Dagblaðið Vísir - DV - 12.07.2016, Blaðsíða 13

Vikublað 12.–14. júlí 2016 Fréttir 13
eigendur eru tveir hlutabréfasjóð-
ir í rekstri Landsbréfa og trygginga-
félagið VÍS. Samkvæmt ársreikningi
IF var tæplega 17% hlutur félagsins
í Invent Farma keyptur á 3,18 millj-
arða og mun félagið því hagnast
um liðlega tvo milljarða við söluna
núna til Apax Partners.
Fleiri íslenskir fjárfestar munu
njóta góðs af sölunni en þannig á
tryggingafélagið Sjóvá 1,7% hlut í
Invent Farma, sem fyrirtækið eign-
aðist af Burðarási í árslok 2014 fyr-
ir um 320 milljónir króna. Mið-
að við að kaupverðið á öllu hlutafé
spænska lyfjafyrirtækisins er um 31
milljarður króna þá fær Sjóvá, sem
er skráð í Kauphöll Íslands, tæp-
lega 530 milljónir króna í sinn hlut
við söluna. Bókfærður söluhagn-
aður tryggingafélagsins ætti því að
vera ríflega 200 milljónir króna.
Þá mun 1,34% hlutur Burðaráss
eignarhaldsfélags, sem er í eigu
Kviku, skila fjárfestingabankanum
ríflega 400 milljónum en sé horft
til þess að eignarhluturinn er bók-
færður á 252 milljónir króna þá mun
hagnaður bankans af sölunni nema
um 150 milljónum króna.
Ekki eining um kaupin
Söluferlið á Invent Farma hófst á
síðasta ári þegar ákveðið var að ráða
fjárfestingabankann Jefferies til að
kanna mögulegan áhuga fjárfesta á
félaginu. Samkvæmd heimildum DV
skiluðu fimm aðilar til að byrja með
tilboðum í félagið en á síðari stigum
söluferlisins voru fjárfestahóparnir
orðnir þrír talsins. Eftir söluna á In-
vent Farma verður Icelandic Group
eina fyrirtækið sem Framtakssjóður
Íslands á enn eignarhlut í. Þrátt fyrir
að ákvörðun FSÍ um að fjárfesta í In-
vent Farma hafi reynst farsæl – sjóð-
urinn fær um tólf milljarða í sinn
hlut við söluna, sem þýðir bókfærð-
an hagnað upp á tæplega 6 millj-
arða – þá var alls ekki eining um það
á meðal hluthafa að ráðast í kaupin
á sínum tíma. Töldu sumir að með
þeim væri verið að fara á svig við til-
ganginn með stofnun sjóðsins eftir
hrun fjármálakerfisins 2008 sem var
að fjárfesta í íslensku atvinnulífi. In-
vent Farma er hins vegar erlent fé-
lag enda þótt eigendur þess hafi ver-
ið íslenskir.
Auk þess að uppskera ríkulega
af fjárfestingu sinni þegar kaup-
in ganga endanlega í gegn þá ber
einnig að horfa til þess að íslenskir
hluthafar Invent Farma hafa feng-
ið greiddan arð úr félaginu á liðn-
um árum. Frá árinu 2010 hefur
stjórn félagsins þannig greitt hlut-
höfum samtals um 22,5 milljónir
evra í arð, eða sem nemur 3,1 millj-
arði króna á núverandi gengi. Ekki
var greiddur út arður vegna rekstr-
arársins 2015 en síðasta arðgreiðsla
fór fram í október 2014 þegar hlut-
hafar fengu samtals 4,45 milljón-
ir evra í sinn hlut. Fyrir utan ríflega
91% hlut sem er í eigu íslenskra fjár-
festa þá eiga ýmsir erlendir stjórn-
endur Invent Farma um 5% hlut í
félaginu en samkvæmt heimildum
DV er óljóst hvort þeir kjósi að selja
eitthvað af sínum hlutabréfum sam-
hliða því að nýir eigendur koma að
rekstrinum. n
Allt fyrir raftækni
Yfir 500.000 vörunúmer
Miðbæjarradíó ehf. - Ármúla 17, Reykjavík - www.mbr.is - S: 552-8636
Hagnast um vel á annan tug
milljarða á sölu lyfjafyrirtækis
n Söluhagnaður FSÍ nærri 6 milljarðar
Hagnaður tvöfaldaðist á milli ára
Invent Farma er á meðal tíu stærstu samheitalyfjaframleiðenda á Spáni með heildar-
veltu upp á tæplega 100 milljónir evra. Félagið markaðssetur og selur samheitalyf undir
eigin vörumerkjum á Spáni, en selur lyf og virk lyfjaefni í heildsölu til fyrirtækja á öðrum
mörkuðum. Spánn er stærsti markaður félagsins fyrir samheitalyf en Japan og Banda-
ríkin í virkum lyfjaefnum.
Rekstur félagsins hefur gengið afar vel á síðustu árum og á árinu 2015 meira en
tvöfaldaðist hagnaður Invent Farma frá fyrra ári og nam samtals 18,2 milljónum evra. Þá
var EBITDA-hagnaður lyfjafyrirtækisins – afkoma fyrir fjármagnsliði, afskriftir og skatta
– tæplega 30 milljónir evra á síðasta ári og hefur hann aukist um liðlega 12 milljónir evra
frá árslokum 2013.
Skömmu eftir að nýir eigendur komu inn í hluthafahóp Invent Farma á árunum 2013
og 2014 var ráðist í það verkefni að endurfjármagna skuldir samstæðunnar. Í desember
2014 var lánasamningum félagsins við Arion banka, samtals að fjárhæð 45 milljónir
evra, sagt upp og samtímis gert samkomulag um sambankalán við spænsku bankana
BBVA og Banco Sabadell. Sú fjármögnun var á umtalsvert betri kjörum, eða sem nemur
175–200 punkta vaxtaálagi ofan á Euribor-millibankavexti, borið saman við 425 punkta
vaxtaálag hjá Arion banka.