Dagblaðið Vísir - DV - 18.10.2016, Blaðsíða 31

Vikublað 18.–20. október 2016 Menning 23
Aðspurð um nafnið segir Guðrún
að hún hafi viljað velja útgáfunni fal­
legt og hlýlegt mannsnafn. „Bene­
dikt þýðir hinn blessaði. Þetta er al­
þjóðlegt og fallegt nafn sem mér
þykir vænt um,“ útskýrir hún.
Helsta markmið útgáfunnar er
einfalt: að gefa út fyrsta flokks bæk­
ur, en hugmyndin er að gera það
með áherslu á persónulega þjón­
ustu frekar en færibandaframleiðslu.
„Skrifstofan er lítil og heimilisleg en
svo útvistum við allrahanda verkefn­
um. Við viljum hafa þetta smátt og
viðráðanlegt, svo við getum haldið
utan um hvert og eitt verkefni. Færi­
bandavinna hefur margt til síns
ágætis – sérstaklega við framleiðslu
á bílum, skilst mér – en ég vil forðast
hana í lengstu lög í útgáfunni.“
Fyrstu fjórar bækurnar frá Bene­
dikt eru nú þegar farnar í prentun
og verða komnar í íslenskar bóka­
búðir í lok október og byrjun nóvem­
ber. Þetta eru Ör, ný skáldsaga eftir
Auði Övu Ólafsdóttur, Eyland, sem
er fyrsta skáldsaga Sigríðar Hagalín
Björnsdóttur, Takk fyrir að láta mig
vita, smásagnasafn eftir sviðslista­
manninn Friðgeir Einarsson, og
Óvissustig, ný ljóðabók eftir Þórdísi
Gísladóttur. n kristjan@dv.is
skoðun sína á tónskáldinu. „Hann
nær að gæða sögur ótrúlegu lífi, eins
og í þessari frægustu óperu sinni og
svo er öll hin tónlistin, ballettarnir
og hljómsveitarverkin. Það er eitt orð
yfir Tchaikovsky: Snillingur. Svona
snillingar eru yfirleitt erfiðir og sjálfur
var hann mjög flókinn persónuleiki.“
Elmar, sem er búsettur í Hollandi,
hefur sungið í óperusölum víða um
heim. Hann er spurður hvernig sé að
syngja í Hörpu. „Það er dásamlegt að
syngja í þessum sal sem er fyllilega
samanburðarhæfur við bestu tón­
leikasali úti í heimi.“
Fjölmörg verkefni bíða Elmars
eftir sýningar á Évgení Onegin og
þar má nefna hlutverk í Brottnám­
inu úr kvennabúrinu eftir Mozart í
Toulon, Rínargullinu eftir Wagner í
Hamborg og Krýningu Poppeu eftir
Monteverdi í Nantes. n
Gæði í
merkingum
www.graf.is
• Sandblástursfilmur
• Skilti úr málmi, plasti og tré
• Merkingar á bíla
Hjallahraun 2, Hfj. - S: 663-0790
FÁKASEL - FYRIR ALLA
Ingolfshvoll, 816 Ölfus | fakasel@fakasel.is | símI: 483 5050
matur, drykkur
og skemmtun
Er stjórnarskráin ljóð eða prósi?
Rætt um stjórnarskrár frá ýmsum hliðum á alþjóðlegri ráðstefnu í HR á fimmtudag
Á
rið 2008 var frumflutt tón­
verkið Stjórnarskrá lýðveld­
isins Íslands, en myndlistar­
tvíeykið Libia Castro og
Ólafur Ólafsson höfðu farið þess á
leit við Karólínu Eiríksdóttur tón­
skáld að hún semdi tónverk þar sem
sungnar væru allar 81 grein stjórn­
arskrárinnar. Með því sneru þau
lagalegum grunni samfélagsins,
stjórnarskránni, yfir á huglægt form
lista og gáfu fólki þar með kost á að
meta þennan lagagrunn út frá al­
gjörlega nýju sjónarhorni.
Það mætti segja að svipaðar hug­
myndir séu til grundvallar alþjóð­
legri lýðræðisráðstefnu sem fer fram
í Háskólanum í Reykjavík á fimmtu­
dag, en þar er yfirskriftin: „Stjórnar­
skrá: ljóð eða prósaverk?“
Sjö erlendir fræðimenn ræða um
stjórnarskrárhugmyndina í ýmsu
óvenjulegu og óvæntu samhengi og
velta því þar með fyrir sér hvaðan
stjórnarskrár fái lögmæti sitt. Meðal
umfjöllunarefna er reynsla íbúa
í Kaliforníuríki Bandaríkjanna af
stjórnarskrárgerð, stjórnarskrárgerð
í stafrænum heimi og stjórnarskrár
út frá sjónarhóli í anarkisma.
Eftir að fyrirlestrum lýkur verða
opnar umræður með öllum fyrir­
lesurunum og áhorfendum. Ráð­
stefnan hefst klukkan 14.00 og
stendur í þrjá tíma, hún er öllum
opin. n
kristjan@dv.is
Í draumahlutverkinu
Évgení Onegin
Hljómsveitarstjóri: Benjamin Levy
Leikstjóri: Anthony Pilavachy
Leikmynd: Eva Signý Berger
Búningar: María Th. Ólafsdóttir
Hlutverk:
Évgeni Onegin: Andrey Zhilikhovsky
Tatjana: Þóra Einarsdóttir
Gremin prins: Runi Brattaberg
Vladimir Lenskí: Elmar Gilbertsson
Olga: Nathalía Druzin Halldórsdóttir
Larina, móðir Tatjönu og Olgu: Hanna
Dóra Sturludóttir
Filipévna, barnfóstran: Alina Dubik
Monsieur Triquet: Hlöðver Sigurðsson
n Óperan er sungin á rússnesku
Lenskí og Olga Elmar og
Nathalía Druzin Halldórs-
dóttir. Mynd JóHanna óLaFsdóTTir
Guðrún Vilmundardóttir