Dagblaðið Vísir - DV - 19.08.2016, Blaðsíða 12

Helgarblað 19.–22. ágúst 201612 Fréttir
Kemur eKKi á óvart að Konur selji sig í neyð
n Einstæð fjögurra barna móðir og öryrki kvíðir vetrinum n Sárt að sjá peningaskort koma niður á börnunum n Velur á milli reikninga um hver mánaðamót
M
ér finnst mjög sárt að það
sé peningaleysi sem aftr-
ar mér í því eina sem mig
langar að fá út úr lífinu,
að umgangast og standa
mig í því draumahlutverki að fá að
vera móðir barnanna minna,“ segir
Sigrún Dóra Jóns dóttir, fjögurra
barna einstæð móðir og öryrki, sem
kvíðir komandi vetri og sér fram á
áframhaldandi baráttu við að ná
endum saman. Líf hennar hefur
ekki alltaf verið dans á rósum en í
kjölfar skilnaðar fyrir um hálfu ári
hefur verulega syrt í álinn. Sigrún
segir að af fenginni reynslu af eigin
erfiðleikum þá komi það henni ekki
á óvart að konur á Íslandi leiðist út
í vændi til að fæða og klæða börn-
in sín.
Sigrún Dóra féllst á að segja
sögu sína í von um að veita fólki
innsýn inn í líf og baráttu einstæðra
mæðra og öryrkja. Hún tekur skýrt
fram að hún sé ekki að biðja um
neitt, hún vilji aðeins vekja um-
ræðu um stöðu þessara mála, sem
því miður of margir þekki af eigin
raun í „okkar dásamlega þjóðfélagi
sem á að vera í bullandi uppsveiflu
eftir hrun,“ eins og hún orðar það.
Þunglyndi og kvíði
Sigrún Dóra glímir við andleg veik-
indi, þunglyndi og kvíða, sem bera
hana að sögn ofurliði alla daga
vegna stöðugra fjárhagsáhyggja.
„Það að berjast bæði við þung-
lyndi og kvíða er eins og að vera
föst í hvirfilbyl eða hringsóla stöð-
ugt um í niðurfalli og komast
hvorki upp né niður. Í þunglyndi
plagar mig mikið það sem liðið er á
meðan kvíðinn er vanlíðan og upp-
gjöf vegna þess sem framundan er.
Að vera með þessa tvo djöfla á öxl-
unum er eins og að vera fastur og
sjá samt hvorki ástæðu til að vera í
núinu né framtíðinni. Það er erfitt
að útskýra fyrir þeim sem ekki vita
eða hafa upplifað þessa djöfla en
þetta er einföldun á þeim.“
Móðurhlutverkið var draumur
Sigrún segir að þeir sem þekki hana
viti að hún sé einstaklega óheppin
manneskja og stundum haldi hún
að ólukkan elti hana stöðugt. Veik-
inda sinna vegna kenni hún þó ekki
lukkunni um heldur áfellist hún
sjálfa sig og sé sífellt í niðurrifi á
eigin ágæti.
„Það sem ég er þó afskaplega
heppin með og endalaust þakklát
fyrir eru börnin mín, heilbrigð
og falleg. Eini draumur minn um
framtíðina var að verða mamma og
sá draumur rættist heldur betur. Al-
veg sama hvernig lífið hefur leikið
mig og hvaða sjúkdómar hafa plag-
að mig er það allt þess virði vegna
þeirra. Það er því gjörsamlega eyði-
leggjandi að geta ekki staðið mig
í þessu eina hlutverki sem mig
langar til að gegna í lífinu,“ segir
Sigrún Dóra.
Endaði á geðdeild eftir skilnað
Hún kveðst aldrei hafa haft það
gott, fjárhagslega, en steininn tók
úr fyrir hálfu ári þegar hún skildi
við eiginmann sinn.
„Áfallið við skilnaðinn var
gríðarlegt og ég sá engan veginn
framtíð. Ég lagðist inn á geðdeild
og bað fjölskyldu mína að taka eldri
börnin mín að sér tímabundið.“
Endar ná ekki saman
Eins og þeir þekkja sem kynnt hafa
sér málin þá duga örorkubætur
fæstum til að draga fram lífið með
mannsæmandi hætti. Og við það
að senda börnin frá sér lækkuðu
bætur Sigrúnar um þriðjung.
„Síðustu sex mánuði hef ég feng-
ið 237 þúsund krónur í örorkubæt-
ur á mánuði. Þar sem ég varð ekki
einstæð móðir fyrr en eftir áramót
fæ ég 67 þúsund krónur á þriggja
mánaða fresti í barnabætur út árið.
Og 50 þúsund krónur í húsaleigu-
bætur. Þetta gera 309 þúsund
krónur á mánuði í ráðstöfunar-
tekjur,“ segir Sigrún og framvísar
greiðsluskjali frá Tryggingastofnun.
Hún bendir á að samkvæmt neyslu-
viðmiði velferðarráðuneytisins ætti
framfærslukostnaður fjölskyldu-
stærðar sem þessarar að vera 401
þúsund krónur á mánuði, að sam-
göngum og húsnæðiskostnaði
undanskildum.
„Ég á ekki bíl og borga ekki háa
leigu, en með húsaleigu þyrftu ráð-
stöfunartekjur mínar að vera yfir
550 þúsund krónur á mánuði.“
Velur milli reikninga
Og einhvern veginn verður að brúa
þetta fjárhagslega bil í hverjum
mánuði. Bilið milli þess sem raun-
verulega kostar að vera til á Íslandi
í dag, og því sem fólki er oft á tíð-
um naumlega skammtað til að geta
það.
„Í þetta hálfa ár hef ég gert
allt sem ég mögulega hef getað
Sigurður Mikael Jónsson
mikael@dv.is
Dugar ekki til Hér má sjá greiðsluskjal frá Tryggingastofnun þar sem Sigrún fær 237
þúsund krónur í örorkubætur. Barnabætur og húsaleigubætur bætast svo við en heildarupp-
hæðin dugar skammt.
„Það að konur
velji það að fórna
líkama sínum, eða að-
gangi að honum, sjálfs-
virðingu og stolti til þess
eins að geta sinnt því
hlutverki að fæða og
klæða börnin sín kemur
mér því ekki á óvart.
Berst í bökkum
Sigrún Dóra er ein-
stæð, fjögurra barna
móðir og öryrki sem
segir ómögulegt að
láta enda ná saman
með bótunum.
Síðasta hálfa árið
hefur verið henni
sérstaklega erfitt.
MynD ÞorMar Vignir
gunnarSSon
Retor Fræðsla - Hlíðasmára 8, Kópavogi - Sími: 519 4800 - www.retor.is
Íslensku-
kennsla
fyrir innflytjendur
Skráning er hafin
Aneta M. Matuszewska
skólastjóri og eigandi
Retor Fræðslu