Morgunblaðið - 22.12.2016, Blaðsíða 37

DÆGRADVÖL 37
MORGUNBLAÐIÐ FIMMTUDAGUR 22. DESEMBER 2016
Skútuvogi 1c 104 Reykjavík Sími 550 8500 Fax 550 8510 www.vv.is
ÖFLUGUR VINNUFÉLAGI
Auðveldaðu þér vinnuna með góðum græjum
Hleðsluborvél
EY 74A2 PN2G32
Patróna: 13 mm
Rafhlaða: 18V, 2 x 3,0 Ah
Li-Ion KOLALAUS
1,8 kg
ToughTool IP
Verð:
43.400 kr.
Stjörnuspá
21. mars - 19. apríl 
Hrútur Það er ekki bara sanngjarnt að þú
leitir réttar þíns heldur er það lífsspursmál
fyrir þig. Ráðgáturnar sem blasa við þér í
dag eru einmitt þeirrar gerðar sem þú leysir
með hraði.
20. apríl - 20. maí 
Naut Þú hugsar mikið um tilgang lífsins
þessa dagana. Notaðu sköpunargáfu þína til
að fegra umhverfi þitt.
21. maí - 20. júní 
Tvíburar Rafmagnsleysi, tölvubilanir og
önnur skakkaföll tengd tækjabúnaði verða
líklega í vinnunni í dag. En ekkert liggur á.
Haltu því ótrauður áfram.
21. júní - 22. júlí 
Krabbi Fegurðin er allt í kringum okkur.
Mundu að hver er sinnar gæfu smiður og
allir þurfa að leggja sig fram. Slíkur er mátt-
ur hins jákvæða hugarfars.
23. júlí - 22. ágúst 
Ljón Nú er úr vöndu að ráða svo þú skalt
ekki skrifa undir neitt fyrr en þú hefur kynnt
þér alla málavöxtu. Hristu af þér slenið.
23. ágúst - 22. sept. 
Meyja Annríkið er sannarlega mikið. Trú-
festa þín gagnvart vinunum er aðdáun-
arverð. Eina stjórnunin sem vit er í er sú
sem aldrei þarf að beita valdi.
23. sept. - 22. okt. 
Vog Nú stefnir í að þú hittir fyrir þá sem
eru sama sinnis og þú og reiðubúnir að
vinna málstað ykkar brautargengi. Forðastu
samt togstreitu við vandamenn og ná-
granna.
23. okt. - 21. nóv.
Sporðdreki Ágreiningur kemur upp milli
ástvina. Reyndu að líta þetta jákvæðum
augum. Láttu allar skoðanir í ljós, þannig
getur þú verið viss um að móðga alla.
22. nóv. - 21. des.

Bogmaður Atburðir dagsins laða nýjan þátt
persónuleika þíns fram í dagsljósið. Ekki
koma upp um viðkomandi manneskju.
22. des. - 19. janúar 
Steingeit Það er nauðsynlegt að huga að
hverju smáatriði ef heildarútkoman á að
vera rétt. Aðstæður sem virðast fjarstæðu-
kenndar og gagnslausar eru í raun lykillinn
að tilganginum.
20. jan. - 18. febr. 
Vatnsberi Sú vinna sem þú hefur lagt á þig
að undanförnu mun bera árangur innan
skamms. Hækkaðu tónlistina í kvöld og
áhyggjur dagsins bráðna.
19. feb. - 20. mars

Fiskar Þér er verður afar lagið að vinna að
rannsóknum á næstu vikum. Haltu þig við
það sem þú veist og hugsaðu frekar meira
um sjálfan þig.
Síðasta sólarhring var stystursólargangur og „sólin stóð
kyrr“ að sagt er. Ingólfur Ómar
orti:
Senn mun húmið flýja frá,
fer að birta af vetri.
Sólin hækkar himni á,
hlýnar sálartetri.
„Guðsleitin“ varð mörgum að
yrkisefni á Leir. Ármann Þor-
grímsson byrjaði:
Að mér nokkur ótti læðist,
ekki svar við þessu finn
ef ég seinna endurfæðist
yrði ég hæna næsta sinn?
Björn Ingólfsson svaraði: „Neyt-
endur geta farið að hlakka til“:
Stunda muntu á mjóum leggjum
maðkatínslupælingar
og verpa bestu brúnum eggjum
til bökunar og spælingar.
Og Ármann um hæl: „Þetta er
kannski bara tilhlökkunarefni“:
Framtíðar draumum ég fagna, minn
vin,
fáir kostir, en sýnast mjög góðir.
Viltu hafa þau hörð eða lin
eða hrærð ? Þú mátt fá að velja, bróðir.
Björn aftur:
Áður en tilboð þigg ég þín
það er rétt að bíða og sjá.
Kannski verð ég sjálfur svín
sem að étur eggin hrá.
Að verði ennþá verra tjón
og viðbjóðslegra uggir mig.
Vera kann ég verði ljón
og vilji frekar éta þig.
Jón Arnljótsson lét sig málið
varða:
Einu sinni át ég mann
einn með sultu og rjóma.
Orðinn vaffla var þá hann,
víst með heiðri og sóma.
Gústi Mar átti síðasta orðið:
Lítillæti er ljúfur vani,
lítið Ármann stærir sig.
Ég tel þú verðir heldur hani
með hænur allt í kringum þig.
Þannig metur Ármann stöðuna:
Upp frá dauðum ef ég rís
er mér náðin hvergi vís
Fagna því með frændum kýs
frekar en einn í Paradís.
Ingólfur Ómar hefur orð á því, að
jólasnjórinn sé kominn og nokkuð
kalt, enda frost og á eftir að snjóa
meira:
Freðin gljáir fósturjörð,
frostið bítur vanga.
Hjarn og klaki hylja skörð,
hlíð og fjalladranga.
Halldór Blöndal
halldorblondal@simnet.is
Vísnahorn
Guðsleitin á vetrarsólhvörfum
Í klípu
GÆTI ÉG NOKKUÐ FENGIÐ
ÆFINGAHJÓL HÉRNA? ÉG VIL
EKKI VERÐA EINS OG ÞÚ.
eftir Mike Baldwin eftir Jim Unger
„GETUM VIÐ NOTAÐ ÞETTA
FYRIR NESTISBORÐ?“
Hermann
Ferdinand
Hrólfur hræðilegi
Grettir
... að taka upp brotin
og byrja upp á nýtt.
SJÁÐU GRETTIR, SJÁLFVIRKUR
BANANASKERI! HELDURÐU AÐ LÍSA
MYNDI VILJA HANN Í JÓLAGJÖF?
AF HVERJU
HORFIR ÞÚ
SVONA Á MIG?
VILTU
FREKAR AÐ ÉG
RANGHVOLFI
AUGUNUM?
HRÓLFUR, MANSTU ÞEGAR
BÁTURINN OKKAR SÖKK OG
ÞÚ SAGÐI MÉR AÐ BJARGA
MINNI VERÐMÆTUSTU EIGN?
HVERJU
BJARGAÐIR
ÞÚ?
JÁ…
STEIKARPÖNN-
UNNI MINNI, ÚR
GEGNHEILU JÁRNI
Víkverji fékk sér á dögunum nýjanbíl. Svo sem ekki í frásögur fær-
andi, nema hvað þetta var í fyrsta
sinn á ævinni sem Víkverji keypti
sinn eigin bíl í staðinn fyrir að fá ein-
hvern „skrjóð“ í arf. Víkverji vildi
því vanda til verka og endaði á að
kaupa tiltölulega ungan og tiltölu-
lega lítið keyrðan Suzuki Swift.
x x x
Raunar má segja að það sé við-skiptabanki Víkverja sem hafi
keypt bílinn, og leyfi honum svo að
nota hann næstu fimm árin. Að þeim
tíma liðnum fær Víkverji bílinn í
nokkurs konar „arf“ frá bankanum.
x x x
Í því samhengi má nefna að fyrri bíllVíkverja fékk heitið Græna þrum-
an, þar sem sífelld vandamál með
púströr og vél bílsins gáfu honum
hina fínustu „viskírödd“ til þess að
hrella nágranna Víkverja með á
morgnana. Nýi bíllinn þjáist ekki af
neinum slíkum kvilla enn. Hefur
Víkverji því gefið honum heitið
Silfureldingin. Þó fylgir oftast sög-
unni að þegar Víkverji verði búinn
að borga fyrir bílinn muni hann
heita Silfurþruman.
x x x
Víkverji er enginn snjódýrkandi,og var satt að segja feginn því
að jólin virtust ætla að verða rauð í
ár, og fátt finnst honum leiðinlegra
en að skafa rúður. Víkverji finnur
hins vegar þegar fyrir einum mun á
öllu skafinu, nefnilega þann að hann
þarf ekki að skafa rúðurnar að inn-
an, eins og á Grænu þrumunni.
x x x
Á sínum tíma fannst sú „lausn“ árakavandamálum Þrumunnar
að setja sokka fulla af kattasandi hér
og þar í bílinn. Þegar Frú Víkverji
brá sér í gæludýrabúð til þess að út-
vega meiri sand hélt ábúðarfull sölu-
kona mikla tölu fyrir frúnni um að
hún ætti nú virkilega að íhuga að
kaupa dýrari gerð af sandi, þar sem
kettinum þætti hann þægilegri og
betri. Þurfti frúin að viðurkenna að
sandurinn væri nú ekki fyrir neinn
kött, heldur bíl, og urðu viðskiptin
víst heldur vandræðaleg í kjölfarið.
vikverji@mbl.is
Víkverji
Finnið og sjáið að Drottinn er góður,
sæll er sá maður sem leitar hælis hjá
honum.
(Sálm. 34:9)