Tímarit Hjúkrunarfélags Íslands - 01.12.1975, Page 16

ið að' sér meiri sáraskiptingar. Það
er ekki óalgengt að aldrað fólk er
látið koma daglega til skiptinga á
spítalana eftir útskrift, jafnvel í all-
langan tíma. Það þarf oft að taka
sér leigubíla fram og til baka og
astti öllum að vera ljóst, að það er
of kostnaðarsamt fyrir gamalt fólk,
sem hefur e. t. v. ekki önnur fjárráð
en ellilífeyri.
Heimilishjálp byrjaði fyrst á veg-
um Reykjavíkurborgar árið 1949, að
tilhlutan Ljósmæðrafélags Rieykja-
víkur. Þessi heimilisaðstoð var til að
byrja með einkum ætluð sængurkon-
um og vegna veikindaforfalla hús-
mæðra.
Heimilishjálpin hefur frá upphafi
veitt mörgum heimilum góða aðstoð,
en um bana má segja það sama og
um heimahjúkrunina, að hún hefur
ekki fylgt kröfum tímans.
í febrúar 1970 tók Félagsmála-
stofnun Reykjavíkur við allri heim-
ilisaðstoð og annast sérstök deild
innan stofnunarinnar aðstoðina und-
ir yfirstjórn félagsmálastjóra og fé-
lagsmálaráðs.
Deildin greinist í tvær undirdeild-
ir:
1. Heimilishjálpina í Reykjavík, sem
annast heimilishj álp í viðlögum
vegna veikinda eða forfalla hús-
móður um stundarsakir.
2. Heimilisþj ónustu Félagsmála-
slofnunar Reykjavíkurborgar, sem
annast heimilishj álp til aldraðra.
Samkvæmt ársskýrslu Félagsmála-
stoínunarinnar fyrir árið 1973 störf-
uðu hjá heimilishjálpinni að meðal-
tali 15 stúlkur á mánaðarlaunum og
14 í tímavinnu. Hjá heimilisþjónust-
unni störfuðu að meðaltali 26 stúlk-
ur á mánaðarlaunum og 41 í tíma-
vinnu. Heimilisaðstoð var alls veitt
509 heimilum í samtals 92.885 klst.
Eftirgjöf á gjaldi var alls veitt
245 heimilum í samtals 56.321 klst.
Þessi þjónusta hefur verið aukin all-
verulega á undanförnum árum, en er
samt engan veginn fullnægjandi.
Hvað varðar framtíðarskipulag
heimahjúkrunar og heimilishj álpar í
Reykjavík verður aðeins drepið hér
á nokkur atriði til íhugunar. Þessi
þjónusta er nú starfrækt hvor í sínu
lagi, heimahjúkrunin er rekin af
Heilsuverndarstöð Reykjavíkur og
heimilishjálpin af Félagsmálastofn-
uninni. Mjög oft þarfnast sama heim-
ilið aðstoðar frá báðum aðilum.
Eins og tilhögun er nú háttað fer
deildarhjúkrunarkona heimahjúkr-
unarinnar á heimilið og metur
hjúkrunarþörfina og svo er farið frá
heimilishjálpinni og metin þörfin
fyrir heimilishjálp. Þetta eru mjög
óhagkvæm vinnubrögð og gæti
hj úkrunarkona auðveldlega metið
þarfir heimilisins í heild.
Það ætti að stefna að því að sam-
eina þessa þjónustu undir eina yfir-
stjórn og einnig þarf að auka og
bæta báða þætti hennar. Æskilegt
væri að koma sem fyrst á vaktaþjón-
ustu í heimahjúkruninni a. m. k.
kvöldvakt. Veita þyrfti sjúklingum í
heimahúsum sjúkraþjálfun, iðju-
þjálfun og fótsnyrtingu. Athuga þarf
hvernig best verður hagað útvegun
og útlánum á hjúkrunargögnum og
hjálpartækjum. Sú þjónusta er nú á
vegum Rauða kross Islands og
Sjálfsbjargar. Samstarf þarf að bæta
milli allra þátta heilbrigðis- og fé-
lagsmálaþj ónustu.
I Hafnarfirði er verið að byggja
upp heimahjúkrun og heimilishjálp á
samvinnugrundvelli, sem virðist vera
til fyrirmyndar, og væri æskilegt að
hafa það fyrirkomulag til hliðsjónar
við endurskipulagningu heimahjúkr-
unarinnar hér í Reykjavík.
Markmið heimahjúkrunar og
heimilishjálpar er að gera öldruðu
fólki og sjúklingum kleift að dvelja
á heimilum sínum svo lengi sem það
er talið fært frá læknisfræðilegu og
félagsfræðilegu sjónarmiði.
Vel skipulögð heimahjúkrun og
heimilishj álp dregur úr álagi á
sjúkrahús og dvalarheimili, en get-
ur að sjálfsögðu ekki komið í stað-
inn fyrir þessar stofnanir.
Mannúðarsjónarmið liggur til
grundvallar allri heilbrigðisþjón-
ustu og velferð einstaklingsins verð-
ur ávallt að sitja í fyrirrúmi.
Þess vegna þarf að meta það
hverju sinni hvernig velferð einstak-
lingsins verði best tryggð á sem hag-
kvæmastan hátt fyrir þjóðfélagið.
114 TÍMARIT HJÚKRUNARFÉLAGS ÍSLANDS