Dagblaðið Vísir - DV - 01.11.2016, Blaðsíða 25

Vikublað 1.–3. nóvember 2016 Sport 21
101 milljón evra á síðustu þremur
árum. Þó ber að hafa í huga að þessi
félög hafa einnig selt leikmenn á móti
á meðan RB Leipzig hefur ekki selt
leikmenn svo neinu nemur.
Félagið óvinsælt
Knattspyrnuunnendur eiga það til
að hrífast með og samgleðjast klúbb­
um sem synda gegn straumnum og
ná góðum árangri, þvert á væntingar.
Gott dæmi um þetta er Leicester sem
varð Englandsmeistari á síðustu leik­
tíð. Þó að RB Leipzig sé ungt félag fer
því fjarri að það sé það vinsælasta
meðal þýskra knattspyrnuunnenda
eins og kom fram í umfjöllun Guard­
ian um félagið í september síðastliðn­
um. Fyrsti heimaleikur RB Leipzig í
efstu deild var gegn Borussia Dort­
mund í ágúst. Fyrir leik ákváðu stuðn­
ingsmenn Dortmund að ferðast ekki
til Leipzig. Að sögn talsmanna stuðn­
ingsmanna var þetta gert til að mót­
mæli því hvernig staðið er að mál­
um hjá RB Leipzig. „Auðvitað græðir
Dortmund peninga. En við gerum
það til að geta spilað fótbolta á hæsta
stigi. Leipzig spilar fótbolta til að selja
vöru og ákveðinn lífsstíl. Það er mun­
ur þar á,“ sagði Jan­Henrik Gruszecki,
stuðningsmaður Dortmund og einn
þeirra sem skipulögðu mótmælin.
Keyptu lið í fimmtu deild
Áður en RB Leipzig komst í eigu Red
Bull hét félagið SVC Markranstädt og
lék í fimmtu efstu deild Þýskalands.
Félagið var lítt þekkt og jafnvel heima
fyrir, í Neðra­Saxlandi, var það á vör­
um fárra. Árið 2009 komu forsvars­
menn Red Bull að máli við stjórn­
endur félagsins, festu kaup á því og
skiptu um nafn. Samkvæmt þýskum
lögum mega íþróttafélög ekki heita
eftir styrktaraðilum og því ákváðu
stjórnendur félagsins að nefna fé­
lagið Rasen Ballsport Leipzig, eða RB
Leipzig sem stjórnendur vilja að allir
noti. Glöggir lesendur átta sig eflaust
á því að RB er vísun í Red Bull.
Reglur gera liðum erfitt fyrir
Það eru ekki markaðsaðferðir RB
Leipzig sem stuðningsmenn annarra
liða eru ósáttir við, heldur miklu
frekar sú hætta sem þeir telja að þýsk­
um fótbolta stafi af félaginu og öðrum
líkum. Hingað til hefur heilbrigt
eignarhald einkennt þýskan fótbolta
og eru reglur í gildi sem gera vellauð­
ugum fjárfestum erfitt fyrir að taka
yfir heilu félögin.
Samkvæmt hinni svonefndu 50+1
reglu verða félög sem spila í þýsku
deildarkeppnunum að ráða yfir
meirihluta atkvæða sem varða félög­
in. Reglunni var komið á árið 1998
til að tryggja að meðlimir félaganna,
stuðningsmenn, hefðu völdin og til að
koma í veg fyrir að til dæmis erlendir
fjárfestar gætu eignast meirihluta í fé­
lögunum. Í tilfelli Borussia Dortmund
þýðir þetta til dæmis að þeir 139 þús­
und stuðningsmenn sem greiða ár­
gjald til félagsins hafa mikil áhrif og
geta meðal annars komið í veg fyr­
ir miðahækkanir. Forsvarsmenn
RB Leipzig komust ekki hjá því að
hlíta þessari reglu þótt þar á bæ hafi
menn reynt ýmislegt til að fara á svig
við hana. Árgjaldið fyrir stuðnings­
menn RB Leipzig er þúsund evrur,
125 þúsund krónur, á meðan árgjaldið
hjá Dortmund er 62 evrur, 7.700 krón­
ur. Í umfjöllun Guardian í september
kom fram að meðlimir Leipzig, sem
hafa atkvæðis rétt ef svo má segja, séu
einungis 17 talsins, þar af er meirihluti
hátt settir starfsmenn Red Bull.
Brekkan á köflum brött
Allt þetta hefur hleypt illu blóði í
stuðningsmenn annarra liða og hefur
brekkan á köflum verið brött fyrir
forsvarsmenn RB Leipzig. Í leik gegn
Union Berlin árið 2014 tóku stuðn­
ingsmenn Berlínarliðsins sig til og
klæddust svörtum regnstökkum.
Þeir þögðu svo fyrstu fimmtán mín­
útur leiksins. Í leik gegn Dynamo
Dresden í þýska bikarnum í byrjun
leiktíðar köstuðu nokkrir stuðnings­
menn Dresden­liðsins nautgripa­
hausum inn á völlinn. Og stuðn­
ingsmenn Hoffenheim, sem hefur
stundum verið kallaður plastklúbb­
ur vegna eignarhaldsins á félaginu,
mættu með borða á leik gegn Leipzig
fyrr á tímabilinu sem á stóð: „Við
viljum krúnuna okkar aftur – mest
hataði klúbbur Þýskalands.“ Áður
en að leiknum gegn Dortmund kom
meinaði Dortmund forsvarsmönnum
RB Leipzig að nota lógó gestaliðsins á
trefla og annan varning sem jafnan er
seldur fyrir leiki.
Þó að félagið sé ekki það vin­
sælasta í Þýskalandi er það vin­
sælt meðal margra íbúa Leipzig. RB
Leipzig er eina fótboltaliðið frá fyrr­
verandi Austur­Þýskalandi sem spilar
í efstu deild og það fyrsta í áraraðir frá
Leipzig sem nær einhverjum árangri.
Liðið spilar á glæsilegum heimavelli,
Red Bull Arena, sem var byggður
árið 1954 en tekinn í gegn fyrir HM í
Þýskalandi árið 2006. Völlurinn tekur
um 42 þúsund áhorfendur og er upp­
selt á nær alla leiki liðsins.
Spila flottan fótbolta
Forsvarsmenn og áhangendur RB
Leipzig hafa svarað gagnrýnisrödd­
um fullum hálsi og bent á að félag­
ið sé ekki frábrugðið öðrum þýskum
félögum. Ralf Rangnick, sem er öll­
um hnútum kunnugur í þýskum fót­
bolta, er yfirmaður knattspyrnumála
hjá félaginu og hefur úrslitavald varð­
andi kaup og sölu á leikmönnum.
Knattspyrnustjórinn heitir Ralph Ha­
senhuttl og er 49 ára. Hann lék á sín­
um tíma nokkra landsleiki fyrir Aust­
urríki og hafði áður gert ágæta hluti
með FC Ingolstadt og komið liðinu í
deild þeirra bestu. Undir þeirra stjórn
hefur liðið spilað áferðarfallegan og
skemmtilegan fótbolta. Á undan­
förnum árum hefur félagið fjárfest
að langstærstum hluta í ungum leik­
mönnum, yngri en 24 ára, og má til
að mynda geta þess að hinn ungi Jos­
hua Kimmich sló fyrst í gegn hjá fé­
laginu áður en hann gekk í raðir FC
Bayern fyrir síðasta tímabil. Hann
hefur blómstrað hjá Bayern á þessari
leiktíð og er talinn ein bjartasta von
Þjóðverja. Þetta fyrirkomulag hefur
gefist vel hjá RB Leipzig og á meðan
Ralf Rangnick ræður ríkjum sem yfir­
maður knattspyrnumála má búast
við því að félagið haldi áfram að
gefa ungum leikmönnum tækifæri
og verði hugsanlega næsta stórlið
Þýskalands. n
n RB Leipzig enn taplaust við topp deildarinnar í Þýskalandi n Klúbburinn var stofnaður 2009
Naby Keita
Staða: Miðjumaður
Aldur: 21 árs
Keita hefur verið
besti leikmaður
Leipzig í vetur og skorað
þrjú mörk í sex leikjum í deildinni. Hann
er aðeins 21 árs og kom til félagsins frá
Red Bull Salzburg í sumar.
Emil Forsberg
Staða: Vængmaður
Aldur: 25 ára
Sænski landsliðsmaður-
inn gekk í raðir Leipzig
sumarið 2015 frá
Malmö. Hann hefur
gert góða hluti
með liðinu í haust
og skorað þrjú mörk
í deild.
Marcel Sabitzer
Staða: Framherji
Aldur: 22 ára
Þessi efnilegi
Austurríkismaður
skoraði sitt fyrsta
landsliðsmark gegn
Íslandi árið 2014.
Skoraði bæði mörk liðsins í
2-0 sigri á Darmstadt um helgina.
Timo Werner
Staða: Framherji
Aldur: 20 ára
Werner á yfir 100
leiki að baki í efstu
deild þrátt fyrir að
vera aðeins tvítugur.
Spilaði með Stutt-
gart áður en hann færði
sig um set til RB Leipzig í sumar. Hefur
farið vel af stað og skorað þrjú mörk í
fimm leikjum á tímabilinu.
Helstu stjörnur liðsins:
Optrel Vegaview
2.5 DIN er
heimsmeistarinn
Optrel
fótósellu-
hjálmar
fyrir
rafsuðu
Stjórinn Austur ríkismaðurinn Ralph Hasenhuettl tók við þjálfun liðsins fyrr á árinu. Hann
lék á sínum tíma átta landsleiki fyrir Austurríki.