Fréttablaðið - 26.08.2017, Side 12

CCG
As a christian church known by many from our internet page
ccg.org, we know there is conciderable interest for our litter-
ature in Iceland. Because of this we would like to conduct a
seminar for interested persons this autumn.
If anyone would like to meet with us, please contact us at
secretary@ccg.org
Yfirlýsing frá CoverGlobal oy Finnlandi
CoverGlobal oy tilkynnir hér með öllum viðskiptavinum á Íslandi með ólokna
samninga um handrið eða svalalokun úr Cover efni að þann 14. ágúst 2017
sleit CoverGlobal oy einkaleyfissamningi sínum við Gler og Brautir Intl. ehf.,
Skútuvogi 10B, 104 Reykjavík, sem var þáverandi einkaleyfishafi á Íslandi fyrir
Cover vörur.
Ekki hefur verið unnt að komast í samband við alla viðskiptavini með undir-
ritaðan samning gerðan við einkaleyfishafa fyrir 14. ágúst 2017. Allir við-
skiptavinir eru hvattir til að láta CoverGlobal oy vita um stöðu samnings þeirra
til að tryggja afhendingu viðkomandi Coverkerfis ásamt ábyrgð.
Vinsamlegast sendið tölvubréf ásamt ljósriti af samningi og upplýsingum um
greiðslur sem inntar hafa verið af hendi og stöðu verksamnings og afhendinar
til Juhana.Berner@coverglobal.com og cc til thuridurhalldorsdottir@gmail.com
Öll vinna og uppsetningar með Cover efni eftir 14. ágúst 2017 er ólögleg ef hún
hefur ekki verið samþykkt fyrirfram af CoverGlobal oy eða gerð með þeirra
leyfi.
Varðandi allar nýjar pantanir eða staðfestingu á þegar gefnum tilboðum eru
viðskiptavinir vinsamlegast beðnir um að hafa samband við
Þuríði Halldórsdóttur hdl., Hátúni 6a, 105 Reykjavík. Sími 7775729. Netfang:
thuridurhalldorsdottir@gmail.com
Birt samkvæmt umboði undirrituðu af Päivi Rajamäki, CEO CoverGlobal Ltd.
LögregLumáL  „Það sem þarf að gera
er að fólk komi með upplýsingar og
láti okkur helst vita jafnóðum svo
við séum með þetta skráð í kerfi.
Þannig, ef um áreiti er að ræða,
séum við að safna upplýsingum um
leið og atvikin verða,“ segir Alda
Hrönn Jóhannsdóttir, aðallögfræð­
ingur lögreglunnar á höfuðborgar­
svæðinu, aðspurð um hvernig sé
best að óska eftir nálgunarbanni.
„Það er sterkara en að koma með
þetta í einum bunka því í greinar­
gerð í lögunum skiptir saga við­
komandi máli og hvort eitthvað
hafi  ítrekað gerst og svoleiðis.
Þetta telur inn í það ef um slíkt er
að ræða,“ segir Alda Hrönn. „Sagan
skiptir máli..“
Hanna Kristín Skaftadóttir vakti
nokkra athygli á fimmtudaginn
síðastliðinn þegar hún varpaði
fram spurningu um hvernig hægt
væri að fá nálgunarbann en hún
hefur óskað eftir  nálgunarbanni
gegn fyrrverandi sambýlismanni
sínum, Magnúsi Jónssyni sem
áður var forstjóri Atorku. Hún
hefur kært hann til lögreglu fyrir
heimilisofbeldi.
Það sem af er ári hefur tíu beiðn­
um um nálgunarbönn verið synjað
en fjórtán verið samþykktar sam­
kvæmt upplýsingum frá lögregl­
unni á höfuðborgarsvæðinu. Árið
2016 voru 25 beiðnir samþykktar
en sautján hafnað. Árið áður fengu
tólf beiðnir synjun en 33 voru sam­
þykktar. Í tveimur tilfellum vantaði
upplýsingar til að taka ákvarðanir.
Alda Hrönn segir að nálgunar­
bönn séu unnin innan þröngs tíma­
ramma. „Samkvæmt lögum eigum
við að taka ákvörðun innan sólar­
hrings frá því að beiðni berst.“
Hún bendir á að það sé ekki
nákvæmlega skilgreint í lögum
hvað þurfi til að dæma einhvern í
nálgunarbann. „Það er kannski það
sem mætti alveg vera aðeins skýrara
og fólk er ekki alveg sammála um
hvað þarf. Það er byggt á mati hvers
og eins sem er að taka ákvörðunina
hverju sinni hvað þurfi til.“
„Þetta eru lög frá 2011 og þau
eru í þróun og við höfum reynt
að þróa þau sérstaklega frá árinu
2015 á höfuðborgarsvæðinu. Þetta
er allt í þróun og það þarf að halda
því áfram, það er ekkert hafið yfir
gagnrýni. En það mætti koma
nákvæmari lýsingu í lagákvæðið
sjálft, sérstaklega um hversu hár
þröskuldurinn eigi að vera. Hvaða
grunnkröfur ætlum við að gera til
að óska eftir nálgunarbanni?“ spyr
Alda.
Í lögum kemur fram að hægt sé
að óska eftir nálgunarbanni gegn
einhverjum sem hefur brotið gegn
manneskju eða raskað friði hennar
á annan hátt. „Við höfum oft betur
skilgreint brotin en hvað er að raska
friði annarrar manneskju? Þetta er
bara mat hverju sinni og er háð því.“
Hún bendir á að það sé mismun­
andi eftir fólki hverju sinni. Mögu­
leiki sé þó á að kæra niðurstöðu sé
ekki fallist á bannið. „Það þarf að
kæra innan mánaðar, þá er farið yfir
ákvörðunina og endurmat fer fram.“
Í einhverjum tilfellum hefur fólki
sem óskar eftir banni verið afhentur
neyðarhnappur. Alda segir það þó
ekki gert í öllum tilfellum, enda
um dýran tækjakost að ræða. „Það
er háð ákveðnum kríteríum sem
eru svolítið miklar og það virkar
ekki alltaf heldur. Þetta fer eftir
aðstæðum í hverju máli fyrir sig.
Það er hins vegar meðalhóf sem við
beitum.“
Neyðarhnappur er í boði í þeim
málum sem það á við, að sögn
Öldu en svo eru önnur úrræði. Alda
Hrönn vill ekki skilgreina þau betur
opinberlega. „Við reynum að veita
fólki öryggi svo því líði eins og það
sé öruggt með ákveðnum hætti. Við
erum klárlega með úrræði og önnur
úrræði en nálgunarbönn hafa verið
að virka.“
Alda bendir að lokum á að fleiri
en einn aðili getur óskað eftir
nálgunarbanni.  „Það er talað um
það sérstaklega að  sá  sem sætir
ógn eða áreiti geti óskað eftir
nálgunarbanni, en það geta nánir
aðstandendur gert líka, auk þess
sem barnavernd getur stigið inn.
Svo getur lögreglustjóri ákveðið það
í einhverjum tilfellum. Ef lögregla
telur að ógn steðji að. Þá þarf
viðkomandi ekki að bera ábyrgð á
að hafa óskað eftir því."
saeunn@frettabladid.is
Sett nálgunarbönn fari eftir geðþótta
Alda Hrönn Jóhannsdóttir, aðallögfræðingur lögreglunnar á höfuðborgarsvæðinu, telur þörf á nákvæmari lýsingu í lagaákvæði um
hversu hár þröskuldur þarf að vera fyrir nálgunarbann. Hún segir byggt á mati þess sem tekur ákvörðunina hverju sinni hvað þurfi til.
Alda Hrönn Jóhannsdóttir segir lög um nálgunarbann ekki yfir gagnrýni hafin. FréttAblAðið/PJetur
Það er ekki ná-
kvæmt skilgreint í
lögunum, það er kannski
það sem mætti alveg vera
aðeins skýrarara og fólk er
ekki alveg sammála um hvað
þarf.
Alda Hrönn Jóhannsdóttir,
aðallögfræðingur lögreglunnar á
höfuðborgarsvæðinu
StjórnSýSLa Utanríkisráðuneytið
hafnaði nýverið beiðni norsks
blaðamanns, Gunnars Thorenfeldt,
um aðgang að gögnum um fjársvika­
mál styrkþega úr uppbyggingarsjóði
EES. Sjóðurinn er rekinn af Noregi,
Íslandi og Liechtenstein og árlegt
framlag Íslands til sjóðsins nemur
nálægt hálfum milljarði.
Thorenfeldt hefur haft sjóðinn til
rannsóknar um nokkurn tíma. Hann
óskaði upplýsinga hjá utanríkisráðu­
neytinu um mál pólsks bæjarstjóra
sem vann að verkefni sem hlotið
hafði styrk úr sjóðnum. Bæjarstjór­
inn stakk af með styrkféð og var síðar
sakfelldur fyrir misferlið af pólskum
dómstól. Fjallað var um málið í frétt
norska miðilsins Dagbladet síðast­
liðinn sunnudag.
Í skýrslu sjóðsins um misferlið,
sem Thorenfeldt hefur undir
höndum, höfðu allar helstu upplýs­
ingar um málið verið afmáðar, nafn
mannsins, nafn og númer verkefnis­
ins, styrkfjárhæðin og upplýsingar
um dómstólinn. Þegar Thorenfeldt
óskaði skýringa á þessari upplýs­
ingaleynd, vísaði skrifstofa sjóðsins í
Brussel á utanríkisráðuneyti aðildar­
ríkja sjóðsins, sem leiddi Gunnar
Thorenfeldt til íslenskra stjórnvalda.
Utanríkisráðuneytið synjaði
honum um aðgang að umræddum
upplýsingum, á þeim grundvelli að
upplýsingarnar vörðuðu milliríkja­
samskipti og væru þar af leiðandi
undanþegnar upplýsingarétti. Í
svarinu var ekki rökstutt hvernig
upplýsingarnar vörðuðu almanna­
hagsmuni, sem er þó skilyrði lag­
anna fyrir synjun um aðgang að
upplýsingum.
„Það kom mér á óvart að á Íslandi,
sem ég hélt að hefði upplýsingalög­
gjöf á heimsmælikvarða, gilti upp­
lýsingaleynd um misnotkun á skattfé
Íslendinga,“ segir Thor enfeldt. Hann
hefur víðar rekist á veggi í upp­
lýsingaöflun sinni um þau verkefni
sem hafa verið styrkt af sjóðnum,
sem hefur það hlutverk að styrkja
verkefni í ríkjum Suður­ og Austur­
Evrópu til að vinna gegn efnahags­
legri og félagslegri mismunun.
Eftir að hafa fengið synjun frá
þeim ríkjum sem verja skattfé til
sjóðsins, leitaði Thorenfeldt til
styrkþegaríkisins sjálfs, Póllands. Þar
fékk hann allar upplýsingarnar sem
hann óskaði eftir undanbragða­ og
umsvifalaust. -aá
Upplýsingaleynd um skattsvikara
SamféLag Íslenska ríkið hefur óskað
eftir leyfi Hæstaréttar til að áfrýja
dómi Héraðsdóms Reykjavíkur í máli
ljósmæðra frá 30. maí. Þar var ríkið
dæmt til að greiða fimm ljósmæðrum
vangoldin laun fyrir vinnu sem þær
inntu af hendi meðan á verkfalli
Ljósmæðrafélags Íslands stóð vorið
2015. Í tilkynningu frá BHM, segir að
þetta sé köld kveðja til ljósmæðra.
Margar ljósmæður náðu að
skila nánast fullri vinnuskyldu í
verkfallinu en engu að síður ákvað
ríkið að halda eftir stórum hluta
launa þeirra. Í dómi héraðsdóms var
fallist í einu og öllu á kröfur stefnenda
hvað varðar fjárhæðir vangoldinna
launa og að auki var ríkið dæmt
til að greiða þeim málskostnað.
Í áfrýjunarbeiðninni kemur
fram að Benedikt Jóhannesson,
fjármála­ og efnahagsráðherra, sem
fer með mál er varða réttindi og
skyldur starfsmanna ríkisins, telji
brýnt að dómur héraðsdóms sæti
endurskoðun.
Ljósmæður búa sig um þessar
mundir undir að hefja kjaraviðræður
við ríkið. Í tilkynningunni segir
að  BHM styðji félagið í baráttu
þess enda samræmist það hvorki
ákvæðum kjarasamninga né
meginreglum vinnuréttar að
starfsmenn fái ekki greitt fyrir þá
vinnu sem þeir inna af hendi. – bb
Vilja skoða laun ljósmæðra í verkfallinu
Þórunn
Sveinbjarnar-
dóttir, formaður
bHM
Íslenska utanríkisráðu-
neytið synjaði blaðamanni
um aðgang að umræddum
upplýsingum.
500
milljónum af íslensku skattfé
er varið til sjóðsins árlega.
2 6 . á g ú S t 2 0 1 7 L a u g a r D a g u r12 f r é t t i r ∙ f r é t t a B L a ð i ð
2
6
-0
8
-2
0
1
7

0
4
:2
2
F
B
1
2
0
s
_
P
1
1
6
K
.p
1
.p
d
f
F
B
1
2
0
s
_
P
1
0
9
K
.p
1
.p
d
f
F
B
1
2
0
s
_
P
0
0
5
K
.p
1
.p
d
f
F
B
1
2
0
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
D
9
4
-1
7
1
8
1
D
9
4
-1
5
D
C
1
D
9
4
-1
4
A
0
1
D
9
4
-1
3
6
4
2
7
5
X
4
0
0
.0
0
1
5
A

F
B
1
2
0
s
_
2
5
_
8
_
2
0
1
7
C
M
Y
K