Morgunblaðið - 13.01.2017, Blaðsíða 39

MENNING 39
MORGUNBLAÐIÐ FÖSTUDAGUR 13. JANÚAR 2017
atriði þar sem hann gengur ber-
serksgang á salerni og hágrætur að
því loknu. „Ég ímyndaði mér að
pabbi minn hefði dáið og þá varð ég
alveg brjálaður og svo leiður að mér
gat ekki verið meira sama um bað-
herbergið. Á eftir bað ég gaurinn
sem sá um leikmunina afsökunar og
hann sagði að þetta væri allt í lagi,“
segir Baldur kíminn. Hann hafi ver-
ið lengi að ná sér eftir þessar tökur.
Blær hefur svipaða sögu að segja. Í
einu atriði grætur hann sárt og seg-
ist hann hafa rifjað upp andlát afa
síns auk þess að ímynda sér aðstæð-
urnar sem Kristján er í.
Það reyndi mikið á drengina í tök-
um því þeir þurftu að glíma við allan
tilfinningaskalann, svo að segja.
Þetta er mikil áskorun fyrir atvinnu-
leikara, hvað þá tvo táninga sem litla
reynslu hafa af því að leika. Var
þetta ekki erfitt? „Jú, mjög erfitt.
Eftir hvern vinnudag vorum við
mjög þreyttir. Það er ekkert grín að
taka upp svona mynd, margir halda
að þetta sér bara létt og gaman. Vin-
ir mínir héldu að þetta væri bara
lúxus, að fá tveggja mánaða frí frá
skóla. En kvikmyndagerð er mikill
skóli,“ segir Blær. Hann segir þá
hafa undirbúið sig vel og í myndinni
sjái fólk raunverulegar tilfinningar.
„Eftir tökur tók langan tíma að kom-
ast út úr karakter og róa sig niður.“
Spunnið í tökum
En fannst strákunum handritið
lýsa því vel hvernig er að vera ung-
lingur? Jú, þeir telja svo vera. „Það
er smátilfinningarússíbani,“ segir
Baldur um unglingsárin og Blær
tekur undir það. „Það er svo mikið
að gerast, tilfinningarnar sveiflast
upp og niður,“ segir hann. Spurðir
að því hvort þeir hafi bent Guðmundi
á eitthvað sem þeim þótti ein-
kennilegt eða ekki passa í handritinu
segjast þeir hafa gert það og leik-
stjórann hafa tekið tillit til þess. „Við
tókum nokkrar senur í ólíkum út-
gáfum,“ nefnir Baldur sem dæmi og
Blær segir sumar senurnar hafa ver-
ið spunnar í tökum. „Guðmundur
sagði okkur að gleyma bara text-
anum og byrja að spinna,“ segir
hann. Baldur nefnir sem dæmi um
spuna atriði þar sem köttur birtist
óvænt og segist Baldur ósjálfrátt
hafa hvæst á hann enda átti Þór að
vera öskureiður.
Vandræðalegt
Í Hjartasteini eru nokkur atriði
þar sem Kristján og Þór eru nánir,
kyssast m.a. og snerta hvor annan.
Spurðir að því hvort það hafi verið
erfitt segir Blær að það hafi verið
auðveldara en hann hafi átt von á.
„Við erum ekki Blær og Baldur að
kyssast heldur Kristján og Þór,“
bendir hann á og Baldur bætir því
við að aðalatriðið sé að geta treyst
mótleikaranum. Kristján og Þór
kyssa líka stelpur í myndinni, þær
Betu og Hönnu sem eru skotnar í
þeim, leiknar af Diljá Valsdóttur og
Kötlu Njálsdóttur. Var það kannski
erfiðara? Drengirnir brosa og Bald-
ur segist, ögn vandræðalegur, hafa
kysst stelpu í fyrsta sinn á æfingu
fyrir myndina og á þar við Diljá.
„Það var örugglega það vandræða-
legasta sem ég hef gert,“ segir hann
og brosir. Og þá kannski sérstaklega
fyrir framan aðra? „Já, og kyssist
þið!“ segir Blær hlæjandi og bregð-
ur sér í hlutverk leikstjórans.
Upplýsandi kvikmynd
Hjartasteinn fjallar ekki síst um
hversu erfitt það er að koma út úr
skápnum og hvað þá fyrir óharðn-
aðan ungling. Telja Baldur og Blær
að kvikmyndin muni hvetja til um-
ræðu um þessi mál og vinna gegn
fordómum? „Já, algjörlega. Við er-
um að miðla ákveðnum upplýs-
ingum. Þessi mynd gerir það,“ segir
Blær og Baldur bætir því við að hún
sýni hversu erfitt geti verið að op-
inbera samkynhneigð sína.
En hvernig fannst þeim kvik-
myndin þegar þeir sáu hana í fyrsta
sinn? „Það var æðislegt, betra en ég
átti von á,“ segir Baldur. Hann sé
hæstánægður með útkomuna og til í
að leika aftur í kvikmynd. Blær tek-
ur undir það en segist hafa verið
mjög taugaóstyrkur á frumsýning-
unni í Feneyjum. „Eftir sýninguna
stóðu allir upp og klöppuðu, þetta
var svakalegt,“ segir hann brosandi.
Drengirnir eru spurðir að því
hvort þeir stefni að því að verða at-
vinnuleikarar og Baldur er snöggur
til svars: „100%. Ég ætla að leggja
allt undir.“ Blær segist líka stefna að
því að verða leikari en bætir við að
hann sé líka að æfa handbolta. Hann
gæti því mögulega orðið fyrsti Ís-
lendingurinn sem væri bæði at-
vinnumaður í handbolta og atvinnu-
leikari. En hvernig ætli öll þessi
athygli leggist í drengina? Báðir
segjast ætla að halda sér á jörðinni
þó að þeir hafi verið skýjum ofar
þegar þeir hlutu verðlaunin í Mar-
okkó.
„Shout out“ frá Aronmola
„Við Blær fengum „shout out“ frá
Aronmola í gær [þriðjudag, inn-
sk.blm.] og ég held það séu 100 eða
150 búnir að „adda“ mér á Insta-
gram,“ segir Baldur og blaðamaður
hváir, enda kominn á fimmtugs-
aldur. Aronmola? Shout out? „Hann
er mjög frægur íslenskur snappari
og hann var að segja að þetta væri
besta, einlægasta og fallegasta
mynd sem hann hefði séð,“ útskýrir
Baldur og blaðamanni verður ljóst
að átt er við vinsælan Snapchat-
notanda sem heitir réttu nafni Aron
Már Ólafsson en snappar undir
nafninu Aronmola. Hvað gamall
nemur, ungur temur!
Hvíld Stund milli stríða við tökur á kvikmyndinni Hjartasteini árið 2015.
Blær og Baldur með leikstjóranum Guðmundi Arnari Guðmundssyni.
Ómkvörnin, uppskeruhátíð tónlist-
ardeildar Listaháskóla Íslands, er
haldin hátíðleg í níunda sinn í dag
og á morgun í Kaldalóni Hörpu. Há-
tíðin er haldin í lok hverrar annar
þar sem tónverk eftir nemendur
tónsmíðadeildar eru flutt af flytj-
endum úr tónlistardeild.
Alls verða flutt yfir 30 verk eftir
29 tónskáld úr bæði bakkalár- og
meistaranámi, en nánast öll tónlist-
ardeild tekur þátt í hátíðinni.
Hátíðinni er skipt í ferna tónleika
hverjum með sínu þemanu. Í dag kl.
18 verða leikin kammerverk eftir
Ingu Magnesi Weisshappel, Sævar
Helga Jóhannsson, Þorbjörgu
Roach Gunnarsdóttur, Þorstein
Gunnar Friðriksson, Þráin Þór-
hallsson, Friðrik Guðmundsson og
Pétur Eggertsson.
Í kvöld kl. 21 eru flutt sólóverk
eftir Hafstein Þráinsson, Árna Hall-
dórsson, Björn Jónsson, Emilíu
Ófeigsdóttur, Rögnvald Konráð
Helgason, Gylfa Guðjohnsen, Krist-
ján Harðarson og Magna Frey Þór-
isson.
Á morgun, laugardag, kl. 13
verða flutt raf- og tilraunaverk eft-
ir Kjartan Dag Holm, Olgu Szym-
ula, Pétur Eggertsson, Bjarka Hall,
Reuben Fenemore, Jóhönnu Guð-
rúnu Sigurðardóttur og Guðmund
Óla Norland.
Á morgun kl. 16 er komið að
söngverkum eftir Katrínu Helgu
Ólafsdóttur, Guðmund Óla Nor-
land, Viktor Inga Guðmundsson,
Ara Hálfdán Aðalgeirsson, Sofie
Meyer, Björn Jónsson, Andrés Þór
Þorvarðarson, Gunnhildi Birg-
isdóttur og Birgit Djupedal.
Aðgangur er ókeypis.
Ljósmynd/Harpa
Fjölbreytni Flutt verða 30 verk eftir 29 tónskáld í Kaldalóni Hörpu.
Ómkvörnin haldin
í Kaldalóni Hörpu
Normið er ný
framúrstefna er
heiti sýningar
sem verður opn-
uð í Gerðarsafni í
Kópavogi í kvöld,
föstudag, kl. 20.
Á sýningunni
gefur að líta verk
eftir 11 listamenn
og er sýningin
sögð hugleiðing
um birtingarmyndir hversdagsleik-
ans í íslenskri samtímalist. Sýning-
arstjóri er Heiðar Kári Rannversson
en listamennirnir sem eiga verkin
eru þau Anna Hrund Másdóttir,
Arna Óttarsdóttir, Arnfinnur Ama-
zeen, Emma Heiðarsdóttir, Finnur
Arnar Arnarson, G.Erla – Guðrún
Erla Geirsdóttir, Guðrún Hrönn
Ragnarsdóttir, Loji Höskuldsson,
Sólveig Aðalsteinsdóttir, Sveinn
Fannar Jóhannsson og Þorvaldur
Þorsteinsson.
Markmið sýningarinnar er sagt
að skapa hugmyndalegar og sjón-
rænar tengingar milli verka lista-
manna af ólíkum kynslóðum, sem
eiga það þó sameiginlegt að vísa í og
vinna úr víðu merkingarsviði hvers-
dagsins. Til grundvallar liggur sú
tilgáta að finna megi snertipunkta
milli myndlistar tíunda áratugarins
og verka síðustu ára, sem verða
sýnilegir ef verkin eru skoðuð í ljósi
samtímahugmynda um hversdags-
leikann, að því er segir í tilkynn-
ingu.
Hversdagsleikinn í
myndlistarverkum
Sólveig
Aðalsteinsdóttir
Ert þú á leið í leikhús? Pantaðu ljúffengar veitingar til
að njóta fyrir sýningu eða í hléi á borgarleikhus.is
MAMMA MIA! (Stóra sviðið)
Lau 14/1 kl. 20:00 141. s Sun 29/1 kl. 20:00 147. s Lau 18/2 kl. 20:00 153. s
Sun 15/1 kl. 20:00 142. s Lau 4/2 kl. 20:00 148. s Sun 19/2 kl. 20:00 154. s
Lau 21/1 kl. 20:00 143. s Sun 5/2 kl. 20:00 149. s Fim 23/2 kl. 20:00 155. s
Sun 22/1 kl. 20:00 144. s Fös 10/2 kl. 20:00 150. s Fös 24/2 kl. 20:00 156. s
Fim 26/1 kl. 20:00 145. s Lau 11/2 kl. 20:00 151. s Lau 25/2 kl. 20:00 157. s
Lau 28/1 kl. 20:00 146. s Fös 17/2 kl. 20:00 152. s
Glimmerbomban heldur áfram!
Blái hnötturinn (Stóra sviðið)
Lau 14/1 kl. 13:00 26.s Sun 22/1 kl. 13:00 29.s Lau 11/2 kl. 13:00 32. s
Sun 15/1 kl. 13:00 27.s Sun 29/1 kl. 13:00 30. s Sun 19/2 kl. 13:00 33. s
Lau 21/1 kl. 13:00 28.s Lau 4/2 kl. 13:00 31. s Lau 25/2 kl. 13:00 34. s
Nýr fjölskyldusöngleikur byggður á verðlaunasögu Andra Snæs Magnasonar
Ræman (Nýja sviðið)
Lau 14/1 kl. 20:00 2. sýn Mið 18/1 kl. 20:00 4. sýn Fös 20/1 kl. 20:00 6. sýn
Sun 15/1 kl. 20:00 3. sýn Fim 19/1 kl. 20:00 5. sýn Mið 1/2 kl. 20:00 aukas.
Nýtt verk sem hlaut Pulitzer-verðlaunin 2014!
Hún Pabbi (Litla svið )
Fös 13/1 kl. 20:00 3. sýn Fös 20/1 kl. 20:00 5 sýn Lau 28/1 kl. 20:00 8. sýn
Lau 14/1 kl. 20:00 4. sýn Lau 21/1 kl. 20:00 6. sýn Fim 2/2 kl. 20:00 9. sýn
Fim 19/1 kl. 20:00 aukas. Fös 27/1 kl. 20:00 7. sýn
Í samstarfi við leikhópinn Trigger Warning
Illska (Litla sviðið)
Fim 2/3 kl. 20:00 Fös 10/3 kl. 20:00
Fös 3/3 kl. 20:00 Lau 11/3 kl. 20:00
Samstarfsverkefni við Óskabörn ógæfunnar
Vísindasýning Villa (Litla svið )
Fim 2/2 kl. 14:00 Fors. Sun 5/2 kl. 13:00 2. sýn Lau 18/2 kl. 13:00 5. sýn
Fös 3/2 kl. 14:00 Fors. Lau 11/2 kl. 13:00 3. sýn Sun 19/2 kl. 13:00 6. sýn
Lau 4/2 kl. 13:00 Frums. Sun 12/2 kl. 13:00 4. sýn
Ferðalag fyrir börn um töfraheim vísindanna.
Salka Valka (Stóra svið)
Fös 13/1 kl. 20:00 3. sýn Þri 24/1 kl. 20:00 8. sýn Fös 3/2 kl. 20:00 13. sýn
Þri 17/1 kl. 20:00 4. sýn Mið 25/1 kl. 20:00 9. sýn Mið 8/2 kl. 20:00 14. sýn
Mið 18/1 kl. 20:00 5. sýn Fös 27/1 kl. 20:00 10.sýn Fim 9/2 kl. 20:00 15 sýn
Fim 19/1 kl. 20:00 6. sýn Mið 1/2 kl. 20:00 11. sýn Sun 12/2 kl. 20:00 16.sýn
Fös 20/1 kl. 20:00 7. sýn Fim 2/2 kl. 20:00 12. sýn
Ein ástsælasta saga þjóðarinnar í leikstjórn verðlaunaleikstjórans Yönu Ross
leikhusid.is | midasala@leikhusid.is | 551 1200
Djöflaeyjan (Stóra sviðið)
Sun 15/1 kl. 19:30 34.sýn Fim 26/1 kl. 19:30 36.sýn Lau 11/2 kl. 19:30 38.sýn
Fös 20/1 kl. 19:30 35.sýn Lau 4/2 kl. 19:30 37.sýn Lau 18/2 kl. 19:30 39.sýn
Kraftmikill söngleikur um skrautlegt mannlíf í braggahverfum Reykjavíkur!
Maður sem heitir Ove (Kassinn)
Fös 13/1 kl. 20:00 Akureyri Fim 26/1 kl. 19:30 34.sýn Fös 10/2 kl. 19:30 38.sýn
Lau 14/1 kl. 20:00 Akureyri Fös 27/1 kl. 19:30 35.sýn Lau 11/2 kl. 19:30 39.sýn
Sun 15/1 kl. 20:00 Akureyri Lau 4/2 kl. 19:30 36.sýn Fös 17/2 kl. 19:30 aukasýn
Sun 22/1 kl. 19:30 aukasýn Sun 5/2 kl. 19:30 37.sýn
Siggi Sigurjóns og Bjarni Haukur sameina krafta sína í bráðfyndnum einleik!
Óþelló (Stóra sviðið)
Fös 13/1 kl. 19:30 4.sýn Fim 2/2 kl. 19:30 8.sýn Fim 16/2 kl. 19:30 aukasýn
Lau 14/1 kl. 19:30 5.sýn Fös 3/2 kl. 19:30 9.sýn Fös 17/2 kl. 19:30 11.sýn
Fös 27/1 kl. 19:30 6.sýn Fim 9/2 kl. 19:30 10.sýn Lau 25/2 kl. 19:30 12.sýn
Lau 28/1 kl. 19:30 7.sýn Fös 10/2 kl. 19:30 aukasýn
Vesturport tekst á nýjan leik á við Shakespeare!
Gott fólk (Kassinn)
Lau 14/1 kl. 19:30 4.sýn Lau 21/1 kl. 19:30 6.sýn Sun 29/1 kl. 19:30 8.sýn
Fim 19/1 kl. 19:30 5.sýn Lau 28/1 kl. 19:30 7.sýn
Nýtt og ágengt íslenskt verk um ungt fólk, ástarsambönd, ofbeldi og refsingu
Fjarskaland (Stóra sviðið)
Sun 22/1 kl. 13:00 Frums Sun 5/2 kl. 13:00 3.sýn
Sun 29/1 kl. 13:00 2.sýn Sun 12/2 kl. 13:00 4.sýn
Nýtt íslenskt barnaleikrit eftir Góa!
Gísli á Uppsölum (Kúlan)
Fös 13/1 kl. 19:30 Mið 18/1 kl. 19:30 Sun 22/1 kl. 14:00
Sun 15/1 kl. 14:00 Fim 19/1 kl. 19:30 Mið 25/1 kl. 19:30
Einstakt leikverk um einstakan mann í uppfærslu Kómedíuleikhússins.
Mið-Ísland að eilífu (Þjóðleikhúskjallarinn)
Fös 13/1 kl. 20:00 2.sýn Lau 21/1 kl. 20:00 9.sýn Fim 2/2 kl. 20:00 16.sýn
Fös 13/1 kl. 22:30 3.sýn Lau 21/1 kl. 22:30 10.sýn Fös 3/2 kl. 20:00 17.sýn
Lau 14/1 kl. 20:00 4.sýn Fim 26/1 kl. 20:00 11.sýn Fös 3/2 kl. 22:30 18.sýn
Lau 14/1 kl. 22:30 5.sýn Fös 27/1 kl. 20:00 12.sýn Lau 4/2 kl. 20:00 19.sýn
Fim 19/1 kl. 20:00 6.sýn Fös 27/1 kl. 22:30 13.sýn Lau 4/2 kl. 22:30 20.sýn
Fös 20/1 kl. 20:00 7.sýn Lau 28/1 kl. 20:00 14.sýn Fim 9/2 kl. 20:00 21.sýn
Fös 20/1 kl. 22:30 8.sýn Lau 28/1 kl. 22:30 15.sýn
Ef hláturinn lengir lífið stefnir Mið-Ísland á ódauðleika!
Improv Ísland (Þjóðleikhúskjallari)
Mið 1/2 kl. 20:00 Mið 22/2 kl. 20:00 Mið 15/3 kl. 20:00
Mið 8/2 kl. 20:00 Mið 1/3 kl. 20:00 Mið 22/3 kl. 20:00
Mið 15/2 kl. 20:00 Mið 8/3 kl. 20:00 Mið 29/3 kl. 20:00
Spunasýningarnar vinsælu snúa aftur - engin sýning eins!
Lofthræddi örninn Örvar (Kúlan)
Lau 14/1 kl. 15:00
Hrífandi einleikur fyrir börn um hugrekki.
Íslenski fíllinn (Brúðuloftið)
Lau 4/2 kl. 13:00 Lau 11/2 kl. 13:00 Lau 18/2 kl. 13:00
Lau 4/2 kl. 15:00 Lau 11/2 kl. 15:00 Lau 18/2 kl. 15:00
Hrífandi brúðusýning fyrir alla fjölskylduna!