Dagblaðið Vísir - DV - 30.03.2016, Blaðsíða 28

20 Menning Vikublað 30.–31. mars 2016
Gerum við Apple vörur
iP
one í úrvali
Sérhæfum okkur í Apple
Allskyns
aukahlutir s: 534 1400
É
g hef aldrei haft neitt sérstak-
lega mikinn pening, en ein-
hvern veginn í andskotanum
hefur manni tekist að eignast
þetta,“ segir listaverkasafnarinn
Pétur Arason.
Við sitjum í eldhúsinu á bak við
bjart sýningarrýmið í Safni, sem er
staðsett á Levetzovstræti 16 við norð-
austurhorn Dýragarðsins, Tiergarten,
í miðju Berlínar. Það er ennþá hvítvín
og gos í ísskápnum eftir gærkvöldið,
en þá var opnuð í galleríinu Visiology/
Methodology ný sýning á verkum eftir
Bjarna H. Þórarinsson og Hanne Dar-
boven. Tugir ef ekki hundruð gesta
kíktu við og virtu fyrir sér íslenska og
þýska samtímalist í samhengi.
Verkin eru úr einkasafni Péturs
og eiginkonu hans Rögnu Róberts-
dóttur myndlistarkonu en á rúm-
lega hálfri öld hafa þau eignast stærra
safn samtímalistaverka en nokkrir
aðrir Íslendingar – hátt í tvö þúsund
verk. Hluti þessa einstaka safns er á
hverjum tíma til sýnis í sýningarrými
hjónanna, sem nefnist einfaldlega
Safn. Þau er með útibú í Reykjavík og
Berlín, en undanfarin ár hafa hjónin
dvalist hluta ársins í heimabænum og
hluta ársins í þýsku menningarhöfuð-
borginni.
Heillaðist af nýlistinni
„Sumir laðast að tónlist og geta ekk-
ert gert að því gert, aðrir hafa óskap-
lega gaman af því að grúska í bókum,
en það eru bara einhver gen sem gera
það að verkum að myndlistin hefur
fangað mig,“ segir Pétur.
Hann var ungur farinn að aðstoða
föður sinn við rekstur verslunarinnar
Faco – sem varð síðar að Levi’s-búð-
inni – og tók við rekstrinum þegar
faðir hans lést fyrir aldur fram. „Bara
fimmtán ára var ég byrjaður að reka
verslunina með pabba og vegna
vinnunnar var ég oft að þvælast er-
lendis, í Amsterdam og London.
Þegar ég átti frí þá laðaðist ég að söfn-
unum, eins og til dæmis Stedejlik í
Amsterdam,“ segir hann.
Fyrsta listaverkið í safnið, málverk
eftir Kristján Davíðsson, fékk Pétur að
gjöf frá föður sínum árið 1963 þegar
hann var 19 ára, eftir að hafa fylgt
honum í heimsókn á vinnustofu lista-
mannsins. En listáhuginn kviknaði
á miklum umbrotatíma í listheimin-
um og heillaðist Pétur fljótt af hinni
nýstárlegu list: hugmyndalist, naum-
hyggju, flúxus og fleiri framsæknum
nýlistahreyfingum.
„Þó það hafi auðvitað ótrúlegt
margt verið búið að gerast í þessa veru
á 20. öldinni – Rússarnir Malevich og
Mondrian, Dadað og margt fleira – er
eins og þetta hafi allt komið saman
upp úr 1960 og þá varð algjör bylting.
Þetta minnti nánast á Endurreisnina,
það hafði ekki annað eins skeð í mörg
hundruð ár. Viðfangsefni myndlistar-
innar breyttist, því fram að því höfðu
þetta nánast eingöngu verið málverk
og styttur. Maður mætti bara á mál-
verkasýningar, þar sem verkin voru
kannski hengd upp í tveimur röðum,
fyrir ofan hver aðra. En á þessum tíma
fer myndlist líka að snúast um rýmið
og arkitektúr og allt breytist. Fólk gerir
sér ekki alltaf grein fyrir hvað er stutt
síðan,“ segir Pétur.
Hann gerir hlé á máli sínu og
sperrir eyrun, einhver hefur gengið
inn í galleríið. Pétur sprettur á fætur
og stekkur fram, heilsar gestinum og
leiðir hann um sýninguna, rabbar og
svarar spurningum.
„Alveg frá því að ég byrjaði hefur
mér liðið vel í þessu umhverfi, í því
að stússast í og skoða myndlist,“
segir hann þegar gesturinn er farinn.
„ Allir mínir bestu vinir og kunningjar
eru myndlistarmenn og þetta hefur
bara æxlast svona. Við Ragna konan
mín kynntumst ung, þegar hún var í
Myndlistar- og handíðaskólanum, og
svo hafa karlar eins og Kristján [Guð-
mundsson] og Hreinn [Friðfinnsson]
n Pétur Arason á stærsta einkasafn samtímalistaverka á Íslandi n Hátt í tvö þúsund verk í safninu
Kristján Guðjónsson
kristjan@dv.is
„Ég hef virkilega gaman af því að kynna góða íslenska listamenn hérna“ Hér stendur Pétur fyrir framan verk eftir listamanninn Bjarna H. Þórarinsson. Verkin, sem eru byggð á skákeinvígi Fischer og Spassky í Reykjavík, eru
sýnd í Safni í Berlín um þessar mundir.
„ Í dag eru tímar
eftirhermunnar í
myndlist
Að safna samtímanum
„Maður hefur
engan áhuga á
hlutum sem maður hefur
séð oft áður og þekkir.
Þess vegna er mín söfnun
nútíminn.