Fréttatíminn - 21.10.2016, Blaðsíða 54

Fimleikafjör
fyrir alla
Gryfjan og trampólínið trekkja að.
Unnið í samstarfi við Fylki
Fimleikasalur Fylkis við Norðlingabraut 12 er full-búinn fimleikasalur með kjörinni aðstöðu fyrir
barnaafmæli. „Við leigjum salinn
út eftir kl. 15 um helgar. Hann
kostar 16.000 krónur á klukku-
tímann og algengt er að hann sé
leigður í einn og hálfan eða tvo
tíma,“ segir Guðrún Ósk Jakobs-
dóttir, formaður fimleikadeild-
ar Fylkis. Aðstaða er til þess að
setjast niður og snæða köku
eða aðra veitingar sem komið er
með. „Börnin reyna sum að taka
diskana með sér aftur inn í salinn,
hafa engan tíma til þess að setjast
niður og drekka,“ segir Guðrún og
bendir á að að sjálfsögðu sé það
stranglega bannað að fara með
veitingar í salinn þó að margir
reyna að færa sig upp á skaftið.
Salurinn er, eins og áður sagði,
fullbúinn hvers kyns áhöldum
og tækjum til fimleikaiðkunar
en gryfjan og trampólínið þykir
vanalega aðalfjörið. Hægt er að fá
þjálfara til þess að vera með börn-
unum og kenna þeim grunnatriði
í parkour eða fimleikum eða leyfa
þeim bara að sleppa sér lausum.
Að sögn Guðrúnar eru fim-
leikaafmæli jafn vinsæl meðal
drengja og stúlkna og yfirleitt eru
hóparnir blandaðir. „Skólar eru
orðnir svo opnir og bekkjaskipt-
ingin ekki eins og áður. Fæstir
ráða við að taka við 30-40 krakka
hóp heim svo þetta er tilvalið til
þess að halda stór barnaafmæli
án vandkvæða,“ segir hún og
bætir við að börn komi á öllum
aldri, yngsta afmælið hafi verið
eins árs en unglingar sæki líka í
salinn.
Færst hefur í aukana að gæsa-
eða steggjunarhópar komi í
kennslu í parkour og ná því smá
hreyfingu og hópefli í upphafi
ógleymanlegs dags.
Hvenær var farið
að halda upp á
afmæli?
Á öldum áður vissi fólk yfirleitt ekki hvaða
mánaðardag það var fætt.
Afmæli nýtt fyrirbæri Ekki er langt síðan farið var að halda upp á afmæli barna hér á landi.
Afmælishald meðal almennings
á sér hvorki langa sögu á Íslandi,
né annars staðar í heiminum. Fólk
hér á landi vissi yfirleitt hvaða
dag í hvaða viku sumars eða vetr-
ar, þorra eða góu, þeir voru fædd-
ir en ekki nákvæman mánaðar-
dag. Margir miðuð aldur sinn blátt
áfram við það hvað þeir hefðu
lifað margar jólanætur og ýmsir
könnuðust við þá aldursgreiningu
fram eftir 20. öld þótt hún væri
ekki lengur viðhöfð í reynd.
Í skrásettum gögnum hér á
landi er naumast minnst á afmæli
fyrr en á 18. öld, og er það af-
mæliskvæði til Þrúðar Þorsteins-
dóttur biskupsfrúar á Hólum árið
1709. Þegar kemur fram á 19. öld
sjást nokkur dæmi þess að auð-
ugir menn haldi upp á afmælið
sitt og fái sendar afmæliskveðjur
í ljóðum, og um miðja öldina hefur
siðurinn breiðst nokkuð út meðal
stúdenta.
Seint á 19. öld fór að bera á því
haldið væri upp á afmæli barna og
fram um miðja 20. öld voru afmæl-
isveislur aðallega haldnar fyrir
börn innan fermingar en ekki fyrir
fullorðna nema á stórafmælum og
þá yfirleitt ekki fyrr en þeir urðu
fimmtugir.
Afmælisgjafir haldast hendur
við afmælishald og hafa hvar-
vetna farið mjög eftir samfélags-
stéttum og efnahag. Afmælis-
gjafir til barna á Íslandi virðast
fyrir alvöru koma til sögunnar á
seinasta fjórðungi 19. aldar eins
og margt annað með þeirri kyn-
slóð sem komst á legg eftir að Ís-
lendingar öðluðust verslunarfrelsi
árið 1854.
(Upplýsingar fengnar af
Vísindavefnum)
Það er alveg bráð-nauðsynlegt að bjóða upp á skemmtilega leiki í barnaafmælum, bæði til að hafa ofan fyrir
gestunum og til að afmælið verði
sem líflegast. Gott er að skipu-
leggja nokkra leiki fyrirfram, sér-
staklega ef þeir krefjast einhvers
undirbúnings. Hér eru hugmyndir
að nokkrum gömlum og góðum
leikjum sem krefjast ekki mikil
undirbúnings og flestir hafa gam-
an af.
Stoppdans
Kosturinn við þennan leik er að
hann krefst ekki undirbúnings og
það eina sem til þarf er tónlist sem
hægt er að slökkva og kveikja á eft-
ir þörfum. En leikurinn fer þannig
fram að þátttakendur dansa með
frjálsri aðferð þangað til tónlistin
er stöðvuð. Þá er mikilvægt að
frjósa alveg því sá sem hreyfir sig á
meðan tónlistin er stopp, hann er
úr leik. Sá sem er síðastur á dans-
gólfinu hann stendur uppi sem
sigurvegari.
Setudans
Leikurinn er mjög svipaður stopp-
dansinum, en í þessum leik á að
setjast niður þegar tónlistin er
stöðvuð. Sá sem er síðastur að
setjast, hann er úr leik. Og þannig
gengur það þar til einn þátttakandi
situr eftir á gólfinu.
Pakkaleikur
Krefst smá undirbúnings en ætti
að vera viðráðanlegt fyrir flesta.
Það sem til þarf er lítið dót, sem
er til dæmis hægt að kaupa í Tig-
er eða Söstrene Grene. Töluvert
magn af dagblöðum, kannski
plastpoka og límband. Litla dótinu
er pakkað vel inn í pappírinn og
plastpokana og límbandi vafið
utan um. Það á að þurfa smá átök
við að opna pakkann, en alls ekki
ógerlegt. Þá verður leikurinn bara
leiðinlegur.
Leikurinn fer svo þannig fram
að börnin setjast á gólfið, tónlist
er spiluð og pakkinn látinn ganga
á milli. Þegar tónlistin stoppuð
kemur það í hlut þess sem er með
pakkann í höndunum að rífa eins
mikið utan af honum og hann
getur, þangað til tónlistin byrjar
aftur. Og þannig gengur leikurinn
þar til dótið kemur í ljós. Sá sem
nær dótinu úr pakkanum fær að
eiga það.
Limbó
Gamall og góður leikur sem
mömmur og pabbar og ömmur og
afar þekkja eflaust vel. Það eina
sem til þarf er kústskaft eða ein-
hverskonar langt prik. Svo þarf
tvo til að halda skaftinu stöðugu
á milli sín á meðan þátttakendur í
leiknum reyna að beygja sig undir
það. Skaftið er lækkað eftir hverja
umferð og þeir sem komast ekki
undir eru úr leik.
Flöskustútur
Annar gamall og góður leikur sem
flestir þekkja. Það sem til þarf
er tóm plastflaska. Leikurinn fer
þannig fram að þátttakendur setj-
ast í hring á gólfið og einn byrjar
að snúa flöskunni á sama tíma og
hann segir: „Sá sem flöskustútur
lendir á, á að….“ og bætir við því
sem viðkomandi á að gera. Eins
og til dæmis hoppa á öðrum fæti
fimm sinnum. Sá fær svo að snúa
flöskunni næst.
Stólaleikur
Þessi leikur stendur alltaf fyr-
ir sínu, og það eina sem til þarf
er nóg af stólum. Stólunum er
raðað upp í hring, bak í bak, og
þeir þurfa að vera einum færri en
þátttakendur í leiknum. Tónlist er
spiluð og þegar hún er stoppuð er
mikilvægt að setjast strax niður
á stól. Sá sem ekki nær stól er úr
leik. Og þá þarf að fjarlægja einn
stól til að leikurinn geti haldið
áfram.
Skemmtilegir leikir í afmælið
Hugmyndir að nokkrum ómissandi leikjum sem gleðja afmælisgesti.
…barnaafmæli kynningar 14 | amk… FÖSTUDAGUR 21. OKTÓBER
Aðdráttarafl Gryfjan og trampólínið eru vinsælasta afþreyingin hjá allflestum. Mynd | Rut
Guðrún Ósk Jakobsdóttir „Fæstir ráða
við að taka við 30-40 krakka hópi heim
svo þetta er tilvalið til þess að halda stór-
barnaafmæli án vandkvæða.“ Mynd | Rut