Ráðunautafundur - 11.02.1978, Síða 43

35
Risastökkin í landbúnaði frá því að síðustu öld má rekja
til rannsókna á öllum sviðum vísinda og tækni.
An þeirra framfara sem orðið hafa vegna árangurs rannsókna-
starfa þyrfti ekki að marka landbúnaðarstefnu - hún væri óbreytt:
að framleiða sem mest. Það mætti því snúa dæminu við og segja að
vandamál landbúnaðarins í dag séu afleiðing tæknivæðingar og
árangur af rannsóknastarfseminni því að vandamálin eru tíma-
bundin offramleiðsla. Þjóðverjar eiga góðan málshátt sem þeir
nota við þá, sem við slík vandamál etja: "Ich möchte deine
Sorgen haben" sem útleggst "ég vildi eiga vandamál þín." og gætu
mörg þróunarlöndin tekið undir þau orð þar sem talið er að yfir
500 milljónir manna líði af næringarskorti.
Því var haldið fram á ráðunautafundinum í fyrra að helsta
vandamál landbúnaðarrannsókna á Islandi væri skortur á stefnu-
mótun í landbúnaðinum. Þetta þótti mér nokkuð sterkt til orða
tekið, enda held ég að rannsóknamálin þjáist meir af öðrum
skorti.
Við skulum líta á hvaða áhrif almenn stefnumótun í land-
búnaði hefur á almenn markmið landbúnaðarrannsókna.
Skilgreina má almenn markmið með landbúnaðarrannsóknum
þannig:
1. Lækkun framleiðslukostnaðar með aukinni framleiðni.
2. Leit að nýjum leiðum og aðferðum.
3. Nýting náttúruauðæfa án þess að misbjóða náttúrunni.
4. Létta störf framleiðandans.
5. Bæta nýtingu framleiðslunnar
6. Auka öryggi búrekstursins og gera hann óháðari veðráttu.
ðhætt er að fyllyrða aö mestum hluta starfs rannsóknamannsins
yrði beint að þessum rannsóknum, hver sem landbúnaðarstefnan yrði
í landinu.
Landbúnaðarstefnur geta auðvitað verið mýmargar en nefnd
á vegum Rannsóknaráðs ríkisins- hefur nýverið skilað
ítarlegum tillögum um stefnu eða leiðir í landbúnaði og skil-
greinir þrjár hugsanlegar stefnur sem móta mætti.