Dagblaðið Vísir - DV - 07.10.2016, Qupperneq 10

Helgarblað 7.–10. október 201610 Fréttir
H
ópur fjárfesta undir for­
ystu Einars Arnar Jóns­
sonar, sem oft er kenndur
við Nótatún, hefur eignast
90% hlut í Emmessís. Sam­
kvæmt heimildum DV fóru þeir inn
í hluthafahópinn í ágúst þegar þeir
lögðu ísgerðinni til nýtt hlutafé upp
á 50 milljónir króna en fyrirtækið
var áður í eigu Sparisjóðabank­
ans (SPB) og verðbréfafyrirtækisins
Arev. Rekstur Emmessíss hefur ver­
ið þungur síðustu ár en fyrirtækið
veltir um 850 milljónum króna á ári.
Sitja í stjórninni
Fjárfestahópurinn samanstendur af
Einari Erni, Þóri Erni Ólafssyni, fyrr­
verandi framkvæmdastjóra Sector
viðskiptaráðgjafar, Gyðu Dan Jo­
hansen, fyrrverandi rekstrarfulltrúa
365 miðla, og Ragnari Birgissyni,
framkvæmdastjóra Emmessíss og
fyrrverandi formanns Samtaka ís­
lenskra sparisjóða. Einar, Þórir og
Gyða settust öll í stjórn fyrirtækisins
þann 19. ágúst síðastliðinn. Þann
sama dag var samþykkt að hækka
hlutafé félagsins um 4,5 milljón­
ir króna á genginu 11,11. Sölu­
verð hlutafjárins var því 50 millj­
ónir króna og var greitt með reiðufé
samkvæmt tilkynningu Emmessíss
til fyrirtækjaskrár Ríkisskattstjóra.
Einkahlutafélagið Hnetutoppur,
sem var stofnað í júlí síðastliðnum,
greiddi 43 milljónir fyrir 77% hlut í
Emmessís í hlutafjáraukningunni í
ágúst. Ragnar Birgisson greiddi sjö
milljónir króna fyrir 13% hlut en
samkvæmt heimildum DV hélt SPB
eftir um 10% í fyrirtækinu. Einka­
hlutafélagið SPB, sem varð til í kjölfar
þess að slitabú Sparisjóðabankans
lauk nauðasamningum fyrr á árinu,
er að fullu í eigu Eignasafns Seðla­
banka Íslands (ESÍ).
Stjórnarformaður
SPB er Haukur C.
Benediktsson, fram­
kvæmdastjóri ESÍ.
Lánum breytt í hlutafé
Arev og SPB áttu Emmess­
ís í gegnum samlags­
hlutafélagið Arev NI. Fé­
lagið fór inn í hluthafahóp
ísgerðarinnar árið 2007
þegar Auðhumla svf.,
móðurfélag Mjólkur­
samsölunnar (MS),
seldi fyrirtækið, sem
MS hafði þá rek­
ið frá árinu 1960, til
fjárfesta tengdum
ávaxtasafaframleið­
andanum Sól ehf. SPB átti í árs­
lok 2015 60,1% í Arev NI á móti
39,9% verðbréfafyrirtækisins sem
er nú horfið úr hluthafahópnum.
Rekstur Emmessíss hefur verið
þungur síðustu ár
og fyrirtækið farið í
gegnum fjárhagslega
endurskipulagningu.
Það var rekið með 109
milljóna tapi í fyrra og
neikvæðri afkomu upp
á 52 milljónir árið 2014.
Bókfært eigið fé þess var
neikvætt um 150 milljón­
ir í árslok 2015 en skuld­
irnar námu þá 483 millj­
ónum. Í fundargerð
hluthafafund­
ar Emmessíss frá
13. júlí síðastliðn­
um er rakið hvern­
ig lánum frá þáver­
andi móðurfélaginu
Arev NI hafði ver­
ið breytt í hlutafé. Í desember
2014 hafi hlutaféð verið hækkað
um 118 milljónir króna að nafn­
verði og hækkunarhlutirnir verið
greiddir til félagsins í peningum.
Ári síðar hafi verið tekin ákvörðun
um að hækka það upp í rétt rúmar
303 milljónir og var þá lánum frá
móður félagi aftur breytt í hlutafé.
Í janúar síðastliðnum hafi svo ver­
ið tekin ákvörðun um að lækka það
um uppsafnað rekstrartap fyrirtæk­
isins eða niður í lágmarkshlutafé,
500.000 krónur.
Ragnar Birgisson vildi ekki tjá sig
um málið þegar DV leitaði eftir því.
Í tilkynningu sem blaðinu barst frá
fjárfestahópnum í gær, fimmtudag,
segir að nýir eigendur ætli sér að
efla rekstur fyrirtækisins með auk­
inni vöruþróun og frekari markaðs­
sókn.
„Saga Emmessíss liggur aftur til
ársins 1960. Um áratugur er liðinn
frá því að AREV N1 keypti fyrirtækið
af Mjólkursamsölunni og reksturinn
hefur frá þeim tíma verið algjörlega
aðskilinn og er Mjólkursamsölunni
óviðkomandi með öllu,“ segir í til­
kynningunni. n
n Fjárfestahópur eignast 90% í ísgerðinni n Einar í Nótatúni og Gyða Dan, fjárfestir og eiginkona forstjóra MS, á meðal eigenda
Haraldur Guðmundsson
haraldur@dv.is
Nýr hluthafi Hnetutoppur
ehf. á nú 77% hlut í Emmessís.
Að baki félaginu standa Einar
Örn Jónsson, Gyða Dan Johan­
sen og Þórir Örn Ólafsson.
Framkvæmdastjórinn
Ragnar Birgisson var áður
stjórnarformaður Emmess­
íss en er nú hluti af nýjum
eigendahópi fyrirtækisins.
MyNd OMar OSkarSSON
Leiðir fjár-
festahópinn
Einar Örn
Jónsson, oftast
kenndur við
Nóatún.
Stjórnarmaður
Gyða Dan Johansen
situr nú í stjórn
Emmessíss. Fyrir­
tækið er til húsa í
sömu byggingu og
Mjólkursamsalan
sem átti og rak
fyrirtækið í áratugi.
Ari Edwald, forstjóri
MS, er eiginmaður
Gyðu.
Kaupa EMMESSíS
MEð Nýju HlutaFé