Víkurfréttir - 14.12.2006, Page 38

T
ÁRATUGUR LIÐINN FRÁ EINU HEITASTA DEILUMÁLI FYRR OG SÍÐAR, NAFNAMÁLINU
Bílflautur þeyttar og
baulaö á bæjarfulltrúa
ratugur er nú liðinn frá
því að nafnið Reykja-
nesbær var endanlega
staðfest við sameiningu sveit-
arfélaganna þriggja, Keflavík,
Njarðvík og Hafnir. Það gekk
þó ekki átakalaust og mikið
gekk á við þessa breytingu
eldci síst vegna þess að tilfinn-
ingasemin var við það að bera
suma ofurliði. Ekki er annað
að sjá og heyra en að íbúum
þessara sveitarfélaga sé nokk
sama í dag. Þó ekki öllum. Til
eru þeir sem lifa með sársauk-
anum.
Ógild kosning
Bæjarstjórn hins nýja samein-
aða sveitarfélags kom saman í
apríl 1994 og þá var ákveðið að
kosið yrði um fimm nöfn: Suður-
nes, Reykjanes, Hafnavík, Fitjar
og Nesbær. Þessi nöfn höfðu
verið valin úr 10 nöfnum sem
sérstök nefnd hafði lagt fyrir
sveitastjórnirnar. Sveitarstjórn-
armenn voru sammála um að
ekki kæmi til greina að nota
gömlu nöfnin. Var ákveðið að
kjósendur gætu einnig komið
með tillögu að einu nafni til
viðbótar.
Mikil umræða og blaðaskrif upp-
hófust um ágæti þessara nafna
sem í pottinum voru. Eftir
skoðanakönnun var það nafnið
SUÐURNES sem stóð eftir.
Tveir Keflvíkingar, þeir Einar
Ingimundarson og Hólmar
Magnússon, kærðu kosninguna
umsvifalaust til sýslumanns og
félagsmálaráðuneytis, sem í lok
júní þetta sama ár úrskurðaði
-flestir virðast sáttir ídag en sumir lifa með sársaukanum
að nafnakosningin væri ógild
og kosið skyldi að nýju. Þótti
yfirvaldinu að ekki hefði verið
staðið rétt að kosningunni og að
ákvörðun um að útiloka nöfn
sveitarfélaganna þriggja hefði
verið tekin of seint þar sem utan-
kjörstaðakosning var hafin. Auk
þess sem kynningu þótti mjög
ábótavant.
Heitt í kolunum
I mars 1995 var virkilega farið
að hitna í kolunum þegar kom
að því að kjósa aftur um nafn
á sveitarfélagið, sem hafði verið
nafnlaust frá sameiningunni
síðla árs 1993. Ákveðið hafði
verið að kosið yrði um tvö nöfn:
Suðurnesbær og Reykjanesbær.
Víkurfréttir höfðu látið Félags-
vísindastofnun gera skoðana-
könnun um málið og þá kom í
ljós að 60% íbúana vildu nafnið
Keflavík-Njarðvík. Það var því
ljóst að ekki yrði sátt um þetta
á meðal íbúana, svo mikið var
víst. En um það var ekki spurt
í kosningunni heldur einungis
hvort þessara nafna fólk vildi:
Suðurnesbær eða Reykjanesbær.
Bæjarbúar kusu um nöfnin
samhliða alþingiskosningum,
sem eiginlega féllu í skuggann
af nafnamálinu. Og þeir sýndu
hug sinn í verki því ekki færri
en 72% þeirra sem þátt tóku í
kosningunni skiluðu auðu eða
ógildu. Afþeirn sem skiluðu full-
gildu atkvæði vildu 55% nafnið
Reykjanesbær.
Á bæjarstjórnarfundi í ágúst er
síðan nafnið samþykkt á hita-
fundi í bæjarstjórn þar sem
fjöldi íbúa mætti í sal. Bílflautur
voru þeyttar og baulað á bæjar-
fulltrúa þegar nafnið var sam-
þykkt með níu atkvæðum gegn
tveimur.
Einkaleyfi Steinþórs Jónssonar
Andstæðingar nafnsins voru
ekki af baki dottnir þó svo að
bæjarstjórn hefði samþykkt
nafnið Reykjanesbær. Utspil
Steinþórs Jónssonar, hótel-
stjóra og núverandi bæjarfull-
trúa, þótti nokkuð skondið
en hann sótti um einkaleyfi á
nafninu Reykjanesbær og fékk
hjá Einkaleyfastofunni gegn
greiðslu uppá 10.800kr! „Þetta
er efni í nýja revíu“ var haft
eftir Drífu Sigfúsdóttur, þá-
verandi forseta bæjarstjórnar,
í Víkurfréttum þann 24. apríl
1996.
Haft var eftir Steinþóri í sama
blaði að hann ætlaði sér að
nota nafnið á ferðaskrifstofu
sem hann ráðgerði að reka í
framtíðinni. Sagðist þó vera
tilbúinn til viðræðna við bæj-
arstjórn að til greina kæmi að
láta nafnið eftir ef haldin yrði
skoðanakönnun um hug bæjar-
búa til þess. Kæmi í ljós að þeir
yrðu sáttir við nafnið myndi
hann hiklaust láta það eftir,
annars ekki.
„Fyrst og fremst var minn
mótþrói gagnvart nafninu í
markaðslegu tilliti því nafnið
Keflavík er vitaskuld með
sterka hefð hvað það varðar og
jafnvel þekktara en Reykjavík
í mörgurn löndum“, segir Stein-
þór þegar hann rifjar þetta
upp.
„Eg hugsaði sem svo að með
því að fá einkaleyfið á Reykja-
nesbær myndi Keflavík haldast
á meðan tilfinningarhitinn færi
úr mönnum. Hins vegar var
það álit margra, bæði þeirra
sem voru með og á móti að
kostnaður yrði mikill ef rnálið
færi fyrir dómstóla bæði fyrir
rnig og bæjarfélagið og því sá
ég ekki ástæðu til að halda
þessu til streitu", segir Stein-
þór. Aðspurður segist hann
vera sáttur við nafnið í dag og
það hafi vanist vel. Hins vegar
mætti viðskeytið „bær“ detta
út og bærinn heita Reykjanes.
Reykjanes væri betra nafn fyrir
erlenda ferðamenn og eiga
betur við ef fleiri sveitarfélög
á svæðinu myndu sameinast í
framtíðinni.
„Hins vegar er það svo að
gömlu nöfnin eru ennþá notuð
og lifa góðu lífi, meira að segja
hjá hinu opinbera. Nýverið
kom t.d. bréf á bæjarskrifstof-
una frá Alþingi Islendinga
stílað á Reykjanesbæ, 230 Kefla-
vík. Við íbúarnir erum ennþá
Keflvíkingar, Njarðvíkingar eða
Hafnarbúar og þannig er litið á
okkur ennþá, þannig að segja
má að Reykjanesbær sé bara
gott stjórnsýsluheiti á ört vax-
andi sveitarfélagi“, sagði Stein-
þór Jónsson.
VÍKURFRÉTTIR I 50. TÖLUBLAÐ -JÓLABLAÐIÐ 2006 I 27.ÁRGANGUR
VÍKURFRÉTTIR Á NETINU • www.vf.is • LESTU NÝJUSTU FRÉTTIR DAGLEGA!