Dagblaðið Vísir - DV - 10.03.2017, Blaðsíða 2

Helgarblað 10.–13. mars 20172 Fréttir
n Kostaði 10,7 milljónir n Kaupverð nýrra ráðherrabíla nálgast hundrað milljónir
I
nnanríkisráðuneytið hefur fest
kaup á nýjum Toyota Land Cruiser
150 VX-jeppa fyrir Jón Gunnars-
son, samgöngu- og sveitar-
stjórnarráðherra. Jeppinn var
keyptur 1. mars síðastliðinn og var
kaupverðið 10.683.700 krónur sam-
kvæmt upplýsingum frá ráðuneytinu.
Vantaði ráðherrabíl
Eftir fjölgun ráðherra við myndun
núverandi ríkisstjórnar Sjálfstæðis-
flokks, Viðreisnar og Bjartrar fram-
tíðar úr tíu í ellefu var ljóst að kaupa
þyrfti nýjan ráðherrabíl fyrir einn
þeirra líkt og DV greindi frá í lok jan-
úar. Það kom í hlut innanríkisráðu-
neytisins að kaupa þann bíl fyrir
Jón en ráðherrar ráðuneytisins eru
nú tveir eftir að því var skipt upp og
Sigríður Á. Andersen gerð að dóms-
málaráðherra. Hún fékk BMW X5-
jeppa ráðuneytisins sem keyptur
var vorið 2016.
Jóni hefur verið ekið um á leigubíl
frá því að hann settist í ráðherrastól í
janúar og mætti einmitt á Chrysler-
leigubifreið til fyrsta ríkisráðsfund-
ar stjórnarinnar á Bessastöðum 11.
janúar. DV fékk þær upplýsingar frá
ráðuneytinu í lok janúar að verið væri
að skoða kaup á nýjum ráðherrabíl
fyrir Jón. Þau kaup eru nú frágengin
að undangengnu útboði Ríkiskaupa.
Hundrað milljóna flotinn
Land Cruiser-jeppinn er níundi nýi
ráðherrabíllinn sem keyptur hefur
verið síðastliðin rúmlega tvö ár.
Kostnaðurinn við endurnýjun ráð-
herrabílaflotans stendur nú í 97,7
milljónum króna.
Ljóst er að fljótlega þarf að endur-
nýja tvo síðustu ráðherrabílana í flot-
anum sem komnir eru til ára sinna
og orðnir lúnir svo heildarkostnað-
urinn við ráðherrabílakaup mun að
líkindum rjúfa 100 milljóna króna
markið á kjörtímabil-
inu og gott betur.
Það er velferðar-
ráðuneytið sem eftir
á að endurnýja ráð-
herrabifreiðar sínar
tvær, sem báðar eru
orðnar níu ára gaml-
ar og hafa hingað til
þjónað heilbrigðis-
ráðherra og félags- og
húsnæðismálaráð-
herra. Óttarr Proppé,
nýr heilbrigðisráðherra, er
sem stendur á Volvo XC90, árgerð
2008, og Þorsteinn Víglundsson, nýr
félags- og jafnréttismálaráðherra, á
Land Rover Freelander 2, einnig ár-
gerð 2008.
Ekki grænn kostur
Nýr ráðherrajeppi samgöngu- og
sveitarstjórnarráðherra er sjálfskipt-
ur dísilbíll, 177 hestöfl og eyðir 9,2
lítrum/100 km. í innanbæjarakstri,
6,3 lítrum í utanbæjarakstri og 7,4
lítrum í blönduðum akstri.
Mörg ráðuneytanna hafa í endur-
nýjun bifreiða sinna veðjað á tengi-
tvinnbíla, sem ganga bæði fyrir raf-
magni og eldsneyti, og eru bæði
sparneytnari og umhverfisvænni.
Samanborið við þá ráðherrabíla er
ljóst að Land Cruiser-jeppi sam-
göngu- og sveitarstjórnarráðherra er
ekki mjög grænn. n
Sigurður Mikael Jónsson
mikael@dv.is
Glæsilegur bíll Innanríkisráðuneytið festi kaup á þessum nýja Land Cruiser-jeppa í byrjun mánaðarins. Kaup-
verðið var tæpar 10,7 milljónir sem gerir hann að þeim fjórða dýrasta í ráðherrabílaflotanum. Mynd SiGtryGGur Ari
Jón Gunnarsson Samgöngu- og sveitar-
stjórnarráðherra. Mynd SiGtryGGur Ari
Nikótínvökvi
í kílóavís
Tollverðir hafa að undanförnu
haldlagt rúmlega 184 lítra af
nikótínvökva sem flytja átti inn
í landið. Í tilkynningu frá tollin-
um kemur fram að flestar hafi
sendingarnar, eða fimm tals-
ins, komið frá Bandaríkjunum en
einnig frá Bretlandi og Hong Kong.
„Í flestum tilvikum var um
hraðsendingar að ræða en einnig
fáeinar póstsendingar. Þá voru
tvær sendingar sem innihéldu
merkimiða á nikótínvökva einnig
haldlagðar en slíkt varðar brot á
lyfjalögum. Athygli skal vakin á því
að um er að ræða bráðabirgðatöl-
ur,“ segir í tilkynningunni.
Stærsta einstaka sendingin af
nikótónvökva innihélt rúmlega
81 lítra og var þar um að ræða
hraðsendingu frá Bandaríkj-
unum. Næststærsta sendingin
innihélt 48 lítra og barst hún frá
Bretlandi. Tollstjóri hefur kært
umrædd mál til lögreglunnar á
höfuðborgarsvæðinu.
Hagvöxtur á
Íslandi var 7,2
prósent í fyrra
Landsframleiðsla jókst að raun-
gildi um 7,2 prósent á árinu 2016
og er nú 10 prósentum meiri en
hún var árið 2008. Þetta kemur
fram í tölum sem Hagstofa Íslands
birti á fimmtudag. Á liðnu ári
jókst einkaneysla um 6,9 prósent,
samneysla um 6,9 prósent og fjár-
festing jókst um 22,7 prósent.
„Árlegur vöxtur einkaneyslu
hefur ekki mælst meiri frá árinu
2005 en að árinu 2007 undan-
skildu hefur einkaneysla ekki
mælst meiri að raungildi hér á
landi,“ segir í frétt Hagstofunnar.
Þá segir í nýbirtum tölum að
útflutningur hafi aukist 11,1 pró-
sent á sama tíma og innflutning-
ur jókst um 14,7 prósent.
Fjárfesting jókst sem fyrr segir
um 22,7 prósent á síðasta ári, en
árlegur vöxtur fjárfestingar hefur
ekki mælst meiri síðan árið 2006.
Sótti slasaðan
sjómann
Þyrla Landhelgisgæslunnar, TF-
LIF, var kölluð út seint á miðviku-
dagskvöld til að sækja veikan skip-
verja af Hrafni Sveinbjarnarsyni
GK-225. Skipið var þá að veiðum
um 17 sjómílur vestur af Surtsey.
Þyrlan fór í loftið rétt eftir
miðnætti og um 40 mínútum síð-
ar var hún komin að skipinu. Að
sögn Landhelgisgæslunnar var
maðurinn rólfær og því reyndist
ekki þörf á að taka hann upp í
sjúkrabörum. Þyrlan lenti svo
á Reykjavíkurflugvelli klukkan
rúmlega eitt eftir miðnætti. Þar
beið sjúkrabíll sem flutti mann-
inn á Landspítalann.
U
m 58 prósent Íslendinga eru
á móti vegatollum, sem not-
aðir yrðu til uppbyggingar á
vegakerfinu, en 42 prósent
eru hlynnt þeim. Þetta kemur fram
í nýrri skoðanakönnum Maskínu.
Um 29–30 prósent svarenda sögð-
ust vera hlynnt vegatollum til upp-
byggingar á vegakerfinu aðeins þar
sem maður hefði val um aðra leið.
Um 12–13 prósent voru hlynnt
vegatollum óháð því hvort maður
hefði val um aðra leið.
Mest andstaða við vegatolla
reyndist á meðal sunnlendinga og
Reyknesinga, en þrír af hverjum
fjórum voru andvígir vegatollum.
Helmingur Reykvíkinga er á móti
vegatollum.
Þeir sem hafa minni menntun
eru frekar á móti vegatollum en
þeir sem eru langskólagengnir.
Þannig eru 72–73 prósent þeirra
sem aðeins hafa lokið grunnskóla-
prófi á móti vegatollum.
„Síðast en ekki síst er munur á
skoðunum svarenda eftir því hvaða
flokk þeir myndu kjósa. Píratar
eru einna helst á móti vegatollum,
eða slétt 71 prósent, en kjósend-
ur Bjartrar framtíðar eru minnst á
móti vegatollum, eða rúmlega 32
prósent.“ n
baldur@dv.is
Íslendingar andvígir vegatollum
Könnun Maskínu leiðir þetta í ljós
Vegatollar
Helmingur Reykvíkinga er á
móti vegatollum.
Mynd SiGtryGGur Ari
Jón fær Land Crusier