Dagblaðið Vísir - DV - 30.03.2016, Blaðsíða 9

Fréttir 9Vikublað 30.–31. mars 2016
Margir vilja komast í
skattaskjólslistann
Þ
að eru margir sem hafa áhuga
á þessum lista og maður finn­
ur fyrir því að hann vekur
áhuga. En það er enginn að
reyna að hafa áhrif á það
hvernig málin eru unnin,“ segir Bryndís
Kristjánsdóttir skattrannsóknarstjóri
aðspurð hvort hún hafi fundið fyrir
þrýstingi frá kjörnum fulltrúum eða
öðrum vegna þeirra upplýsinga sem
finnast í skattagögnunum sem emb­
ætti hennar keypti í apríl 2015.
„Ég tel ólíklegt að skattyfirvöld
komist aftur yfir svona gögn í nán­
ustu framtíð. Þetta eru mjög mikilvæg
gögn og gefa okkur færi og ástæðu til að
bregðast við,“ segir Bryndís.
Birta annan lista
Skattrannsóknarstjóri greiddi um
200 þúsund evrur, tæpar 30 milljónir
króna, fyrir gögnin og komu þau hing­
að til lands í byrjun júní í fyrra. Gögnin
voru keypt í von um að þau innihéldu
upplýsingar sem tengdu Íslendinga
við 400 til 500 félög í skattaskjólum. DV
fjallaði um kaupin í sama mánuði og
greindi frá því að þau hefði verið keypt
af fyrrverandi starfsmanni lögmanns­
stofunnar Mossack Fonseca & Co í
Panama. Þegar DV náði tali af mann­
inum neitaði hann að hafa selt gögnin.
Líkt og komið hefur fram vinna ICIJ,
alþjóðleg samtök rannsóknarblaða­
manna, þýska dagblaðið Süddeutsche
Zeitung og Reykjavík Media ehf., fjöl­
miðlafyrirtæki í eigu Jóhannesar Kr.
Kristjánssonar, að birtingu annars
lista um félög í skattaskjólum. Félag­
ið Wintris Inc., sem er í eigu Önnu
Sigurlaugar Pálsdóttur, eiginkonu
Sigmundar Davíðs Gunnlaugssonar
forsætisráðherra, verður samkvæmt
fréttum hluti þeirrar umfjöllunar. Fé­
lagið er skráð á Tortola á Bresku jóm­
frúaeyjunum.
Farið eftir fjárhæðunum
Bryndís Kristjánsdóttir vill ekki svara
því hvaða félög má finna í skattagögn­
unum sem embættið keypti í fyrra eða
hvaða einstaklingum þau tengist. Eins
og komið hefur fram hélt embættið eft­
ir 30 alvarlegustu málunum en sendi
ríkisskattstjóra hin til frekari skoðunar.
„Þar var farið eftir fjárhæðunum
fyrst og fremst og þá í samræmi við
hvernig dómstólar hafa tekið á svona
málum. Svo er einnig horft til hegn­
ingarlagaákvæða varðandi skatta­
lagabrot en einnig getur annað spilað
inn í eins og að meint brot séu framin
með sérlega vítaverðum hætti,“ segir
Bryndís.
Aðspurð hvort hún vilji stað­
festa að gögnin sem embættið keypti
hafi komið frá panamska fyrirtækinu
Mossack Fonseca svarar Bryndís:
„Það getur vel verið að það komi
fram upplýsingar frá öðrum en okkur á
næstu dögum sem gefi ykkur tækifæri
til að draga ályktanir.“ n
n Skattrannsóknarstjóri hefur ekki fundið fyrir þrýstingi vegna aflandsfélaga
Haraldur Guðmundsson
haraldur@dv.is
Sátt
Bryndís segir
skattagögnin
hafa uppfyllt
væntingar.
N
öfn þriggja ráðherra, þeirra
Ólafar Nordal, Bjarna Bene­
diktssonar og Sigmundar
Davíðs Gunnlaugssonar
tengjast aflandsfélögum sem vistuð
hafa verið í skattaskjólum, að því er
Eyjan greinir frá. Eyjan hefur þetta
eftir áreiðanlegum heimildum, en
greint var frá því á mánudag að nöfn
nokkur hundruð Íslendinga væri
að finna á tveimur listum yfir nöfn
þeirra sem átt hafa aflandsfélög eða
bankareikninga í skattaskjólum.
Margir þeirra eru þjóðþekktir.
Eins og fram hefur komið vinna
blaðamennirnir Jóhannes Kr. Krist­
jánsson og Aðalsteinn Kjartansson
að mynd um málið. Þeir eru, sam­
kvæmt upplýsingum DV, í samstarfi
við Kastljós um einhverja anga máls­
ins. Kastljósþátturinn er unninn í
samstarfi við fjölmiðlafyrirtækið
Reykjavík Media, ICIJ Alþjóðasam­
tök rannsóknarblaðamanna og
þýska blaðið Süddeutsche Zeitung.
Á listunum er fleira áhrifafólk í ís­
lenskum stjórnmálum.
Fram kemur á vef RÚV að upp­
lýsingarnar og gögn um starfsemi
aflandsfélaganna spanni 25 ára
tímabil. Nýjustu dæmin um stofn­
un aflandsfélaga séu frá árinu 2014.
Mikið hefur verið fjallað um
aflandsfélagið Wintris, í eigu eigin­
konu Sigmundar Davíðs Gunn­
laugssonar, undanfarna daga. Anna
Sigurlaug Pálsdóttir hafði frum­
kvæði að því að birta upplýsingar
um málið þann 15. mars síðast­
liðinn, að undangengnum fyrir­
spurnum fjölmiðla. Félagið lýsti
kröfum upp á hálfan milljarð króna
í slitabú föllnu bankanna. Eignir
Wintris nema, samkvæmt því sem
fram hefur komið, ríflega milljarði
króna. n baldur@dv.is
Þrír ráðherrar á listunum
Ólöf og Bjarni þar auk Sigmundar Davíðs