Kiwanisfréttir - 01.03.1972, Side 22

Saltvíkurhátíð Esju og Heklu í júnl s.l. sem var einkum fyrir börn Kiwanisfélaga tókst mjog vel.
Esjufélagar hafa ýmislegt verið að að-
hafast á undanförnum mánuðum, sem er
athyglisvert.
Félagar úr klúbbnum fóru um nokkrar
helgar á s.l. vori og unnu að breytingum
á húsum í Saltvík, sérstaklega var unnið
við að laga og breyta fjósinu. Smíðuðu
bekki í básana og máluðu fjósið í hólf og
gólf.
Esjufélagar hafa sinnt starfi Hjálpar-
sjóðs æskufólks og hafa stutt það starf.
Eitt af markmiðum sjóðsins er að stuðla
að því að skapa olbogabörnum eðlilegt
heimilislíf og hafa Esjufélagar styrkt eina
slíka fjölskyldu með félagslegri aðstoð.
Aðal fjáröflunarleið klúbbsins verður
sala á sjúkratöskum. Þetta er mikið fyrir-
tæki og þarfnast mikils undirbúnings, en
er nú það langt komin, að aðal salan hefst
á næstu vikum.
Sjúkratöskurnar eru framleiddar á veg-
um klúbbsins og eru mjög þægilegar til
notkunar í bíla og á heimilum. Þær verða
seldar með öllum helztu vörum, sem nauð-
synlegar eru til að hafa við hendina, ef
slys ber að höndum. Hér er farið inn á
nýja braut í fjáröflun á vegum Kiwanis-
klúbbs og sameinar tvennt. I fyrsta lagi:
bendir mönnum á nauðsyn þess að hafa
slík hjúki’unargögn við hendina, og í öðru
lagi: fjáröflun fyrir klúbbinn til fram-
kvæmda á öðrum vettvangi.
Esjumenn hafa einnig látið framleiða
bauka, til að hafa við síma. Þar geta menn
sett í smápeninga sem greiðslu fyrir notk-
un á síma, þar sem greiðsla er ekki tekin.
Þetta eru allt mjög athyglisverðar fram-
kvæmdir og ánægjulegar.
22 — K-FRÉTTIR