Dagblaðið Vísir - DV - 18.10.2016, Blaðsíða 8

Vikublað 18.–20. október 20168 Fréttir
E
ldar Ástþórsson, upplýsinga-
fulltrúi CCP og varaþing-
maður Bjartrar framtíðar, var
í gærmorgun kærður til lög-
reglunnar á höfuðborgarsvæð-
inu. Efni kærunnar, sem lögð er fram
af einkahlutafélaginu Sónar Reykja-
vík, er að Eldar hafi reynt að hag-
nýta sér upplýsingar sem hann fékk
þegar hann var stjórnarmaður í Són-
ar Reykjavík til að sölsa undir sig tón-
listarhátíðina Sónar hér á landi og við-
skiptasambönd henni tengd.
Miðasölumálið upphafið
Forsaga málsins er sú að Björn Stein-
bekk Kristjánsson, forsvarsmað-
ur Sónar Reykjavíkur, seldi fjölda
Íslendinga miða á leik Íslands og
Frakklands í átta liða úrslitum EM
í knattspyrnu í Frakklandi í sumar.
Miðarnir skiluðu sér hins vegar ekki í
hendur fjölmarga sem komust því ekki
á leikinn. Olli málið mikilli reiði í garðs
Björns en sjálfur sagðist hann hafa
verið svikinn í viðskiptum með mið-
ana. Hafa í það minnsta tvær kærur
verið lagðar fram á hendur Birni vegna
málsins.
Miðaviðskiptin fóru fram í gegn-
um félagið Sónar Reykjavík og lögðu
kaupendur fé inn á reikning tón-
listarhátíðarinnar. Því dróst hátíðin
óhjákvæmilega inn í umræðuna um
miðasöluna. Eldar sat á þeim tíma í
stjórn félagsins en sagði sig úr stjórn-
inni þegar málið kom upp, 7. júlí síð-
astliðinn. Tilkynnt var um miðjan júlí
síðastliðinn að tónlistarhátíðin Sónar
og móðurfélag hátíðarinnar, Advanced
Music SL, hefðu slitið samstarfssamn-
ingi sínum við Sónar Reykjavík ehf. og
þar með Björn.
Vilja tafarlausa lögreglurannsókn
Sem fyrr segir hefur Sónar Reykja-
vík nú lagt fram kæru á hendur Eldari.
Í kærunni segir að Eldar hafi frá því
að hann sagði sig úr stjórninni unnið
gegn hagsmunum Sónar Reykjavíkur
ehf. og reynt að ná til sín tónlistarhá-
tíðinni og viðskiptasamböndum fé-
lagsins. Í því skyni hafi hann hagnýtt
sér upplýsingar sem hann hafi feng-
ið sem stjórnarmaður í Sónar Reykja-
vík ehf. um uppbyggingu, verkefni og
viðskiptamenn félagsins. „Eru horfur
á að kærði valdi kæranda stórfelldu
tjóni með ólögmætum aðgerðum sín-
um. Því er þýðingarmikið að lögreglu-
rannsókn hefjist tafarlaust og jafn-
framt að hin ólögmæta starfsemi verði
stöðvuð,“ segir í kærunni.
Í samtali við DV sagði Eldar að
hann hefði ekki enn séð kæruna og
hann teldi því að svo stöddu máli ekki
eðlilegt að tjá sig um málið. n
Guðrúnartúni 4,
105 reykjavík
Sími: 533 3999
www.betraGrip.iS
Opið
virka
daga frá
kl. 8–17
gæða
dekk á
góðu
verði
SKÓLADAGAR
20% afsláttur af gleraugum
Bláuhúsin v. FaxafenKringlunniSkólavördustíg 2
Kærður Sónar Reykjavík
ehf. hefur kært Eldar Ást­
þórsson til lögreglu. Hann
er sagður hafa reynt að
sölsa undir sig tónlistar­
hátíðina. Mynd BF
Freyr Rögnvaldsson
freyr@dv.is
Björn
Steinbekk
Kærður fyrir
að reyna að
stela Sónar
tónlistarhátíðinni
n Björn Steinbekk kærir Eldar Ástþórsson n Sagður hafa nýtt sér innherjaupplýsingar