnið komið í heiminn
Ellie Kemper, sem þekktust er fyrir að leika hina
óborganlegu og einlægu Kimmie Schmidt, eignaðist
sitt fyrsta barn á dögunum með eiginmanni sínum,
Michael Koman. Kemper, sem er 36 ára, viðurkenndi
þegar hún var enn ólétt að hún vissi ekkert hvernig
ætti að hugsa um börn og þyrfti að fara á Youtube til þess
að læra að skipta um bleyjur. Hún ætlar að taka sér dálítið frí til þess
að kynnast barninu og nýja hlutverkinu áður en tökur á þriðju seríunni af
Unbreakable Kimmie Schmidt hefjast.
Vill hanna föt fyrir allar konur
Dascha Polanco úr Orange Is The New Black lætur hátísku-
hönnuði heyra það vegna framkomu þeirra í hennar garð.
Margir af færustu hönnuðunum vestanhafs neita að
starfa með henni þar sem þeir segjast ekki eiga fatnað
nægilega stóran fyrir hana. Polanco er kona í eðlilegri
stærð en fær þó bágt fyrir að vera með þrýstnar línur.
Hún segir að þrátt fyrir að vera í stærð 8 eða 10 þýði
það ekki að hún geti ekki litið nákvæmlega eins vel út
og manneskja í stærð 0. Polancho brennur fyrir tísku og
er sjálf farin af stað við að þróa eigin hönnun sem hún segir
að verði fyrir allar konur, sama hvaða stærðar þær séu.
Lorelei ófrísk?
Aðdáendur Gilmore Girls bíða með öndina í hálsin-
um eftir nýrri seríu um mæðgurnar Rory og Lorelei
en Netflix réðst í framleiðsluna mörgum til ómældrar
ánægju. Á opinberri Instagram síðu þáttanna birtist
mynd sem allra hörðustu áhangendur Gilmore stelpn-
anna vilja túlka þannig að Lorelei eigi von á barni í nýju
seríunni. Á myndinni sést epli en í einum þættinum í eldri
seríum borðar Lorelei epli sem hún sagðist þá aldrei nokkurn
tíma hafa gert nema þegar hún gekk með Rory. Bíða þarf til 25. nóvember
eftir nýju þáttunum en þar til þá er hægt að spá og spekúlera um það hvort
satt reynist með barnalán Lorelei.
…fólk 2 | amk… FÖSTUDAGUR 5. ÁGÚST 2016
„Við erum
kannski ekki
atvinnumenn
í kokteila- og
matargerð en
við
höfum gaman
af
fólki og elskum
að
hitta fólk.“

Fæst í apótekum, Lyfju, Apótekið, Lyf og Heilsu, Apótekarinn, Fjararkaupum,
verslunum Hagkaupa, 10-11 og Iceland Engihjalla. balsam.is
Það hefur aldrei verið
auðveldara
að fá börnin
með sér í lið…
Nauðsynleg vítamín fyrir litla kroppa sem eru
að stækka og þroskast frá degi til dags.
Henta öllum börnum frá 3 ára aldri.
Nú er ekkert mál að
taka inn vítamín því
þau eru lostæti
Bragðgóð,
skemmtileg og
hressandi
gúmmívítamín
fyrir klára
krakka
Glúten
FRÍTT
Soja
FRÍTT
ENGIN
mjólkENG
AR
hnet
ur
ENGIN
egg