Fréttablaðið - 18.10.2017, Blaðsíða 14

www.olafsson.is Endursöluaðilar um land allt
Snjöll lýsing!
OSRAM LIGHTIFY: Aðlagaðu ljósið
að þínum þörfum með Appi
LED lausnir frá
Lýsing fyrir götur,
göngustíga og bílastæði.
Ráðgjöf og nánari upplýsingar
má fá hjá sölumönnum.
Smart City
lausnir
Jóhann Ólafsson & Co.
Krókháls 3, 110 Reykjavík
533 1900
sala@olafsson.is
Gæði og glæsileiki
endalaust úrval af hágæða flísumFlísabúðin
Stórhöfða 21 | s: 545 5500 | flis.is
ÚTSALA
Með Fréttablaðinu í gær og í dag fylgdi yfirlit yfir íbúðauppbygginguna sem
nú á sér stað í Reykjavík. Í stuttu
máli stendur stærsta uppbygg-
ingarskeið í sögu Reykjavíkur yfir.
Verktakar og þróunaraðilar byggja
þúsundir íbúða inn á sölumarkað
en borgin beitir sér og hefur lagt
fram fjölda lóða til að tryggja stór-
aukið framboð af húsnæði á við-
ráðanlegu verði. Hryggjarstykkið
í húsnæðisstefnu borgarinnar er
einmitt samvinna við traust leigu-
og búseturéttarfélög sem rekin eru
án hagnaðarsjónarmiða. Staðfest
áform um uppbyggingu íbúða í
samstarfi við þessi félög eru rúmlega
4.000 íbúðir. Það er rúmlega einn
Mosfellsbær eða meira en tvöfalt
fleiri íbúðir en eru á Seltjarnarnesi.
Hluti þeirra er risinn eða í byggingu
en unnið er hörðum höndum að
því að koma afganginum sem fyrst
í framkvæmd.
Alls munu 1.000 íbúðir af þessu
tagi rísa í samstarfi við verkalýðs-
hreyfinguna, 1.340 námsmanna-
íbúðir í samvinnu við stúdenta, um
450 búseturéttaríbúðir í samvinnu
við Búseta, um 450 íbúðir fyrir eldri
borgara, 105 hjúkrunarrými í sam-
vinnu við ríkið sem þyrfti sannar-
lega að gera betur í þeim efnum,
að ógleymdum yfir 100 sértækum
búsetuúrræðum og loks yfir 650
félagslegum íbúðum á vegum borg-
arinnar. Öll þessi verkefni stuðla að
því að skapa heilbrigðari leigu- og
húsnæðismarkað.
Ef önnur sveitarfélög á höfuð-
borgarsvæðinu myndu taka á hús-
næðismálunum af sama krafti og
Reykjavíkurborg, þá myndi hús-
næðisvandinn á höfuðborgarsvæð-
inu heyra sögunni til á mun styttri
tíma en ella. Reykjavík býr nú þegar
yfir miklu fleiri félagslegum íbúðum
en aðrir en er því miður nær ein í
því verkefni að stuðla að fjölbreytt-
ari húsnæðismarkaði. Munurinn
á framboði leiguhúsnæðis, íbúða
fyrir stúdenta og aldraða og félags-
legs húsnæðis mun halda áfram að
aukast gríðarlega ef önnur sveitar-
félög fara ekki að úthluta lóðum eða
kaupa íbúðir til að mæta þessum
þörfum.
Húsnæðisvandinn á höfuðborgar-
svæðinu er nefnilega tvíþættur.
Annars vegar er um að ræða fram-
boðsvanda þar sem of lítið var byggt
eftir hrun. Uppbygging og fjármögn-
un verkefna fór hægt af stað og fór
raunverulega ekki á fullt fyrr en árið
2014. Segja má að öll sveitarfélög
séu að gera sitt til að mæta þessum
hluta vandans með því að ýta undir
íbúðabyggingu. Hinn hluti vandans
er að stór hópur fólks hefur í raun
hvorki efni á að leigja né kaupa og
upplifir gríðarlegt óöryggi á óheil-
brigðum leigumarkaði. Þetta er
staðan sem húsnæðisstefna borg-
arinnar stefnir að því að breyta en
það er óásættanlegt að borgin sé eitt
sveitarfélaga í þessu verkefni.
Staðan í húsnæðismálum
Dagur B.
Eggertsson
borgarstjóri
Íviðtali við þrjá stjórnmálaleiðtoga í Fréttablaðinu, þau Steingrím J., Helga Hrafn og Lilju Alfreðs,
tala þau meðal annars um nauðsyn
þess að grípa til aðgerða til bjargar
íslenskunni.
Ég get glatt þau með því að grasrót-
in er á undan þeim. Miðvikudaginn
4. október sl. var haldið málþing undir
nafninu: Barnabókin er svarið. Ráð-
hús Reykjavíkur fylltist út að dyrum
af kennurum, bókasafnsfræðingum,
barnabókahöfundum, útgefendum og
einni stjórnmálakonu.
Þar kom m.a. fram að Norðmenn
líta á tungumálið sitt sem mál í
útrýmingarhættu. Þeir eru 5.234.252.
Við erum 334.252. Þeir kaupa allar
góðar barnabækur í ákveðnu upp-
lagi til að setja á bókasöfnin. Þannig
verður útgáfan öruggari og fleiri góðir
höfundar nenna að skrifa fyrir börn
því það borgar sig allt í einu. Þann-
ig gæti góðum barnabókum fjölgað
sem er alger nauðsyn og börn fengju
bækur sem þau hefðu áhuga á að lesa
… ef reglur og lög um bókasöfn verða
tekin í gegn og þeim tryggt fjármagn
til að koma bókum til barnanna.
Til að hjálpa þeim Lilju, Helga
Hrafni og Steingrími – og þér, les-
andi góður, ákvað ég að taka saman
niðurstöður málþingsins og birta
hér. Þetta er það sem yfir 200 sér-
fræðingar í þessu máli vilja að þið
sem komist á þing eftir tvær vikur
ákveðið og gerið:
1. Börn og unglingar verða að hafa
aðgang að bókum.
2. Það verður að efla skólabókasöfn
með lögum, reglugerðum og pen-
ingaframlögum. Þetta má ekki vera
háð ráðherraskiptum.
3. Það verður að efla útgáfu barna-
bóka með því að kaupa lágmarks-
upplag góðra bóka sem dreifast svo
á bókasöfnin.
4. Það verður að auka framlög í
launasjóð rithöfunda og mynd-
skreyta. Viðbótin verður eyrna-
merkt þeim sem skrifa og mynd-
skreyta fyrir börn og unglinga.
5. Það verður að setja yndislestur á
stundaskrá í skólum. Börn verða
að fá frið til að lesa.
6. Foreldrar og kennarar verða að
vera lestrarfyrirmyndir. Hvað
ungur nemur, gamall temur.
7. Samstarf allra aðila er lykilatriði.
Menntamálastofnun, SÍUNG,
Rithöfundasambandið, Félag
íslenskra bókaútgefenda, Krakka-
RÚV, Heimili og skóli, Reykjavík
Bókmenntaborg UNESCO, kenn-
arar, foreldrar, sveitarfélögin, Mið-
stöð skólaþróunar, háskólarnir,
Alþingi, menntamálaráðuneytið:
allir verða að vinna saman.
8. BARNABÓKIN ER SVARIÐ!
Málþingið var aðeins fyrsta skrefið
í því að setja barnabókina á oddinn
til að efla börnin okkar, lestur, læsi
og íslenskuna. Nú á næstu vikum
fer til dæmis af stað mikil dagskrá
á KrakkaRÚV sem miðar að þessu.
Grasrótin iðar og nú þurfa stjórn-
málin að vakna.
Barnabókin er svarið
Gunnar
Helgason
leikari, rithöf-
undur og for-
maður SÍUNG,
í 7. sæti hjá
Samfylkingunni
í Kraganum
Ófremdarástand er í húsnæð-ismálum í Reykjavík eftir áralanga vanrækslu stjórn-
valda þar sem hæst ber lóðaskort
í Reykjavík. Ekki er óalgengt að
krafist sé gífurlegra hárra upphæða
í leigu – jafnvel 250 þúsund króna
fyrir meðalstóra íbúð. Stór hópur
fólks hefur ekki fjárhagslega burði
til að vera á slíkum leigumarkaði.
Þess vegna eru dæmi um að fólk
leigi húsnæði í óviðunandi ástandi
á okurverði. Fólk hefur jafnvel ekki
baðaðstöðu eða deilir salerni með
öðrum en fjölskyldunni.
Afskiptaleysi ráðamanna und-
anfarin ár af þróun húsnæðis-
mála hefur komið stórum hópi
Íslendinga sérlega illa. Þetta á
einkum við um ungt fólk, tekju-
lága einstaklinga, öryrkja og aðra
minnihlutahópa. Á sama tíma og
vandinn hefur vaxið hefur ferða-
mannastraumur til Íslands aukist.
Það er einföldun á vandamálinu
að fullyrða að húsnæðisvandinn
sé auknum ferðamannastraumi að
kenna þótt það sé hluti vandans.
Sannleikurinn er sá að stjórnvöld
hafa vanrækt þennan málaflokk
allt of lengi.
Flokkur fólksins krefst þess að
komið verði á fót félagslegu kaup-
leigukerfi og leigumarkaði sem
ekki stjórnast af gróðahyggju.
Húsnæðisöryggi er grundvöllur að
hagsæld og hamingju þjóðarinnar.
Við megum ekki líða frekari van-
rækslu í þessum málum.
Allir þurfa þak yfir höfuðið. Það
fylgir því mikil vanlíðan að hafa
ekki öruggan samastað enda um
eina af okkar aðalgrunnþörfum
að ræða. Óöryggið hefur gífurleg
áhrif á börnin í þessum aðstæðum
sem hafa mörg hver átt afar erfitt.
Það hefur mikil áhrif á sjálfsmynd
barna sem þurfa að flytja oft. Þau
eru ef til vill nýbúin að aðlagast og
mynda tengsl þegar þau þurfa að
flytja aftur. Það setur að mörgum
börnum kvíða og áhyggjur þegar
þau hugsa hvort þeim takist að
eignast vini á enn einum nýjum
stað. Hluti af unga fólkinu okkar
sem er að hefja búskap hefur getað
treyst á foreldra sína og ættingja.
En það geta ekki allir hjálpað
börnunum sínum því þeir eiga
kannski nóg með sig. Í öðrum til-
fellum eru foreldrar ekki til staðar,
búa e.t.v. annars staðar á landinu
eða erlendis.
Barn sem lifir við þessar aðstæð-
ur situr ekki við sama borð og
börn sem eiga foreldra í betri efna-
hagsstöðu. Það ríkir því sannarlega
mikill ójöfnuður í samfélaginu
hvað þetta varðar. Ójöfnuður sem
þessi kemur eins og alltaf verst
niður á þeim sem minnst mega
sín. Börn þurfa að geta fundið til
öryggis í tilveru sinni ef þau eiga
að geta vaxið og dafnað áhyggju-
laust.
Ófremdarástand í húsnæðismálum
Kolbrún
Baldursdóttir
sálfræðingur og
skipar 2. sæti á
framboðslista
Flokks fólksins í
Reykjavíkurkjör-
dæmi norður
2017
2017
Norðmenn líta á tungumálið
sitt sem mál í útrýmingar-
hættu. Þeir eru 5.234.252.
Við erum 334.252. Þeir
kaupa allar góðar barna-
bækur í ákveðnu upplagi til
að setja á bókasöfnin.
Þú getur einnig
lesið Fréttablaðið
í heild sinni á Vísi
og í Fréttablaðs-
appinu.
... allt sem þú þarft
Þú færð appið á visir.is/fbl eða beint í gegnum
MEST LESNA DAGBLAÐ LANDSINS
1 8 . o k t ó b e r 2 0 1 7 M I Ð V I k U D A G U r14 s k o Ð U n ∙ F r É t t A b L A Ð I Ð
1
8
-1
0
-2
0
1
7

0
4
:3
3
F
B
0
7
2
s
_
P
0
6
6
K
.p
1
.p
d
f
F
B
0
7
2
s
_
P
0
5
9
K
.p
1
.p
d
f
F
B
0
7
2
s
_
P
0
0
7
K
.p
1
.p
d
f
F
B
0
7
2
s
_
P
0
1
4
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
0
0
-D
C
2
0
1
E
0
0
-D
A
E
4
1
E
0
0
-D
9
A
8
1
E
0
0
-D
8
6
C
2
7
5
X
4
0
0
.0
0
1
7
A

F
B
0
7
2
s
_
1
7
_
1
0
_
2
0
1
C
M
Y
K