Dagblaðið Vísir - DV - 18.08.2017, Blaðsíða 37

vini sínum, þar sem hann er að
útbúa íbúð handa sér. Þannig að
líkur eru á að búsetan í Grindavík
verði lengur en eitt ár.
Keyrir um á Oldsmobile F85
árgerð 1962
„Bíllinn sem ég keyri á í dag var
búinn að vera í mörg ár í Hrísey, en
hann endaði þar af því að einhver
ætlaði að gera við hann,“ segir
Stefán Örn. „Bíllinn var fluttur inn
fyrir einhverjum árum og um leið
og gámurinn var opnaður sá þá-
verandi eigandi að bíllinn var flagð
undir fölsku skinni. Ég var búinn
að vita af þessum bíl í mörg ár. Bíll-
inn stóð í Hrísey með opna glugga,
það rigndi inn í hann og vinur
minn eignaðist hann í einhverju
braski og vissi að ég var spenntur
fyrir honum, af því að það væri nú
gott að eiga varahluti í annan sem
ég átti fyrir.“
Stefán Örn fór á Benz árgerð
1977 til Akureyrar að sækja bíllinn
og dró hann til Ísafjarðar. Síðan
ákvað hann í stað þess að rífa
Oldsmobile-inn í varahluti, að
keyra hann bara út og nota eftir að
hafa skreytt hann aðeins upp og
komið í gegnum skoðun.
Framendi varð að sjónvarpsskenk
Stefán Örn er ekki bara handlaginn
við bílana, heldur notar parta af
þeim í eitthvað annað, eins og til
dæmis í sjónvarpsskáp í stofunni á
Ísafirði.
„Ég sá Mercury Marquis árgerð
1970 auglýstan til sölu í Þorláks-
höfn, haugryðgaðan og hand-
ónýtan. Bíl sem var keyptur í Sölu
varnarliðseigna fyrir fjölda ára, svo
stóð hann bara úti og maður sér á
boddíinu hvernig ríkjandi vindátt
var. En með framendanum á bíln-
um gat ég gert eitt sem mig langaði
alltaf til að gera: sjónvarpsskenk.
Ég fór því sérstaklega frá Ísafirði
til Þorlákshafnar með sverðsög
og slípirokk, skar framendann
af bílnum og keyrði með vestur.
Inni í þessu er ég með heimabíóið,
afruglarann, Playstation-tölvuna
og svo framvegis.“
Heillast ekki af nýjum bílum
Stefán Örn á 15 bíla og geymir þá
alla, nema einn, í geymslu sem
hann á í Bolungarvík, en hana
keypti hann fyrir þremur árum,
með það fyrir augum að varðveita
bílana þar. Allir eru fornbílar,
nema einn, og meðalaldurinn
51–52 ár. Fimm af bílunum eru
einstakir, þeir einu sinnar tegund-
ar hér á landi. „Mig hefur aldrei
langað til að eiga nýjan bíl, þeir
bara heilla mig ekki. Líklega vegna
þess að það getur hver sem er
keypt sér og keyrt um á nýjum bíl.
Allir bílarnir sem ég á skera sig úr
í umferðinni. Þegar ég keyri um
þá er veifað til mín: „Hei, þarna
er Stebbi.“ Mér líður bara illa að
keyra um á venjulegum bíl.“
Margir bílanna eru óuppgerðir
og segir Stefán Örn að hann safni
að sér bílum til að varðveita þá.
Hann hvorki segir né lofar að hann
muni einhvern tíma gera þá alla
upp. „Mig langar að gera það, en
maður þarf að hafa tíma til þess.
Vonandi fæ ég núna löngun til
að dútla aftur við bíla á kvöldin.
En á meðan ég bíð eftir tíma, þá
bíða bílarnir í geymslunni í Bol-
ungarvík. Ásamt varahlutum sem
ég hef líka sankað að mér.“
Líkt og með áhugamenn um
fótbolta sem muna öll fótbolta-
úrslit, þá man Stefán Örn allt hvað
varðar bílana, sem verða á vegi
hans. „Ég er hrikalega lélegur með
nöfn á fólki, en ég veit miklu frekar
hvernig bíl það keyrir um á.
Það er nauðsynlegt að hafa
tilbreytingu í lífinu, ekki festa sig
bara við að gera eitthvað eitt. Ég á
30 ár eftir á vinnumarkaðinum hið
minnsta, þannig; af hverju ekki?
Allar breytingar eru tækifæri til að
gera eitthvað skemmtilegt og bæta
í gagnabankann. Allt sem maður
gerir og hefur gert, gerir mann að
þeirri manneskju sem maður er í
dag og maður á aldrei að sjá eftir
neinu,“ segir Stefán Örn.
Frumsýning í KrúserKlúbbnum
Oldsmobile F85 árgerð 1962 var
bíll kvöldsins nýlega hjá Krúserklúbbnum, s
em hittist alla fimmtudaga og keyrir
um, ef veður leyfir.
buicK í besta
standi Einn af
mörgum bílum Stef-
áns Arnar, Buick
Century árgerð
1984.
sKiptinemi í bandaríKjunum Stef
án Örn var skiptinemi í Bandaríkjunum í ei
tt ár eftir grunnskóla. Bílaáhuginn minnkað
i ekkert
vestanhafs. „Þegar ég var 17 ára skiptinem
i í Bandaríkjunum þá gerði ég upp þennan
Ford Galaxie árgerð 1963.“
sjónvarpssKenKur Bíll breytist í sjónvarpsskenk.
aFtur til Fortíðar De Lorean, sá
eini sinnar tegundar á landinu. Sams
konar bíll og Marty Mcfly ferðaðist á um
tímann í myndunum Back to the Future.
með brennandi
bíladellu Stefán Örn
leggur sig fram við að
varðveita fornbíla.