Dagblaðið Vísir - DV - 18.10.2016, Blaðsíða 2

Vikublað 18.–20. október 20162 Fréttir
PLUSMINUS OPTIC
Smáralind
www.plusminus. is
Sumar
kaupauki
Sólgler
með öllum gleraugum
Index 1,5*
Sjóngler
PLUSMIN OPTIC
Smáralind
www.plusminus. is
Sumar
kaupauki
Sólgler
með öllum gleraugum
Index 1,5*
Sjóngler
20%
kynningar-
afsláttur
Sérhönnuð
skjávinnugler
s vernda augun
Harma áhuga-
leysi á stöðu
lögreglunnar
Stjórn Félags yfirlögregluþjóna
segir að lögreglan í landinu sé í
grafalvarlegri stöðu í ljósi niður-
skurðar og kröfu um hagræðingu
á síðustu árum. Þetta hafi leitt
til fækkunar lögreglumanna og
þá hafi lögregluembætti lands-
ins ekki nægjanlegt fjármagn til
að halda úti eðlilegri löggæslu.
Þannig séu færri menn á vakt og
erfitt sé að mæta forföllum.
„Ekki verða útskrifaðir
lögreglumenn næstu misserin
sem mun auka álagið enn frekar
á lögreglumenn. Embættin
eru að missa faglært fólk úr
stéttinni og hafa embættin þurft
að brúa bilið með ómenntuðu
afleysingafólki síðustu misseri
og svo verður áfram þar til
lögreglumenn útskrifast eftir
tvö ár,“ segir í ályktun félagsins
sem send var ráðuneytisstjóra
innanríkisráðuneytisins á
mánudag.
Mátti litlu muna
Ferðamaður sem lenti í alvarlegu
umferðarslysi á Suðurlandsvegi,
skammt austan við Hvolsvöll
á miðvikudag, er á batavegi.
Slysið varð með þeim hætti að
ferðamaðurinn, sem ók jeppa,
var að taka fram úr við slæm
veðurskilyrði. Dráttarvél var
á veginum og var bifreiðinni
ekið á dráttarvélina sem fór á
hliðina. Farþegi í jepplingnum
ökklabrotnaði en síðar kom í
ljós að ökumaðurinn var með
innvortis blæðingu. Í dagbók
lögreglu kemur fram að honum
hafi verið ekið með forgangi
á slysadeild Landspítalans í
Fossvogi þar sem hann gekkst
undir aðgerð. Að sögn lögreglu
mátti ekki tæpara standa með að
veita manninum lífsbjörg.
Svikinn um milljón
króna hlaupabretti
Sem hann keypti á 0
krónur í netverSlun
n Guðmundur fer fram
á að staðið verði við
viðskiptin n Ætlar með
málið alla leið n GÁP ber
við galla á vefsíðunni
Þ
ann 25. ágúst síðastliðinn
ákvað Guðmundur Bjarna-
son, 69 ára, að nýta sér
einstakt tilboð á veglegu
og glæsilegu hlaupabretti í
netverslun GÁP. Guðmundur var í
leit að þrektæki til að geta stundað
líkams rækt heima fyrir og rakst þar á
tilboð á vefsíðu GÁP, sem erfitt var að
hafna. Uppgefið verð í netverslun-
inni var 0 krónur. Guðmundur stökk
á tilboðið, pantaði brettið, fór í gegn-
um söluferlið á síðunni og greiddi
2.900 krónur í sendingarkostnað.
Aldrei kom brettið og telur Guð-
mundur sig svikinn. Hann hyggst því
leita réttar síns og er málið komið
inn á borð kærunefndar lausafjár- og
þjónustukaupa.
Einu svörin sem hann hefur feng-
ið frá GÁP eru þau að galli hafi kom-
ið upp á vefsíðunni og að hlaupa-
brettið sé ekki til. Guðmundur segir
verslunina ætla að þegja málið í hel.
Þó að margur gæti ætlað að þetta
væru mistök af hálfu verslunarinnar
og auðvelt væri að afskrifa umleitan-
ir Guðmundar sem sneypuför þá er
ekki allt sem sýnist þar. Málið virð-
ist á gráu svæði og gæti allt eins verið
túlkað Guðmundi í hag.
Kannski afmælistilboð
„Ég var að leita mér að þrektæki
og datt inn á þessa síðu og sá þetta
auglýst á 0 kr. og hélt að þetta væri
kannski eitthvert afmælistilboð. Ég
hugsaði ekkert út í það. Prófaði bara
að ýta á „kaupa“ og mér til undrunar
þá virkaði það. Þetta fór í gegnum
söluferli. Ég fékk reikning frá þeim og
kvittanir frá Borgun og greiddi flutn-
ingsgjald fyrir brettið til að láta senda
mér það heim. En ég hef ekki fengið
það endurgreitt,“ segir Guðmundur
en DV hefur umrædda reikninga,
kvittanir og samskipti hans við GÁP
undir höndum.
„Þeir hafa ekkert haft samband
við mig, sem ég er svolítið hissa á. Ég
hafði samband við þá með tölvupósti
þegar mig var farið að lengja eftir
þessu.“ Eina svarið sem hann hefur
fengið, utan sjálfvirkra staðfestinga á
pöntun, greiðslu og uppfærðri stöðu
pöntunarinnar, var frá starfsmanni
GÁP þar sem Guðmundi er tjáð að
galli hafi orðið á heimasíðu versl-
unarinnar og varan sem hann pant-
aði væri ekki til. Það var Guðmundur
ekki sáttur við og taldi sig svikinn.
Ber að túlka vafaatriði
neytanda í hag
Hann leitaði til Neytendastofu þar
sem hann fékk álit sérfræðings
sem ráðlagði honum að leita til
kærunefndar þar sem alveg eins
líklegt væri að verslunin þyrfti að
standa við sitt.
Þannig er nefnilega þannig að
samkvæmt reglum um verðmerk-
ingar og einingarverð við sölu á vör-
um skal fyrirtæki selja vöru á því
verði sem verðmerkt er, einnig þótt
um mistök sé að ræða. Ákvæðið á
einnig við um tilkynnt verð á vef-
síðum. Þetta á hins vegar ekki við ef
„kaupanda má vera ljóst að um mis-
tök sé að ræða.“ En Neytendastofa
bendir á að þetta með mistökin sé
matskennt ákvæði. Það nær til til-
vika þar sem um „augljós mistök er
að ræða“ á borð við innsláttarvillur.
Til dæmis þegar sjónvarp er boðið á
90 kr. frekar en 90.000 kr.
En, ákvæðið felur í sér skyldu og
Neytendastofa telur að vafaatriði
verði að túlka neytanda í hag. Sam-
kvæmt svari sem Guðmundur fékk
frá Neytendastofu segir að stofnunin
líti svo á að verðmerking sé tilboð og
kominn sé samningur ef neytandi
samþykkri tilboðið. „Samninga ber
að efna eftir efni þeirra.“ Um kaup-
in og vanefndir samninga um neyt-
endakaup gilda svo lög um neytenda-
kaup nr. 48/2003. Var Guðmundi því
bent á að leita til kærunefndar lausa-
fjár- og þjónustukaupa, sem hann og
gerði.
Milljón króna bretti
„Ég vil ekki viðurkenna að þetta sé
innsláttarvilla,“ segir Guðmundur.
„Þeir setja þetta á vefsíðuna og setja
þetta í sölu án þess að setja verð á
þetta. Ég hafði ekki hugmynd um
hvað þetta kostaði. Ég trúði því ekki
þegar ég sá að þetta hlaupabretti var
síðar auglýst á 1,2 milljónir króna.
Þannig að ég get alveg trúað að þeim
hafi brugðið, því þeir hafa ekkert
talað við mig,“ segir Guðmundur.
Þess ber að geta að umrætt æfingar-
tæki virðist ekki að finna á vefsíðu
GÁP í dag.
Guðmundur er ekki sáttur við að
þögnin ein hafi mætt honum frá GÁP
vegna málsins og ætlar með það
alla leið fremur en að láta það fyrn-
ast. Í beiðni sinni til kærunefndar-
innar leggur hann fram kröfur sína,
sem eru einfaldar. Að fá vöruna sem
hann keypti eða endurgreiðslu á
heimsendingarkostnaðinum upp á
2.900 krónur og sárabætur.
Endaði á notuðu þrekhjóli
Þar sem Guðmundi hefur enn ekki
borist hlaupabrettið sem hann taldi
sig vera að tryggja sér og málefni
heilsunnar þoldu enga bið, endaði
hann á því að kaupa sér notað þrek-
hjól á bland.is. Fróðlegt verður að
sjá hver niðurstaða kærunefndar-
innar verður, varðandi milljónar
króna hlaupabrettisins sem aldrei
kom.
DV leitaði viðbragða hjá GÁP
vegna málsins en svör höfðu ekki
borist þegar blaðið fór í prentun. n
Uppselt og galli
Hér má sjá svarið sem Guð-
mundur fékk frá versluninni
þegar hann var farið að lengja
eftir afhendingu. Galli á heima-
síðu og varan sögð uppseld.
„Ég hafði ekki
hugmynd um
hvað þetta kostaði. Ég
trúði því ekki þegar ég sá
að þetta hlaupabretti
var síðar auglýst á 1,2
milljónir króna.
Telur sig svikinn Guðmundur náði að ganga frá pöntun og greiðslu á ókeypis hlaupabretti og
heimsendingu í netverslun GÁP í ágúst. Ekkert bólar á brettinu sem GÁP segir að sé ekki til og ber við
galla á vefsíðunni. Guðmundur leitar réttar síns Mynd AðsEnd
Einstakt tilboð Í leit
sinni að þrektæki rambaði
Guðmundur á þetta veglega
hlaupabretti á 0 kr. Síðar átti
eftir að koma í ljós að brettið
kostar í raun um og yfir eina
milljón króna.
Kvittun frá
GÁP og Borgun
Guðmundur náði
að ganga frá
greiðslunni, sem
nam 2.900 krónum
vegna sendingar-
kostnaðar. Þá
upphæð hefur
hann ekki fengið
endurgreidda að
hans sögn.
sigurður Mikael Jónsson
mikael@dv.is